ព័ត៌មានជាតិ
សម្តេចពិជ័យសេនា ទៀ បាញ់ ៖កងទ័ព គឺសុទ្ធ តែទទួលបានការបណ្តុះបណ្តាលជំនាញយ៉ាងច្បាស់លាស់
សម្តេចពិជ័យសេនា ទៀ បាញ់ បានថ្លែងបញ្ជាក់ថា ក្រុមវេជ្ជបណ្ឌិត និងក្រុមគ្រូពេទ្យកងទ័ព គឺសុទ្ធ តែទទួលបានការបណ្តុះបណ្តាលជំនាញយ៉ាងច្បាស់លាស់ ដោយមានការជួយជ្រោមជ្រែងពីសំណាក់ក្រុមវេជ្ជបណ្ឌិតរបស់ក្រសួងសុខាភិបាល ដែលសុទ្ធតែមានបទពិសោធន៍ព្យាបាលជំងឺកូវីដ-១៩ កន្លង មកនេះ។
ការឱ្យដឹងបែបនេះ របស់សម្តេចពិជ័យសេនា ទៀ បាញ់ បានធ្វើឡើងក្នុងឱកាសដែល សម្តេចបានផ្តល់បទសម្ភាសន៍ដល់ក្រុមអ្នកសារព័ត៌មាន កាលម្សិលមិញនេះនាឱកាសសម្តេចអមដំណើរសម្តេចតជោ ហ៊ុន សែន អញ្ជើញពិនិត្យ មើលដំណើរការជួសជុលកែលំអរ ស្តូបព្រះបរមរូបព្រះបរមរតនកោដ្ឋ និងបន្តចុះទៅពិនិត្យមន្ទីរពេទ្យនគរទេព ដែលជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានឱ្យដឹងថាក្រុមវេជ្ជបណ្ឌិត ក្រុមគ្រូពេទ្យរបស់កងទ័ព ចំនួន៣៥០នាក់ សុទ្ធតែមានជំនាញបានត្រៀម ខ្លួនរួចជាស្រេច ដើម្បីទទួលនូវបទបញ្ជារបស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងការចូលរួមព្យាបាលអ្នកជំងឺកូវីដ-១៩។
ការឱ្យដឹងបែបនេះ របស់សម្តេចពិជ័យសេនា ទៀ បាញ់ បានធ្វើឡើងក្នុងឱកាសដែល សម្តេចបានផ្តល់បទសម្ភាសន៍ដល់ក្រុមអ្នកសារព័ត៌មាន នៅព្រឹកថ្ងៃទី១៩ ខែមីនា ឆ្នាំ២០២១នេះ នាឱកាសសម្តេចអមដំណើរសម្តេចតជោ ហ៊ុន សែន អញ្ជើញពិនិត្យ មើលដំណើរការជួសជុលកែលំអរ ស្តូបព្រះបរមរូបព្រះបរមរតនកោដ្ឋ និងបន្តចុះទៅពិនិត្យមន្ទីរពេទ្យនគរទេព ដែលជាមន្ទីរពេទ្យសម្រាប់ព្យាបាលអ្នកជំងឺកូវីដ-១៩។
សម្តេចពិជ័យសេនា ទៀ បាញ់ បានអះអាងយ៉ាងដូច្នេះថា៖ «តាមបទបញ្ជា និងការណែនាំរបស់ សម្តេចតេជោ ហ៊ុន សែន មុននេះគឺយើងខ្ញុំទាំងអស់គ្នាបានរៀបចំទទួលភារកិច្ចដ៏មានសារសំខាន់របស់ប្រទេសជាតិយើង ឥឡូវនេះគឺជាជំហានដំបូង ក្រុមការងារក៏ដូចជាក្រុមសម្របសម្រួល គណៈគ្រប់ គ្រងចំនួនក្រុមវេជ្ជបណ្ឌិត បុគ្គលិកពេទ្យ គឺបានរៀបចំរួចរាល់អស់ហើយ និយាយមែនទែនសមត្ថភាពរបស់ក្រុមវេជ្ជបណ្ឌិតកងទ័ព ដែលបណ្តុះបណ្តាលកន្លងមកអាចធានារ៉ាប់រងតាមបទបញ្ជារបស់សម្តេចតេជោ ហ៊ុន សែន នឹងអាចបំពេញបានយ៉ាងល្អនាពេលខាងមុខនេះ»។
