ព័ត៌មានជាតិ
ឃាតកអារ ក សម្លាប់ក្មេងប្រុសអាយុជាង១ឆ្នាំ ជាអតីតអ្នកបើករថយន្តដឹកសព នៅមន្ទីរពេទ្យខ្មែរ-សូវៀត
ឃាត ក ដែលយកកាំបិតផ្គាក់កាប់ និងអារ ក សម្លាប់ក្មេងប្រុសអាយុ១ឆ្នាំកន្លះ នៅស្រុកសំរោងទង មិនទាន់ឆ្លើយសារភាពពីមូលហេតុអ្វីឱ្យពិតប្រាកដដែលនាំឱ្យខ្លួនហ៊ានប្រព្រឹត្តបទឧក្រិដ្ឋយ៉ាងព្រៃផ្សៃបែបនេះនោះទេ ទោះបីជាសមត្ថកិច្ចព្យាយាមសាកសួរយ៉ាងណាក្តី ។
លោកវរសេនីយ៍ឯក សម សាក់ ស្នងការរង នៃស្នងការដ្ឋាននគរបាលខេត្តកំពង់ស្ពឺ បានប្រាប់នៅថ្ងៃទី១៥ ខែមីនា ឆ្នាំ២០២១នេះថា ឃាតកដែលអារ ក សម្លាប់ក្មេងប្រុសម្នាក់យ៉ាងសាហាវព្រៃផ្សៃនោះ ពេលនេះកំពុងសម្រាកក្នុងមន្ទីរពេទ្យបង្អែកខេត្តកំពង់ស្ពឺ ស្ថិតក្រោមការយាមកាមយ៉ាងតឹងរឹងបំផុត។ ចំពោះមូលហេតុដែលនាំឱ្យកើតមានជាអំពើឃាតកម្មជនល្មើសមិនទាន់សារភាពទេទោះបីជាមន្ត្រីជំនាញជជីកសារសួរយ៉ាងណាក្តី គឺជនល្មើសគិតតែគ្រវីតែក្បាលមិនឆ្លើយតបអ្វីទាំងអស់ ។
លោក សម សាក់ ស្នងការរងនគរបាលខេត្តកំពង់ស្ពឺ បានឱ្យដឹងទៀតថា ឆ្លងតាមការស្រាវជ្រាវ និងប្រមូលព័ត៌មានបឋមពាក់ព័ន្ធនឹងជនល្មើស ឈ្មោះ អៀង រ៉ាដូ ភេទប្រុស អាយុ៤៦ឆ្នាំ មានទីលំនៅភូមិអំពិលផ្អែម ឃុំរលាំងគ្រឿល ស្រុកសំរោងទង ខេត្តកំពង់ស្ពឺ មានប្រវត្តិជាមនុស្សល្អជាទេ ជាអតីតសន្តិសុខ និងជាអ្នកបើករថយន្តដឹកសពនៅមន្ទីរពេទ្យខ្មែរ-សូវៀត។
លោកបន្តទៀតថា ឃាត ក ចាប់មានអាការៈប្លែកៗខុសប្រក្រតីបន្ទាប់ពីដឹកសពលើកចុងក្រោយទៅខេត្តកំពង់ឆ្នាំង។លោកស្នងការងបានបន្ថែមថា ក្រោយមកខាងមន្ទីរពេទ្យបានបញ្ឈប់ការងាររបស់គាត់ហើយឪពុក ម្តាយបានយកមកនៅផ្ទះ និងស្វែងរកគ្រូមន្តអាគមន៍ស្រោចទឹកជាហូរហែរ ទៅតាមជំនឿប៉ុន្តែសតិនៅតែមិនប្រក្រតីដដែលរហូតដល់ថ្ងៃកើតហេតុហ៊ានប្រព្រឹត្តបទឧក្រិដ្ឋឃោឃៅបែបនេះតែម្តង ។
លោកវរសេនីយ៍ឯក សម សាក់ ស្នងការរងបានបញ្ជាក់ដែរថា ឆ្លងតាមការសាកសួរជុំវិញកន្លែងកើតហេតុឃាត ក មិនធ្លាប់មានទំនាស់ ឬគំនុំគំគួនអ្វីជាក្រុមគ្រួសារសាច់ញាតិក្មេងប្រុសរងគ្រោះឡើយ ។
