ព័ត៌មានជាតិ

Update ករណីឆេះឃ្លាំងស្តុកពូកព្រឹកមិញនៅខណ្ឌពោធិ៍សែនជ័យខូចខាតអស់ទាំងស្រុង

បានផុស

៣ years មុន

នៅ

ថ្ងៃអង្គារ ១៦ មីនា ២០២១

ដោយ

ករណីអគ្គិភ័យឆាបឆេះឃ្លាំងសិប្បកម្មស្តុកពូកមួយកន្លែង នៅខណ្ឌពោធិ៍សែនជ័យ កាលពីព្រឹកមិញបានបំផ្លាញសម្ភារនៅខាងក្នុងឃ្លាំងអស់ទាំងស្រុង តែមិនបណ្ដាលឲ្យមានអ្នករងរបួសនោះទេ ដែលសមត្ថកិច្ចបានបញ្ជាក់ថា បណ្ដាលមកពីឆ្លងចរន្ដអគ្គិសនី។

ករណីអគ្កិភ័យនេះបានកើតឡើងថ្ងៃទី១៦ ខែមីនា ឆ្នាំ២០២១ ស្ថិតនៅផ្លូវលំ ក្រុមទី១៩ ភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ម្ចាស់ទីតាំងឈ្មោះ សុខ សារ៉ន់ ភេទប្រុស អាយុ៣៩ឆ្នាំជនជាតិខ្មែរ មុខរបរ អ្នកគ្រប់គ្រង។

ឃ្លាំងដែលត្រូវអគ្គិភ័យឆាបឆេះ សង់ពីដែកប្រកស័ង្កសី ទំហំ២៥ម៉ែត្រ គុណ៣០ម៉ែត្រ ខូចខាតស្បែកពូកប្រហែល៥០០ដុំឆេះអស់ទាំងស្រុង តែមិនបណ្តាលឲ្យឆេះរាលដាលដល់ផ្ទះអ្នកជិតខាងនោះទេ។

ប្រភពព័ត៌មានបានឲ្យដឹងថា មុនពេលកេីតហេតុខណះកម្មករកំពុងធ្វេីការមួយចំហៀងឃ្លាំងស្រាប់តែមានឃេីញផ្សែងហុយចេញពីផ្នែកមួយចំហៀងទៀតទេីបបង្កការភ្ញាក់ផ្អេីលនាំគ្នាយកបំពង់ពន្លត់អគ្គិភ័យមកបាញ់ពន្លត់និងរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ភ្លាមៗ។

ក្នុងករណីនេះដែរសមត្ថកិច្ចបានប្រើរថយន្តពន្លត់អគ្គិភ័យចំនួន១៩គ្រឿង ប្រើប្រាស់ទឹកអស់ចំនួន ១៦ឡាន ស្មើនឹង៦៤ម៉ែត្រគូប ទើបអាចគ្រប់គ្រងបានទាំងស្រុង៕

អត្ថបទ ៖ សុខុម