សម្តេចពិជ័យសេនា រដ្ឋមន្ត្រីការពារជាតិ បានឱ្យដឹងថា៖ «ក្រុមវេជ្ជបណ្ឌិត ក្រុមគ្រូពេទ្យ របស់កងទ័ពដែលបានរៀបចំរួចរាល់ ដើម្បីត្រៀមទទួលនូវបទបញ្ជារបស់ សម្តេចតេជោ ហ៊ុន សែន មានចំនួន ៣៥០ នាក់ ត្រូវបានរៀបចំចំនួន ៣០ ក្រុមជាជំហានដំបូង ប៉ុន្តែ សម្រាប់ក្រុមដំបូង គឺមកតាមតម្រូវការ»។
សម្តេចពិជ័យសេនា ទៀ បាញ់ បានបញ្ជាក់ថា ក្រុមវេជ្ជបណ្ឌិត និងក្រុមគ្រូពេទ្យកងទ័ព គឺសុទ្ធ តែទទួលបានការបណ្តុះបណ្តា លជំនាញយ៉ាងច្បាស់លាស់ ដោយមានការជួយជ្រោមជ្រែងពីសំណាក់ក្រុមវេជ្ជបណ្ឌិតរបស់ក្រសួងសុខាភិបាល ដែលសុទ្ធតែមានបទពិសោធន៍ព្យាបាលជំងឺកូវីដ-១៩ កន្លង មកនេះ។
សម្តេចពិជ័យសេនា ទៀ បាញ់ បានបន្ថែមថា សម្រាប់បណ្តុះបណ្តាលដល់ក្រុមវេជ្ជបណ្ឌិត និងក្រុមគ្រូពេទ្យកងទ័ពលើមុខជំនាញព្យាបាលជំងឺកូវីដ-១៩ មកដល់ពេល នេះមិនទាន់បានបញ្ចប់នៅឡើយទេ ខណៈនៅប៉ុន្មានថ្ងៃខាងនេះនឹងមានបើកវគ្គបណ្តុះបណ្តាលបន្ថែមទៀត ព្រោះកន្លងមកក្រុមវេជ្ជបណ្ឌិតរបស់ កងទ័ពមិនទាន់មានបទ ពិសោធន៍ខ្លាំងនៅឡើយទេចំពោះការគ្រប់គ្រង និងព្យាបាលជំងឺកូវីដ-១៩នោះទេ។
កាលពីថ្ងៃទី១០ ខែមីនា ឆ្នាំ២០២០ សម្តេចតេជោ ហ៊ុន សែន បានបញ្ជាឱ្យយកសណ្ឋា គារចំនួន២ នៅរាជធានីភ្នំពេញ ដើម្បីធ្វើជាមន្ទីរពេទ្យដើម្បីព្យាបាលអ្នកជំងឺកូវីដ១៩។ ការគ្រប់គ្រងមន្ទីរពេទ្យនេះ ត្រូវប្រគល់ឱ្យកងទ័ពរៀបចំ និងគ្រប់គ្រង ដោយប្រើប្រាស់គ្រូពេទ្យ និងវេជ្ជបណ្ឌិតកងទ័ព ហើយកម្លាំងសល់ពីនោះ ក៏ត្រូវរៀបចំ ដើម្បីត្រៀមអន្តរាគមន៍ ទៅកាន់គោលដៅ ដែលមានហានិភ័យខ្ពស់។កម្លាំងគ្រូពេទ្យកងទ័ព ក៏ត្រូវប្រគល់ជូនមេបញ្ជាការកងទ័ពជើងគោកគ្រប់គ្រង និងដឹកនាំ ចាត់ចែង និងប្រើប្រាស់។ សម្តេចតេជោ ហ៊ុន សែន ក៏បានណែនាំទៅ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រៀបចំផ្គត់ផ្គង់របបឧបត្ថម្ភដល់ក្រុមប្រតិបត្តិការនេះផងដែរ៕
អត្ថបទ៖ វិមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)