សូមរំលឹកថា ករណីឃាតកម្មសម្លាប់កុមារអាយុ១ខួបកន្លះដោយកាប់ និងអារ ក សម្លាប់រួចជនល្មើសរត់ចូលក្នុងផ្ទះចាក់សោរដុតផ្ទះ និងព្យាយាមអារ ក ខ្លួនឯងដើម្បីសម្លាប់ខ្លួនតាមក្រោយ ប៉ុន្តែមិនបានសម្រេច នៅចំណុច ភូមិអំពិលផ្អែម ឃុំរលាំង ចក ស្រុកសំរោងទង ខេត្តកំពង់ស្ពឺ បង្ករឱ្យមានការភ្ញាក់ផ្អើលយ៉ាងខ្លាំង ។
អំពើឃាតកម្មលើកុមារខាងលើ ជនល្មើសមានឈ្មោះ អៀង រ៉ាដូ ភេទប្រុស អាយុ៤៦ឆ្នាំ កើតហេតុនៅពីវេលាម៉ោង១៣.០០នាទី នាថៃ្ងទី១៤ ខែមិនា ឆ្នាំ២០២១កន្លងមក។ ចំណែកកុមាររងគ្រោះឈ្មោះ ភួង សុខណាន់ ប្រុស អាយុជាង១ឆ្នាំ ត្រូវជាកូនរបស់ឈ្មោះ ឃុន ស្រីនាង អាយុ២៥ឆ្នាំរស់ នៅភូមិ-ឃុំខាងលើ ។
នគរបាលបានឱ្យដឹងថា មុនកើតហេតុ កុមាររងគ្រោះត្រូវបានឈ្មោះ តុញ ភេទស្រី អាយុ៧ឆ្នាំជាក្មួយស្ដ្រីម្ដាយកុមាររងគ្រោះ បានពរកុមាររងគ្រោះដើរលេងនៅម្តុំមុខផ្ទះជនល្មើស ខណៈពេលក្មេងៗកំពុងរត់លេងស្រាប់តែបុរសជាឃាតកនោះកាន់កាំបិតផ្គាក់ចេញពីក្នុងផ្ទះដើរមកកាប់កុមាររងគ្រោះបណ្តាលឲ្យស្លាប់ នៅនឹងកន្លែងតែម្តង (កាប់ត្រូវ ក ខាងស្តាំ លើថ្ងាស)។
ក្នុងកិច្ចប្រតិបត្ដិការ បង្ក្រាបឃាតកដៃឆៅសម្លាប់ក្មេងការដឹកនាំបញ្ជាផ្ទាល់ដោយលោក សរ សុពុត្រា អភិបាលរង ខេត្ដកំពង់ស្ពឺ , កងកម្លាំង នគរបាលខេត្ត ស្រុក និងប៉ុស្តិ៍ បានសម្រេចប្រើប្រាស់ មធ្យោបាយ ទម្លុះច្រកចូលក្នុងផ្ទះដោយស្ថានភាពមិនល្អ មិនអាចចាប់ខ្លួនជនល្មើស ព្រោះជនល្មើសមានកាំបិតផ្គាក់នៅក្នុងដៃ ឈានដល់បានស្នើសុំ ឱ្យនគរបាលប្រើប្រាស់គ្រាប់បែកផ្សែង ដើម្បី ដោះស្រាយបញ្ហាប្រឈមដ៏ចាំបាច់ផងដែរ ។
បច្ចុប្បន្ន ជនល្មើសខាងលើ កំពុងស្ថិតក្នុងមន្ទីរពេទ្យបង្អែលខេត្តកំពង់ស្ពឺ និងត្រូវបាន កម្លាំងនគរបាល យាមកាមយ៉ាងតឹងរឹងរងចាំកសាង សំណុំ រឿង បញ្ជូនទៅកាន់តុលាការដើម្បី ចំណាត់ការ តាមផ្លូវច្បាប់៕
អត្ថបទ ៖ ភួង រដ្ឋា
-
ព័ត៌មានជាតិ១៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)