ព័ត៌មានជាតិ

គ្រូពេទ្យម្នាក់បកស្រាយថា ក្រុមឈាម O មិនអាចការពារកូវីដបាននោះទេ

បានផុស

៣ years មុន

នៅ

ថ្ងៃពុធ ២៤ មីនា ២០២១

ដោយ

មានព័ត៌មានមួយចំនួនបាននិយាយថាប្រភេទឈាម O អាចការពារហានិភ័យនៃការឆ្លងកូវីដបានទាបជាងគេ ឬមិនងាយឆ្លង ហើយងាយស្រួលព្យាបាលជាងក្រុមឈាមប្រភេទផ្សេងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញការលើកឡើងរបស់មហាជននិងបណ្ដាញព័ត៌មាន ក៏មិនទាន់មានក្រុមគ្រូពេទ្យណាមកពន្យល់លំអិតបានឡើយ។ ដូច្នេះហើយទើបមានមហាជនមួយចំនួនធំបានជឿងប់ងុល និងធ្វេសប្រហែលមិនការពារខ្លួនតាមការណែនាំរបស់ក្រសួងសុខាភិបាល។

ដោយឡែកកាលពីម្សិលមិញនេះមានគ្រូពេទ្យម្នាក់បានបានពន្យល់ពីរឿងរ៉ាវរបស់ក្រុមឈាមប្រភេទ O ទៅនឹងកូវីដថា៖

“ដោយសារតែឃើញមានការចែករំលែកបន្តគ្នាតាមបណ្ដាញសង្គមពាក់ព័ន្ធរវាងក្រុមឈាម និង SARS-COV-2 ដោយមានខ្លឹមសារថា ” អ្នកដែលមានឈាមប្រភេទ O មិនងាយឆ្លង ឬងាយស្រួលព្យាបាលជាងក្រុមឈាមប្រភេទផ្សេងៗ “។

វាជាក្ដីបារម្ភយ៉ាងខ្លាំងចំពោះអ្នកមានឈាមប្រភេទ O ដែលធ្វើឲ្យគាត់អាចធ្វេសប្រហែស ឬមិនអនុវត្តវិធានការ ៣កុំ ៣ការពារ បានខ្ជាប់ខ្ជួនបង្កឲ្យមានការចម្លង SARS-COV-2 កាន់តែខ្លាំងឡើងៗ។

សូមរំលឹកថា ក្នុងចំណោមអ្នកជំងឺដែលបានស្លាប់ដោយសារ Covid-19 ចំនួន ៥នាក់ ក្នុងប្រទេសរបស់យើង ក្នុងនោះមាន÷

1. ឈាមប្រភេទ O Rh(+): 2 នាក់

2. ឈាមប្រភេទ A Rh(+): 2 នាក់

3. ឈាមប្រភេទ B Rh(+): 1នាក់

ដូច្នេះអាចបញ្ជាក់បានថា ក្រុមឈាមមិនអាចការពារ Covid-19 បាននោះទេ។ ឈាមប្រភេទណាក៏មានសារ:សំខាន់សម្រាប់ការដឹកនាំ oxygen (O2) និង Carbon dioxide (CO2)ដូចគ្នា។ សូមកុំយល់ច្រឡំ!!!

#សូមអនុវត្តវិធានការ ៣កុំ ៣ការពារ ទាំងអស់គ្នាដើម្បីបញ្ចប់ព្រឹត្តិការណ៍២០កុម្ភ:ឲ្យបានឆាប់រហ័ស៕

អត្ថបទ៖ សាង ស្រីល័ក្ខ

ប្រភព៖ Sun Chanrath

ចុចអាន៖ដំណឹងល្អ! ការចាក់វ៉ាក់សាំងកូវីដលើស្ត្រីមានផ្ទៃពោះនៅ អាមេរិក មិនមានផលប៉ះពាល់អាក្រក់ឡើយ

ចុចអាន៖អ្នកមានឈាមប្រភេទ O ប្រឈមហានិភ័យឆ្លងកូវីដទាប ចុះក្រុមឈាមប្រភេទណា ប្រឈមឆ្លងខ្លាំងជាងគេ?

Related Topics:ក្រុមឈាម