រដ្ឋមន្ត្រី​ក្រសួង​សេដ្ឋកិច្ច ​ជា​តំណាង​ចូលរួម​កិច្ច​ប្រជុំ​កំពូល​អាស៊ាន លើក​ទី៣៧ ​
Connect with us
Helistar Cambodia - Helicopter Charter Services

ព័ត៌មានជាតិ

រដ្ឋមន្ត្រី​ក្រសួង​សេដ្ឋកិច្ច ​ជា​តំណាង​ចូលរួម​កិច្ច​ប្រជុំ​កំពូល​អាស៊ាន លើក​ទី៣៧ ​

Published

on

លោក​ឧបនាយករដ្ឋមន្ត្រី​ អូន ព័ន្ធមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ នឹង​ធ្វើ​ជា​តំណាង    សម្ដេច​តេជោ ហ៊ុន សែន នាយករដ្ឋមន្ត្រី​កម្ពុជា ចូលរួម​កិច្ចប្រជុំ​កំពូល​អាស៊ាន លើកទី៣៧ និង​កិច្ចប្រជុំ​កំពូល​ពាក់​ព័ន្ធ ដែល​នឹង​ប្រព្រឹត្ត​ទៅតាម​ប្រព័ន្ធ​វីដេអូ ចាប់ពីថ្ងៃទី១២ ដល់ថ្ងៃទី១៥ ខែ​វិច្ឆិកា ឆ្នាំ២០២០ ។ នេះ​បើ​តាម​ការ​ឲ្យ​ដឹង​ពី​ក្រសួង​ការ​បរទេស នៅថ្ងៃទី០៧ ខែ​វិច្ឆិកា ឆ្នាំ២០២០​។ 
 
​​អម​លោក​ឧបនាយករដ្ឋមន្ត្រី​ អូន ព័ន្ធមុនីរ័ត្ន នៅ​ក្នុង​កិច្ចប្រជុំ រួមមាន លោក​បណ្ឌិត​សភាចារ្យ ហង់ជួន ណា​រ៉ុន រដ្ឋមន្ត្រី​ក្រសួង​អប់រំ យុវជន និង​កីឡា លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួង​សុខាភិ​បាល លោក​ស្រី​វេជ្ជបណ្ឌិត អ៊ឹង កន្ថាផាវី រដ្ឋមន្ត្រី​ក្រសួង​កិច្ចការ​នារី និងលោក សាយ សំអាល់ រដ្ឋមន្ត្រី​ក្រសួង​បរិស្ថាន ព្រមទាំង​មន្ត្រី​ជាន់ខ្ពស់​នៃ​រាជរដ្ឋាភិបាល​កម្ពុជា​ មួយ​ចំនួន​ផង​ដែរ។
 
នៅ​ក្នុង​កិច្ចប្រជុំ​កំពូល​អាស៊ាន​​ លោក​ឧបនាយករដ្ឋមន្ត្រី នឹង​ធ្វើ​បទ​អន្តរាគមន៍ ក្នុង​កិច្ចប្រជុំ​មួយ​ចំនួន​ដូចជា ៖

ទី១. ប្រជុំកំពូលអាស៊ានលើកទី៣៧
ទី២. កិច្ចប្រជុំកំពូលអាស៊ាន-ចិន លើកទី៣. កិច្ចប្រជុំកំពូលអាស៊ាន-ជប៉ុន លើកទី២៣
ទី៤. កិច្ចប្រជុំ​កំពូល​អាស៊ាន- សាធារណរដ្ឋ កូរ៉េ លើកទី២១
ទី៥. កិច្ចប្រជុំកំពូលអាស៊ាន-សហរដ្ឋអាមេរិក លើកទី៨
ទី៦. កិច្ចប្រជុំកំពូលថ្នាក់ដឹកនាំអាស៊ាន-នូវែលសេឡង់
ទី៧. កិច្ចប្រជុំកំពូលថ្នាក់ដឹកនាំអាស៊ាន-អូស្រ្ដាលី
ទី៨. កិច្ចប្រជុំកំពូលអាស៊ានបូកបី លើកទី២៣
ទី៩. កិច្ចប្រជុំកំពូល​អាស៊ី បូព៌ា លើកទី១៥
ទី១០. កិច្ចប្រជុំកំពូលអាស៊ាន-អង្គការសហប្រជាជាតិ លើកទី១១
ទី១១. កិច្ចប្រជុំកំពូលអាស៊ាន-ឥណ្ឌា លើកទី១៧ និង
ទី១២. កិច្ចប្រជុំ​កំពូល​ស្ដីពី​ភាព​ជា​ដៃគូ​សេដ្ឋកិច្ច​គ្រប់​ជ្រុងជ្រោយ​ក្នុង​តំបន់ (RCEP) លើកទី៤។
 
