ព័ត៌មានជាតិ
អភិបាលខេត្តព្រៃវែង ចូលរួមរំលែកទុក្ខក្រុមគ្រួសារសពអ្នកជំងឺកូវីដ១៩ ដែលស្លាប់ដោយជំងឺស្ទះសរសៃឈាមបេះដូង
លោក ជា សុមេធី អភិបាលខេត្តព្រៃវែងបានផ្ញើសាររំលែកទុក្ខ ជូនចំពោះគ្រួសារសព លោកសំសារួនប្រជាពលរដ្ឋរស់នៅភូមិជ័យឧត្តមឃុំព្រែកខ្សោយ«ក»ស្រុកពាមរក៍ខេត្តព្រៃវែង ដែលបានទទួលមរណៈភាពកាលពីព្រឹកថ្ងៃទី១៤ខែមីនា ឆ្នាំ២០២១ ដោយរោគាពាធ។
តាមរយៈសាររំលែកទុក្ខចុះថ្ងៃទី១៤មីនានេះ លោកអភិបាលខេត្តបានមានប្រសាសន៍ថា «ក្នុងនាមរដ្ឋបាលខេត្តព្រៃវែងនិងក្នុងនាមខ្ញុំផ្ទាល់យើងខ្ញុំពិតជាមានក្តីរន្ធត់ក្តុកដួលរំជួលចិត្តដ៏ក្រៀមក្រំជាទីបំផុតជាមួយ គ្រួសារនៃសពចំពោះមរណភាពលោកសំសារួននៅវេលាម៉ោង៩ និង ៩នាទីព្រឹក ថ្ងៃអាទិត្យទី១៤ ខែមីនាឆ្នាំ២០២១ ក្នុងជន្មាយុ៦៩ឆ្នាំ ដោយរោគគាពាធ។ ដំណឹងដ៏រន្ធត់និងក្រៀមក្រំ ជាទីបំផុតនេះយើងខ្ញុំសូមចូលរួមរំលែកទុក្ខដ៏សង្វេគសោកស្ដាយអាឡោះអាល័យជាទីបំផុតជាមួយគ្រួសារនៃសព ដែលបានបាត់បង់ លោក សំ សារួន ជាការបាត់បង់ប្ដីឪពុកបងប្អូនជីតាប្រកបដោយព្រហ្មវិហារធម៌ និងជាទីគោរពស្រឡាញ់បំផុតរបស់ក្រុមគ្រួសារ»។
លោកអភិបាលខេត្តបានបន្តថា «ស្ថិតក្នុងសមានទុក្ខដ៏សោកសង្រេងយ៉ាងក្រៃលែងនេះ យើងខ្ញុំសូមលំឱនកាយវាចាចិត្តលើកហត្ថាប្រណមបួងសួងដល់គុណបុណ្យព្រះរតនត្រ័យវត្ថុសាកសិទ្ធក្នុងលោកនឹងព្រះបារមីនៃព្រះពុទ្ធព្រះធម៌ព្រះសង្ឃតាមជួយបួងសួង ជួយថែរក្សាដួងវិញ្ញាណក្ខន្ធលោក សំ សារួន សូមបានទៅសោយសុខក្នុងសុគតិភពជានិរន្តរ៍កុំបីឃ្លៀងឃ្លាតឡើយ»។
លោកស្រី វេជ្ជបណ្ឌិត ឱវណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានឲ្យដឹងថា អ្នកជំងឺកូវីដ១៩ជាបុរសជនជាតិខ្មែរអាយុ ៦៩ឆ្នាំ នៅខេត្តព្រៃវែងម្នាក់ទៀតបានស្លាប់ដោយសារជំងឺស្ទះសរសៃឈាមបេះដូង។
