ព័ត៌មានជាតិ
គិតត្រឹមម្សិលមិញ ព្រះសីហនុ មានអ្នកពាក់ព័ន្ធព្រឹត្តិការណ៍សហគមន៍ ២០ កុម្ភៈ ជាង១ម៉ឺននាក់ត្រូវបានយកសំណាក
លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុបានថ្លែងប្រាប់កម្ពុជាថ្មីនៅរសៀលថ្ងៃទី០៩ ខែមីនា នេះថា គិតត្រឹមម៉ោង៩ និង៣០ នាទីយប់ ថ្ងៃទី៨ ខែមីនា ឆ្នាំ២០២១ នៅខេត្តព្រះសីហនុ មានអ្នកពាក់ព័ន្ធព្រឹត្តិការណ៍សហគមន៍ ២០ កុម្ភៈ សរុបចំនួន១០៧៨១នាក់ ត្រូវបានយកសំណាក ក្នុងនោះស្រីចំនួន៤៦១៣នាក់។
បើតាមលោក ឃាង ភារម្យ ក្នុងសំណោមអ្នកពាក់ព័ន្ធទាំងនោះ មានអ្នកវិជ្ជមានសរុបចំនួន១២៩នាក់ ស្រី៥៣នាក់ ជាសះស្បើយ១១នាក់ កំពុងព្យាបាល១១៨នាក់ ហើយអ្នកជំងឺទាំងអស់បានដាក់អោយសម្រាកព្យាបាលនៅមន្ទីរពេទ្យបង្អែកខេត្ត (ពេទ្យចំការចេក) និងកន្លែង ព្យាបាល សាកាណា (Sakana)។
ទាក់ទងវិធានការ លោក ឃាង ភារម្យ បានបញ្ជាក់ថា អាជ្ញាធរខេត្តបានចេញសេចក្តីជូនដំណឹងផ្អាកអាជីវកម្មសរុប៤០កន្លែង និងបានកំណត់ជាមណ្ឌលចត្តាឡីស័ក ហើយបានចុះធ្វើកិច្ចសន្យាជាមួយម្ចាស់ ឬអ្នកគ្រប់គ្រងទីតាំងអាជីវកម្ម សេវាកម្មគ្រប់ប្រភេទបានចំនួន៩៨៣កន្លែង។ ជាមួយគ្នានោះ បានបន្តដាក់គោលដៅត្រួតពិនិត្យ និងទប់ស្កាត់រថយន្តចេញ-ចូលខេត្ត ចំនួន៤កន្លែង។
ជាវិធានការបន្ត លោក ឃាង ភារម្យ អះអាងថា អាជ្ញារនឹងបន្តស្រាវជ្រាវ និងអំពាវនាវដល់អ្នក ដែលមានការពាក់ព័ន្ធអោយស្ម័គ្រចិត្តមកយកវត្ថុសំណាក និងធ្វើចត្តាឡីស័កអោយបានត្រឹមត្រូវស្របតាមការណែនាំរបស់ក្រសួងសុខាភិបាល។
សូមបញ្ជាក់ថា នៅថ្ងៃនេះ កម្ពុជាបានរកឃើញអ្នកឆ្លងជំងឺកូវីដ១៩ថ្មីចំនួន៤៩នាក់ទៀត ក្នុងនោះ ករណីឆ្លងសហគមន៍ចំនួន៤៨នាក់ និងអ្នកដំណើរពីបរទេសចំនួន០១នាក់ ហើយគិតត្រឹមព្រឹកថ្ងៃទី០៩ ខែមីនា ឆ្នាំ២០២១ កម្ពុជាមានអ្នកឆ្លងសរុបចំនួន១០៦០ នាក់ ជាសះស្បើយចំនួន៥៣៨ នាក់ (+២១) និងកំពុងព្យាបាលចំនួន៥២១នាក់៕
កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត