បុរសម្នាក់​សម្រេច មិនយកថ្លៃបន្ទប់​ជួល ៣ ខែ

បុរសម្នាក់​សម្រេច​មិនយ​ក​ថ្លៃ​បន្ទប់​ជួលរយៈពេល​ ដើម្បី​​សម្រាលការ​លំបាក​របស់​កម្មកររោងចក្រ។ នេះបើតាមទំព័រហ្វេសបុក​របស់លោក​។

បុរសរូបនេះ​មា​នឈ្មោះ ឈឿន ប៊ុនឆន​( Chhoeun Bunchhorn) មានបន្ទប់ជួល​ចំនួន ៦៩ បន្ទប់នៅ សង្កាត់ស្វាយរលំ ក្នុងក្រុង​តាខ្មៅខេត្តកណ្តាល​។

“ទឹកចូលច្រមុះដូចតែគ្នា នៅសង្កាត់ស្វាយរលំខ្ញុំមានបន្ទប់ជួល ៦៩ បន្ទប់ភាគច្រើនកម្មកររោងចក្រជួល ។ ម្នាក់ៗអួលដើមកគ្រៗប់គ្នា ថ្ងៃនេះខ្ញុំសម្រេចមិនយកថ្លៃឈ្នួល ៣ ខែ (មិនា មេសា ឧសភា) ប៉ុន្តែទឹកភ្លើងជួយខ្លួនឯងទៅ 🥰
-គ្រប់យ៉ាងដោយសារទ្រង់ កូវីដ១៩ មកលេង… សង្ឃឹមវានឹងរលាយឆាប់ៗ ។ អរគុណស្ថាបនិក ២០ កុម្ភៈ 🙏
-បងប្អូនមានបន្ទប់ជួលទាំងឡាយ បើមានអ្វីជួយបានជួយទៅ គ្មានបរទេសណាមកជួយគ្នាយើងក្រៅពីខ្មែរជួយខ្មែរទេ (និយាយតែរឿងបន្ទប់ជួលទេ ហាមប្រៀបធៀបរឿងផ្សេងទាន) 🥰❤️”។ បុរសរូបនេះសរសេរ។

ក្រសួងសុខាភិបាល​​ប្រកាសរក​ឃើញ​ករណីឆ្លងកូវីដ១៩​ ចំនួន ៥៨​នាក់ ខណ​ៈអ្នកជាសះស្បើយមានចំនួន ១៥ នាក់។ អ្នក​ឆ្លងក្នុងសហគមន៍សរុបកេីនដល់ ១១៧២នាក់ អ្នកឆ្លងសរុប ១៦៩០នាក់ ខណៈអ្នកសម្រាកព្យាបាល ៧៣៥នាក់៕