លោកស្រីបានបន្តថា បុរសវ័យ៦៩ឆ្នាំនេះបានចូលសម្រាកមន្ទីរពេទ្យនៅមន្ទីរពេទ្យបង្អែកខេត្តព្រៃវែងនៅថ្ងៃទី១៣ខែមីនាឆ្នាំ២០២១ វេលាម៉ោង ៥និង៣០នាទីល្ងាច ដោយសាររកឃើញមានវិជ្ជមានវីរុសកូវីដ១៩ដោយមានលទ្ធផលវិភាគទទួលបានពីវិទ្យាស្ថានប៉ាស្ទ័រកម្ពុជានៅថ្ងៃទី១២ខែមីនាឆ្នាំ២០២១ក្រោយបានយកវត្ថុសំណាកនៅថ្ងៃទី១១ខែមីនាឆ្នាំ២០២១។
លោកស្រីបានបញ្ចាក់ថា ពេលចូលមកដល់មន្ទីរពេទ្យខេត្តនេះក្រុមគ្រូពេទ្យបានយកចិត្តទុកដាក់ ក្នុងការពិនិត្យសុខភាពហើយសភាពអ្នកជំងឺនៅពេលនោះមិនមានក្អកមិនមានហត់ហើយមានក្រៅខ្លួនតែក្រុមគ្រូពេទ្យមានការកត់សម្គាល់នូវសម្ពាធឈាមរបស់អ្នកជម្ងឺឡើងខ្ពស់ខុសធម្មតា ដែលតាមការសាកសួរឃើញថា បុរសវ័យ៦៩ឆ្នាំរូបនេះធ្លាប់បានទៅពិនិត្យ និងព្យាបាលជំងឺប្រចាំកាយរបស់ខ្លួននៅគ្លីនិកឯកជន។
នៅវេលាម៉ោងប្រហែលជា៩យប់ នៅថ្ងៃទី១៣ ខែមីនាឆ្នាំ២០២១ ក្រុមគ្រូពេទ្យបានទៅពិនិត្យមើលសុខភាពបេះដូងទៀតឃើញថាមានសភាពធម្មតា។ នៅវេលាព្រឹកម៉ោងប្រហែល៦នាទីថ្ងៃទី១៤ ខែមីនា ឆ្នាំ២០២១ បុរសខាងលើបានចេញមកធ្វើលំហាត់ប្រាណអស់ពេលជាយូរហើយក៏បានចូលទៅសម្រាកនៅបន្ទប់របស់ខ្លួនវិញ។ដោយសម្រាន្តទៅបានលង់លក់រហូតដល់អ្នកជំងឺកូវី១៩ ម្នាក់ទៀតដែលនៅជិតបានហៅគាត់ឲ្យពិសារបាយព្រឹកក៏ឃើញថាបុរស៦៩ ឆ្នាំនេះបានស្លាប់បាត់បង់ជីវិតទៅហើយ។
លោកស្រីបានបញ្ចាក់ទៀតថាការសន្និដ្ឋានរបស់ក្រុមពេទ្យបុរស៦៩ ឆ្នាំខាងលើនេះគឺបានស្លាប់បាត់បង់ជីវិតដោយសារជំងឺស្ទះសរសៃឈាមបេះដូងមិនមែនស្លាប់ដោយសារជំងឺវានោះឡើយ។នេះជាករណីទី២ហើយដែលមានអ្នកជំងឺកូវីដ១៩ស្លាប់ដែលករណីទី១ជាជនជាតិខ្មែរ មានអាយុ៥០ឆ្នាំមានទីលំនៅ នៅសង្កាត់ចាក់អង្រែ ខណ្ឌមានជ័យ រាជធានីភ្នំពេញ ជាអ្នកបើកបរឲ្យថៅកែជនជាតិចិននៅខេត្តព្រះសីហនុ ដែលមានផ្ទុកជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈបានទទួលមរណភាពនៅវេលាម៉ោង១០និង៤០នាទីព្រឹកថ្ងៃទី១១ ខែមីនាឆ្នាំ២០២១នេះគឺដោយសារអ្នកជំងឺមានបញ្ហារលាកសួតរ៉ាំរ៉ៃដែលបណ្តាលមកពីគាត់ពិសាបារីជាច្រើនឆ្នាំ៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)