លោក​ឧបនាយករដ្ឋមន្ត្រី ក៏នឹង​ចូលរួម​ផងដែរ ក្នុងកិច្ចប្រជុំកំពូលថ្នាក់ដឹកនាំស្រ្ដី អាស៊ាន ដែលក្នុងឱកាស​នោះ វេជ្ជបណ្ឌិត អ៉ឹង កន្ថាផាវី នឹងថ្លែងសុន្ទរកថាស្តីពី “តួនាទី​របស់​ស្ត្រី​ក្នុង​ការ​កសាង​សហគមន៍​អាស៊ាន​ដែល​ស្អិតល្មួត ស្វាហាប់ ប្រកប​ដោយ​ចិរភាព និង​បរិយា​ប័ន្ន នៅក្នុង​ពិភពលោក​ក្រោយ​វិបត្តិ​កូវីដ-១៩” កិច្ច​ប្រជុំ​កំពូល​មេគង្គ-ជប៉ុនលើកទី១២ កិច្ចប្រជុំ​កំពូល​មេគង្គ-សាធារណរដ្ឋកូរ៉េលើកទី២ និង​កិច្ចប្រជុំ​ថ្នាក់​ដឹក​នាំ​អាស៊ាន​បូកបី ជា​មួយ​តំណាង​ក្រុមប្រឹក្សា​ធុរកិច្ច អាស៊ី​ខាងកើត ដែល​នឹង​ប្រព្រឹត្ត​ទៅ​ស្រប​ពេល​ជា​មួយ​នឹង​កិច្ចប្រជុំ​កំពូល​អាស៊ាន លើកទី៣៧។
 
នៅមុនកិច្ចប្រជុំកំពូលអាស៊ានលើកទី៣៧ លោកស្រី អ៊ាត សោភា រដ្ឋលេខាធិការ និង​ជា​ឧត្ដមមន្ត្រី​អាស៊ាន​របស់​កម្ពុជា តាងនាម​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និង​សហប្រតិបត្តិការ​អន្តរ​ជាតិ នឹង​ចូលរួម​ជា​តំណាង​កម្ពុជា ក្នុង​កិច្ចប្រជុំ​រដ្ឋមន្ត្រី​ការបរទេស​អាស៊ាន កិច្ច​ប្រជុំ​ក្រុមប្រឹក្សា​សហគមន៍​សន្តិសុខ-នយោបាយអាស៊ានលើកទី២២ និង​កិច្ចប្រជុំ​ក្រុមប្រឹក្សា​សម្របសម្រួល​អាស៊ាន លើកទី២៨ តាម​ប្រព័ន្ធ​វីដេអូ នៅថ្ងៃទី១០ ខែ វិច្ឆិកា ឆ្នាំ២០២០។
 
ទាក់ទង​ការ​ប្រជុំ​នេះ សម្ដេច​តេជោ ហ៊ុន សែន បាន​សុំទោស ចំពោះ​សម​ភាគី​ទាំងអស់ ចំពោះ​អវត្ដមាន​ក្នុង​ព្រឹត្តិការណ៍​ដ៏​សំខាន់​ទាំង​នេះ ដោយសារ​កំពុង​ស្ថិត​ក្នុង​ការ​ដាក់ខ្លួន​នៅ​ដាច់​ដោយ​ឡែក​ពី​គេ រយៈ​ពេល១៤​ថ្ងៃ តាម​ការ​កំណត់​ជាកំហិត នៃ​បទបញ្ញត្តិ​ជាតិ ស្ដីពី​សុវត្ថិភាព​សុខភាព​ ប្រឆាំង​ជំងឺ​កូវីដ-១៩៕

អត្ថបទ ៖ កោះកែវ
 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ3 mins ago

ថ្មីទៀតហើយ រកឃើញវិជ្ជមាន ៤ នាក់ទៀត នៅព្រះសីហនុ អាជ្ញាធរបិទសណ្ឋាគារ កាស៊ីណូ ហ្គូដេស

កីឡា4 mins ago

សំអាង​លើ​ជំនាញ​នេះ សុខ ធី ជឿថា Superlek នឹង​ឈ្នះ​ខ្សែក្រវាត់​យប់​នេះ

ព័ត៌មានអន្ដរជាតិ4 mins ago

វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត

ព័ត៌មានជាតិ6 mins ago

អាជ្ញាធរ​ចុះ​ពិនិត្យការសាងសង់​ស្ពាន​ប្រអប់និង​ផ្លូវលំ​ជា​អំណោយ​ឧ​ត្ត​ម​សេនីយ៍​ឯក ហ៊ុន ម៉ា​ណែត​ភ្ជាប់​ទៅកាន់​តំបន់​ប្រវត្តិសាស្ត្រ​ផ្ទះ​ប៉ុលពត​

ព័ត៌មានជាតិ30 mins ago

ភ្ញាក់ផ្អើលពេល​ប្រទះឃើញ​ដំរី​មួយ​ហ្វូង ចេញ​ផឹកទឹក​នៅក្រោយ​សាលាស្រុក​កែវ​សី​ម៉ា​

Sokha Hotels

ព័ត៌មានពេញនិយម

Helistar Cambodia - Helicopter Charter Services