Connect with us

ព័ត៌មានជាតិ

ដោយសារភ្លើង​ប្រច័ណ្ឌ​ បុរសជាប្ដីទាញកាំបិតកាប់ប្រពន្ធរងរបួសធ្ងន់​

បានផុស

នៅ

ផ្ដើមចេញ​ពីភ្លើងប្រច័ណ្ឌធ្វើឲ្យបុរសជាប្ដីផ្ទុះកំហិង ស្ទុះទៅ​យកកាំបិតប៉័ងតោមកកាប់ប្រពន្ធពេលកំ​ពុងអង្គុយហូបបាយជុំគ្នា បណ្ដាលឲ្យស្ត្រីជាប្រពន្ធរងរបួសធ្ងន់។

ការឃាត់ខ្លួននេះបានធ្វើ​ឡើង​កាលពីវេលា​ម៉ោង​១​និង​២០​នាទី ថ្ងៃទី​១៨ ខែមីនា ឆ្នាំ​២០២១ នៅ​ចំ​ណុច​ការដ្ឋាន​ទី​៣ ​ក្រុមហ៊ុន​ក្រុង​បុក ស្ថិតនៅ​ក្នុងភូមិ​កា​ណាត ឃុំ​តា​ឡាវ ស្រុក​អណ្តូង​មាស​ ដោយ​មាន​ការសម្រប​សម្រួល​នីតិវិធី​ពី​លោក រ៉ា បូរ៉ាន់​ឌី ព្រះរាជអាជ្ញារង​អម​សាលាដំបូង​ខេត្ត​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាម​របាយការណ៍​ពី​នគរបាល​ស្រុក​អណ្តូង​មាស​បាន​ឲ្យ​ដឹងថា ជនសង្ស័យ​ឈ្មោះ ស៊ី​ណាត ណាក់ ភេទ​ប្រុស អាយុ​៤១​ឆ្នាំ ជនជាតិខ្មែរមាន​ទីកន្លែង​កំណើត​ភូមិ​ ឡ ឃុំ​កោង​កាង ស្រុក​ពញ្ញា​ក្រែក ខេត្តកំពង់ចាម។ មាន​ទីលំនៅ​បច្ចុប្បន្ន​ភូមិ​កា​ណាត ឃុំ​តា​ឡាវ ស្រុក​អណ្តូង​មាស ខេត្តរតនគិរី (​ត្រូវជា​ប្ដី​) និង​ដកហូត​វត្ថុតាង​កាំបិត​ប៉័ង​តោ​ចំនួន​១​។​ ចំណែកជនរងគ្រោះ ឈ្មោះ សុខ វី ភេទ​ស្រី អាយុ​៤២​ឆ្នាំ​ជនជាតិខ្មែរ មាន​ទីកន្លែង​កំណើត​ភូមិ​ក្រែក ឃុំ​ក្រែក ស្រុក​ពញាក្រែក ខេត្តកំពង់ចាម​និងមាន​លំនៅ​បច្ចុប្បន្ន​ភូមិ​កា​ណាត ឃុំ​តា​ឡាវ ស្រុក​អណ្តូង​មាស ខេត្តរតនគិរី បាន​រងរបួស​ធ្ងន់​ត្រង់​ភ្លៅ​ខាងឆ្វេង​(​ត្រូវជា​ប្រពន្ធ​)​។​

របាយការណ៍​បាន​បញ្ជាក់ថា មូលហេតុដែលបង្កឲ្យមានករណីហិង្សានេះកើតឡើងគឺដោយសារ​ឈ្លោះប្រកែក​ពាក្យសម្ដី​គ្នា​ព្រោះ​រឿង​ប្រច័ណ្ឌ ទើប​បណ្ដាល​ឲ្យ​មានអ្នករងរបួស​ធ្ងន់​បែបនេះ។​ ជនរងគ្រោះ​ត្រូវបាន​សាច់ញាតិ​ដឹកបញ្ជូន​ទៅ សម្រាក​ព្យាបាល​នៅ​មណ្ឌល​សុខភាព​ស្រុក​អណ្តូង​មាស​។​

បច្ចុប្បន្ន​ជនសង្ស័យ​កំពុង​ឃាត់ខ្លួន​បណ្ដោះអាសន្ន​នៅ​អធិការដ្ឋាន​នគរបាល​ស្រុក​អណ្តូង​មាស ដើម្បី​កសាង​សំណុំរឿង​បញ្ជូនទៅ​អយ្យការ​អម​សាលាដំបូង​ខេត្ត​ចាត់ការ​ទៅតាម​ផ្លូវច្បាប់​៕

អត្ថបទ ៖ វុ​ទ្ធ​ឦសាន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម