ព័ត៌មានជាតិ
ទំហំពាណិជ្ជកម្មកម្ពុជា-សិង្ហបុរីនៅតែមានកំណើនទោះស្ថិតក្រោមបរិបទកូវីដ១៩
ទំហំពាណិជ្ជកម្មរវាងកម្ពុជា និងប្រទេសសិង្ហបុរី នៅតែមានកំណើន និងមានស្ថិរភាពបើទោះបីជាស្ថិតក្នុងដំណាកកាលនៃការរីករាលដាលជំងឺកូវីដ១៩។
លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជាបានឲ្យដឹងថា ទំហំណាណិជ្ជកម្មរវាងប្រទេសកម្ពុជា និងសិង្ហបុរី មានប្រមាណ៤ ពាន់លានដុល្លារក្នុងមួយឆ្នាំៗ វិស័យវិនិយោគនៅតែមានការកើនឡើង។
លោក កុយ គួង ប្រាប់បន្ទាប់ពីបញ្ចប់ជំនួបរវាង លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស ជាមួយលោកស្រី Teo Lay Cheng ឯកអគ្គរដ្ឋទូតថ្មី នៃប្រទេសសឹង្ហបុរី នៅព្រឹកថ្ងៃទី២៥ ខែមីនា ឆ្នាំ២០២១នេះ។
បើតាមអ្នកនាំពាក្យក្រសួងការបរទេស លោក កុយ គួង ភាគីទាំងពីរយល់ឃើញថា កម្ពុជា និងសិង្ហបុរីនៅមានសក្តានុពលជាច្រើនទៀត ដែលជំរុញអោយវិស័យពាណិជ្ជកម្ម មានការកើនឡើងបន្ថែមទៀត។
ដូច្នេះភាគីទាំងពីរបានពិភាក្សាគ្នា រិះរកមធ្យោបាយយ៉ាងណាឱ្យទំហំពាណិជ្ជកម្មរវាងប្រទេសទាំងពីរនេះ មានការកើនឡើងបន្ថែមទៀត។
ដោយឡែកវិស័យវិនិយោគ ក៏បានកើនឡើងផងដែរពីមួយឆ្នាំទៅមួយឆ្នាំ ហើយនៅឆ្នាំ២០២០ ខណៈដែលពិភពលោកកំពុងតែទទួលរងការវាយលុកដោយជំងឺកូវីដ១៩នោះ ការវិនិយោគរវាងប្រទេសទាំងពីរ ក៏បានកើនឡើងផងដែរ។ ដោយក្នុងនោះ នៅឆ្នាំ២០១៩ មានប្រមាណជាង១០លានដុល្លារប៉ុណ្ណោះ តែចូលមួយឆ្នាំ២០២០ មានប្រមាណជិត៤៨លានដុល្លារ៕
អត្ថបទ៖កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង