ព័ត៌មានជាតិ
ក្រសួងព័ត៌មាន និងមន្ទីរឃោសនាការខេត្តយូណាន ចុះអនុស្សរណៈ នៃការយោគយល់ ពង្រីកកិច្ចសហប្រតិបត្តិការប្រព័ន្ធផ្សព្វផ្សាយ
អំឡុងពេល នៃពិធីបើកវេទិកាស្ដីពីប្រព័ន្ធផ្សព្វផ្សាយអន្តរជាតិលើកទី ៣ កាលពីថ្ងៃទី ១០ ខែធ្នូ ឆ្នាំ ២០២៤ លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងលោកស្រី ជឹង យៀន (Zeng Yan) សមាជិកអចិន្ត្រៃយ៍ និងជាប្រធានផ្នែកឃោសនាការ នៃគណៈកម្មាធិការគណបក្សកុម្មុយនិស្តចិន ខេត្តយូណាន បានចុះហត្ថលេខាលើអនុស្សរណៈ នៃការយោគយល់ ដើម្បីពង្រឹងកិច្ចសហប្រតិបត្តិការប្រព័ន្ធផ្សព្វផ្សាយរវាងក្រសួងព័ត៌មាន នៃព្រះរាជាណាចក្រកម្ពុជា និងខេត្តយូណាន។
អនុស្សរណៈនេះ មានគោលបំណងពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅលើការផ្លាស់ប្តូរព័ត៌មាន ការផលិតព័ត៌មានរួមគ្នា និងកម្មវិធីបណ្តុះបណ្តាល ព្រមទាំងលើកកម្ពស់ទំនាក់ទំនងរវាងប្រជាជន និងប្រជាជន និងការយល់ដឹងអំពីវប្បធម៌ នៃប្រទេសទាំងពីរ។
លោករដ្ឋមន្ត្រីក៏បានគូសបញ្ជាក់ពីសារៈសំខាន់ នៃប្រព័ន្ធផ្សព្វផ្សាយដែលជាស្ពានសម្រាប់ជំរុញការជឿទុកចិត្តគ្នា និងកិច្ចសហប្រតិបត្តិការ ខណៈ លោកស្រី ជឹង យៀន បានលើកឡើងពីសក្ដានុពល នៃការចាប់ដៃ ដើម្បីបង្កើនភាពច្នៃប្រឌិតរួមគ្នានៅក្នុងយុគសម័យឌីជីថល។
បន្ថែមលើនេះ អនុស្សរណៈ នៃការយោគយល់ខាងលើ ក៏ឆ្លុះបញ្ចាំងពីការប្ដេជ្ញាចិត្តរបស់ភាគីទាំងពីរ ក្នុងការជំរុញទំនាក់ទំនងក្នុងតំបន់ តាមរយៈគំនិតផ្ដួចផ្ដើមប្រព័ន្ធផ្សព្វផ្សាយប្រកបដោយនវានុវត្តន៍ និងការគាំទ្រគ្នាទៅវិញទៅមក៕
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម