ព័ត៌មានជាតិ
ក្រសួងមិនទាន់ឈានដល់ការផ្អាកដំណើរការគ្រឹះស្ថានសិក្សារដ្ឋនិងឯកជនទូទាំងប្រទេសនៅឡើយទេ
ក្រសួងអប់រំ យុវជន និងកីឡាមិនទាន់ឈានដល់ការផ្អាកដំណើរការគ្រឹះស្ថានសិក្សារដ្ឋ និងឯកជនទូទាំងប្រទេសនៅឡើយទេ។ នេះបើតាមការបញ្ជាក់របស់ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡានៅព្រឹកថ្ងៃទី១៦ ខែមីនា ឆ្នាំ២០២១។
ការលើកឡើងរបស់អ្នកនាំពាក្យនេះបានឆ្លើយតបទៅនឹងអាណាព្យាបាលមួយចំនួននៅខេត្ត ដែលមិនរងផលប៉ះពាល់ដោយកូវីដ១៩ក្នុងសហគមន៍២០កម្ភៈបានស្នើឲ្យក្រសួងអប់រំយុវជននិងកីឡាពិចារណាផ្អាកដំណើរការសិក្សាសាលារដ្ឋនិងឯកជននៅទូទាំងប្រទេសតែម្តងដើម្បីទប់ស្កាត់ការរាលដាលជំងឺកូវីដ១៩។
លោក រស់ សុវាចា បានបន្តថា បច្ចុប្បន្ននេះក្រសួងផ្អាកដំណើរការសាលារដ្ឋ និងឯកជនណាដែលស្ថិតនៅខេត្តដែលមានហានិភ័យនិងមានឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កម្ភៈទេ។ ចំណែកខេត្តដែលមិនមានការពាក់ព័ន្ធក្រសួងឲ្យដំណើរការសិក្សាជាធម្មតា។
លោកបានឲ្យដឹងទៀតថា ជាក់ស្តែងគិតត្រឹមថ្ងៃ១៥ មីនា ២០២១មាន គ្រឹះស្ថានសិក្សាក្រោមឱវាទក្រសួងដែលបានផ្អាកបណ្តោះអាសន្ន និងបន្តរៀនតាមអនឡាញស្ថិតនៅទីតាំងភូមិសាស្រ្តចំនួន៦ទីតាំង ១. រាជធានីភ្នំពេញ ២. ខេត្តកណ្តាល ៣. ខេត្តព្រៃវែង ៤. ខេត្តកោះកុង ៥. ក្រុងព្រះសីហនុ និងស្រុកស្ទឹងហាវ នៃខេត្តព្រះសីហនុនិង ៦. គ្រឹះស្ថានសិក្សា១៧នៅខេត្តតាកែវក្នុងនោះមានគ្រឹះស្ថានសិក្សា៨នៅស្រុកសំរោង និងគ្រឹះស្ថាន៩នៅស្រុកបាទី ។
លោកបានបន្តទៀតថា៖ «ជារួម អង្គភាពដែលពាក់ព័ន្ធនឹងព្រឹត្តិការណ៍សហគមន៍២០ កុម្ភៈក្រសួងបានចាត់ចែងឲ្យអនុវត្តវិធានការតាមការណែនាំរបស់ក្រសួងសុខាភិបាលយ៉ាងខ្ជាប់ខ្ជាន់។ លទ្ធផលតេស្តកូវីដ-១៩ របស់អ្នកពាក់ព័ន្ធស្ថិតក្នុងការផ្សព្វផ្សាយរបស់ក្រសួងសុខាភិបាល។ ចំពោះសាលារៀនដែលបានផ្អាកដំណើរការសិក្សាក្នុងថ្នាក់រៀនជាបណ្តោះអាសន្ន ត្រូវបន្តការសិក្សាតាមអនឡាញ»។
ចំពោះមុខនេះ ក្រសួងអប់រំ យុវជន និងកីឡា បន្តតាមដាន វាយតម្លៃស្ថានការណ៍កូវីដ-១៩ ដោយយកចិត្តទុកដាក់កម្រិតខ្ពស់ និងបន្តសហការជាមួយក្រសួងសុខាភិបាល រួមទាំងគ្រប់ភាគីពាក់ព័ន្ធ។ ក្រសួងនឹងជម្រាបបន្ថែមជូនសាធារណជននៅពេលមានការវិវត្តថ្មី»៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)