ព័ត៌មានជាតិ

ឃាត់ខ្លួនយុវជនម្នាក់ បន្ទាប់ពីរំលោភក្មេងស្រីបាន៣លើក តាំងពីឆ្នាំ២០១៩

បានផុស

៣ years មុន

នៅ

ថ្ងៃព្រហស្បតិ៍ ១៨ មីនា ២០២១

ដោយ

យុវជនម្នាក់កំពុងរងការចោទប្រកាន់ពីបទ រំលោភលើក្មេងស្រីអាយុក្រោម១៥ឆ្នាំ ដែលបច្ចុប្បន្នយុវជនរូបនេះ កំពុងត្រូវបានសមត្ថកិច្ចមូលដ្ឋាន សុំគោលការណ៍ឃាត់ខ្លួនជាបណ្តោះអាសន្នហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា កាលពីថ្ងៃទី១៧ ខែមីនា ឆ្នាំ២០២១ វេលាម៉ោង១២ និង ៣០នាទី នៅចំណុចប្រឡាយអូរតាជួន ស្ថិតក្នុងក្រុមទី២៥ ភូមិប្រគាប ឃុំរូងជ្រៃ ស្រុកថ្មគោល ខេត្តបាត់ដំបង មានករណីរំលោភសេពសន្ថវៈមួយ ដែលមានស្ថានទម្ងន់ទោសបានកើតឡើង និងបង្កដោយជនសង្ស័យឈ្មោះ ហម កែវឡាយ ភេទប្រុស អាយុ២៣ឆ្នាំ រស់នៅភូមិប្រគាប ឃុំរូងជ្រៃ ស្រុកថ្មគោល បានចាប់រំលោភសេពសន្ថវៈ ទៅលើក្មេងស្រី រងគ្រោះឈ្មោះ ច ស ជ អាយុ ១៣ ឆ្នាំ រស់នៅភូមិ ឃុំ កើតហេតុខាងលើ រហូតបានសម្រេច ។

នៅក្នុងករណីនេះដែរ គឺដោយសារតែមានការបាត់ចៅស្រីទើបជីដូនដើររក ក៏បានមកប្រទះឃើញនៅត្រង់ចំណុចខាងលើ ទើបនាំចៅស្រីទៅដាក់ពាក្យបណ្តឹងតែម្តង និងរហូតដល់ព្រឹកថ្ងៃទី១៨ ខែមីនា ទើបសមត្ថកិច្ចបានសុំគោលការណ៍ឃាត់ខ្លួនតែម្តង។

នៅចំពោះមុខសមត្ថកិច្ច ជនសង្ស័យបានសារភាពថាខ្លួនបានរួមភេទជាមួយក្មេងស្រីរូបនេះ បានចំនួន៣លើក រួចមកហើយ ដោយលើកទី១ នៅអំឡុងឆ្នាំ២០១៩ គឺបានប្រព្រឹត្តនៅចំណុចវាលស្រែប្រឡាយស្វាយអា ស្ថិតក្នុងភូមិប្រគាប ឃុំរូងជ្រៃ ស្រុកថ្មគោល គឺបានសម្រេច១ លើក លុះនៅលើកទី២ គឺនៅក្នុងអំឡុងឆ្នាំ២០២០ នៅចំណុចក្បែរស្រះទឹក ខាងកើតសាលាបឋមសិក្សាប្រគាប ក្នុងភូមិប្រគាប ឃុំរូងជ្រៃ ស្រុកថ្មគោល ដោយបានសម្រេច១ លើកទៀត លុះលើកទី៣នេះ ក៏បានសម្រេចចំនួន១លើកទៀត តែត្រូវប៉ូលិសចាប់ខ្លួនតែម្តង។ បច្ចុប្បន្នជនសង្ស័យ ត្រូវបានកន្លងសមត្ថកិច្ចស្រុកថ្មគោល បញ្ជូនមកកាន់ការិយាល័យជំនាញ នៃស្នងការដ្ឋាន នគរបាលខេត្តហើយ ដើម្បីបន្តនីតិវិធីទៅកាន់តុលាការ៕

អត្ថបទ៖ សោ និយមរដ្ឋ

សូមចុចអាន៖ ចុះបង្ក្រាបទីតាំងចែកចាយផលិតផលNNPក្លែងម៉ាក នៅផ្សារលើធំថ្មី ឃាត់ខ្លួនស្ត្រីម្នាក់