ព័ត៌មានជាតិ
ជនជាតិចិន១៥នាក់ត្រូវបានឃាត់ខ្លួន និងយកមកធ្វេី ចត្តាឡីស័កនៅខេត្តតាកែវនៅដើមខែមីនានេះ
អាជ្ញាធរមានសមត្ថកិច្ចខេត្តតាកែវ បានចាប់ឃាត់ខ្លូនជនជាតិចិនចំនួន១៥នាក់នៅទីតាំងផ្សេងគ្នាយកមកធ្វេីចត្តាឡីស័កក្នុងមណ្ឌលឯទីរួមខេត្តតាកែវ នៅដេីមខែមីនា ឆ្នាំ២០២១នេះ។
ការឃាត់ខ្លូនលេីកទី១ធ្វេីឡេីងកាលពីព្រឹកថ្ងៃទី០៩ ខែមិនា ឆ្នាំ២០២១ ដោយសម្ថកិច្ចស្រុកព្រៃកប្បាស ចំពេលដែលជនជាតិចិនបានព្យាយាមគេចចេញពីតំបន់ប្រជុំជនកោះធំ ដែលមានគ្នា០៩នាក់កំពុងស្ពាយកាបូបដើរនៅលើផ្លូវលេខ១២៩ ស្ថិតនៅភូមិជំនីក ឃុំកំពង់រាប ស្រុកព្រៃកប្បាស ខេត្តតាកែវ។
តាមការបញ្ជាក់ពី លោកវរសេនីយ៍ឯក ឡេង ប៊ុនឡុង អធិការស្រុកព្រៃកប្បាស បានឲ្យដឹងថា ការឃាត់ខ្លួនជនជាតិចិនទាំង០៩នាក់នេះ គឺបន្ទាប់ពីមានការរាយការពីប្រជាពលរដ្ឋថា ឃើញជនជាតិចិនមួយក្រុមមានស្ពាយកាបូបបានដើរ លើផ្លូវលេខ ១២៩ ដែលនាំឲ្យប្រជាពលរដ្ឋមានការភ័យខ្លាចពីការឆ្លងរីករាលដាលជំងឺកូវីដ១៩។
ក្រោយការឃាត់ខ្លួនជនជាតិចិនទាំង០៩នាក់ ត្រូវកម្លាំងសមត្ថកិច្ចនគបាលស្រុកព្រៃកប្បាស បានធ្វើការជូនដំណឹងដល់មន្រ្តីសុខាភិបាល និងថ្នាក់ដឹកនាំខេត្ត នឹងបានបញ្ជូនជនជាតិចិនទាំង៩នាក់នោះ មកដាក់នៅមណ្ឌលចត្តាឡីស័កនៅសាលាគរុកោសល្យភូមិភាគតាកែវ។
ដោយឡែក១ករណីផ្សេងទៀតនៅថ្ងៃទី១០ ខែមីនា ឆ្នាំ២០២១ សមត្ថកិច្ចតំបន់ប្រតិបត្តិការសឹករងតាកែវ បានចាត់តាំងកម្លាំងដេីរល្បាតាមតព្រំដែន កម្ពុជា-វៀតណាម ក្នុងភូមិសាស្ត្រកងអនុសេនាធំទី២ តំបន់ប្រតិបត្តិការសឹករងខេត្តតាកែវ សហការជាមួយកម្លាំងវរ:សេនាតូចនគរបាលការពារព្រំដែនលេខ៦០៣ បានឃាត់ខ្លួនជនជាតិចិនចំនួន០៦នាក់បន្ថែមទៀត មានប្រុស ០៥នាក់និងស្រី ០១នាក់ ដែលកំពុងលួចឆ្លងព្រំដែនពីប្រទេសវៀតណាមចូលមកប្រទេសកម្ពុជា តាមចំណុចចន្លោះបង្គោលលេខ ២៦៧-២៦៨ ស្ថិតនៅភូមិសង្កែជួរ ឃុំជ័យជោគ ស្រុកបូរីជលសារ ខេត្តតាកែវ និងបានបញ្ជូនទៅធ្វេីចត្តាឡីស័កនៅសណ្ឋាគារ៧Day ស្ថិតក្នុងក្រុងដូនកែវ ខេត្តតាកែវ។
បច្ចុប្បន្នមានជនជាតិចិន១៥នាក់កំពុងដាក់ឲ្យធ្វេីចត្តាឡីស័កនៅកន្លែងពីរផ្សេងគ្នាក្នុងក្រុងដូនកែវ តែយ៉ាងណាក៏ដោយនៅមិនទាន់មានការបញ្ជាក់ពីអាជ្ញាធរពាកព័ន្ធទៅលេីលទ្ធផលតេសវិជ្ជមាន ឬអវិជ្ជមានជំងឺកូវីត១៩នោះនៅឡេីយទេ៕
អត្ថបទ៖ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?