ព័ត៌មានជាតិ
នគរបាលចរាចរណ៍ផ្លូវគោកចុះអនុវត្តច្បាប់និងចែកម៉ាសជូនប្រជាពលរដ្ឋធ្វើដំណើរតាមដងផ្លូវ
កម្លាំងការិយាល័យនគរបាលចរាចរណ៍ផ្លូវគោក ស្នងការដ្ឋាននគរបាលខេត្តព្រះសីហនុ នៅព្រឹកថ្ងៃទី៨ ខែមីនា ឆ្នាំ២០២១ជាមួយនឹងការពង្រឹងច្បាប់ចរាចរណ៍ក៏បាននាំយកម៉ាសទៅចែកជូនបងប្អូនប្រជាពលរដ្ឋធ្វើដំណើរតាមដងផ្លូវផងដែរ និងបានធ្វើការណែនាំដល់បងប្អូនទាំងអស់ឲ្យចូលរួមអនុវត្តតាមសេចក្ដីជូនដំណឹងលេខ១១៤ស ជ ណ/២១ ចុះថ្ងៃទី៤ ខែមីនា ឆ្នាំ២០២១របស់រដ្ឋបាលខេត្តព្រះសីហនុ កុំចេញក្រៅផ្ទះបើសិនគ្មានការចាំបាច់ និងចូលរួមគោរពច្បាប់ស្តីពីចរាចរណ៍ផ្លូវគោកទាំងអស់គ្នា។
លោកឧត្តមសេនីយ៍ត្រី អ៊ី សុខា ស្នងការរងផែនសណ្តាប់ធ្នាប់បានមានប្រសាសន៍ឲ្យដឹងថា ការចុះ ចែកម៉ាសចំនួន២គោលដៅនៅលើផ្លូវ១០០និងផ្លូវ៨០០ទាំងព្រឹកនិងល្ងាចបានប្រើប្រាស់ម៉ាសចែកជូនដល់បងប្អូនដែលមិនបានពាក់ម៉ាសអស់ចំនួន១០០ម៉ាសនិងសេចក្ដីជូនដំណឹងចំនួន៣០ច្បាប់ទាំងអស់នេះហើយដោយមានការយកចិត្តទុកដាក់ពីឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ និងឯកឧត្តមឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានចង្អុលបង្ហាញព្រមទាំងចាត់តាំង ឲ្យលោកតាមដាន និងត្រួតពិនិត្យ បងប្អូនប្រជាពលរដ្ឋដែលធ្វើដំណើរតាមដងផ្លូវ ឲ្យចូលរួមពាក់ម៉ាសនិងការពារសុវត្ថិភាពចរាចរណ៍ ព្រមទាំងធ្វើសេចក្ដីណែនាំពីច្បាប់ចរាចរណ៍ និងសេចក្ដីជូនដំណឹង របស់រដ្ឋបាលខេត្តព្រះសីហនុ ដែលចេញថ្ងៃទី៤ ខែមីនា ឆ្នាំ២០២១។
ជាមួយគ្នានោះផងដែរលោកឧត្តមសេនីយ៍ត្រី អ៊ី សុខា ក៏បានធ្វើការអំពាវនាវនិងសំណូមពរដល់បងប្អូនប្រជាពលរដ្ឋដែលរស់នៅក្នុងខេត្តព្រះសីហនុ ត្រូវចូលរួមទប់ស្កាត់ការរីករាលដាលនៃជំងឺកូវីដ-១៩ ត្រូវផ្លាស់ប្ដូរទម្លាប់និងអនុវត្តន៍តាមការណែនាំរបស់ក្រសួងសុខាភិបាលដោយត្រូវ លាងសម្អាតដៃជាមួយសាប៊ូ ជែល អាល់កុលឱ្យបានញឹកញាប់ បើចេញទៅទីសាធារណៈត្រូវពាក់ម៉ាស ឬកន្សែង ដើម្បីធានាថាមិនមានការ ឆ្លងជំងឺកូវីដ-១៩និងចូលរួមគោរពច្បាប់ចរាចរណ៍ទាំងអស់គ្នា៕
អត្ថបទ ៖ កោះពស់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)