ព័ត៌មានជាតិ
កម្ពុជាមានថវិកាគ្រប់គ្រាន់ដើម្បីទិញ និងទទួលវ៉ាក់សាំងកូវីដ-១៩ ១០លានដូសនៅឆ្នាំនេះ
បន្ទាប់ពីបញ្ចប់ពិធី ទទួល និងប្រគល់ វ៉ាក់សាំងស៊ីណូវ៉ាក់ ប្រមាណ១.៥លានដូសថ្ងៃនេះ លោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ បានផ្ដល់បទសម្ភាស ដោយបានមានប្រសាសន៍ថា ទន្ទឹមពេលកម្ពុជាគ្រោងទុកនឹងចាក់វ៉ាក់សាំងកូវីដ-១៩ ចំនួន១០លានដូសជូនប្រជាពលរដ្ឋនៅឆ្នាំ២០២១នេះ ក្រៅពីទទួលជំនួយពីប្រទេសជាមិត្ត និងអង្គការសុខភាពពិភពលោក គឺកម្ពុជាបានត្រៀមថវិកាគ្រប់គ្រាន់ដើម្បីទិញវ៉ាក់សាំងឱ្យគ្រប់តាមការគ្រោងទុក។
លោក វង្សី វិស្សុត មានប្រសាសន៍បន្តថា “បើនិយាយពីធនធានសម្រាប់ទិញវិញ ថវិកាវិញដូចជាមិនចោទទេសម្រាប់កម្ពុជា។ យើងជាប្រទេសក្រ ប៉ុន្តែយើងមានលទ្ធភាពទិញគ្រប់គ្រាន់។ បញ្ហាចោទ គឺយើងមានវ៉ាក់សាំងសម្រាប់ទិញ ឬអត់? នេះជាបញ្ហារួមរបស់ពិភពលោក ក៏ដូចជារបស់កម្ពុជា។”
លោក វង្សី វិស្សុត មានប្រសាសន៍បញ្ជាក់ទៀតថា តែក្រោមការដឹកនាំរបស់សម្ដេចតេជោ ហ៊ុន សែន កម្ពុជាអាចរៀបចំផែនការទាក់ទងដៃគូផ្សេងៗទៀត ដើម្បីធានាថា កម្ពុជាមានវ៉ាក់សាំងកូវីដ-១៩ហូរហែរហូតដល់ដាច់ឆ្នាំនេះមិនតិចជាង១០លានដូស។
គួរបញ្ជាក់ថា វ៉ាក់សាំងកូវីដ-១៩ ស៊ីណូវ៉ាក់ (Sinovac) របស់ចិន ប្រមាណជា ១.៥លានដូសបានមកដល់ប្រទេសកម្ពុជានៅព្រឹកថ្ងៃសុក្រ ទី២៦ ខែមីនា ឆ្នាំ២០២១នេះ នៅអាកាសយានដ្ឋានអន្តរជាតិភ្នំពេញ។ វ៉ាក់សាំងស៊ីណូវ៉ាក់នេះ គឺជាការបញ្ជាទិញរបស់រាជរដ្ឋាភិបាលកម្ពុជា ដើម្បីបង្កើនការចាក់ជូនប្រជាពលរដ្ឋក្នុងបេសកកម្មប្រយុទ្ធប្រឆាំងជំងឺកូវីដ-១៩។
តាមរយៈវ៉ាក់សាំងទាំងនេះ កម្ពុជាកំពុងធ្វើសកម្មភាពយ៉ាងសកម្មចាក់ជូនមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋជាមុខសញ្ញាបានកំណត់។ គិតត្រឹមថ្ងៃទី២៤ ខែមីនា កម្ពុជាចាក់វ៉ាក់សាំងជូនប្រជាពលរដ្ឋបានសរុបជាង ៣៤ម៉ឺននាក់ហើយ។
កម្ពុជាមានគម្រោងចាក់ប្រជាពលរដ្ឋឱ្យបានរហូតដល់ជាង ១០លាននាក់។ ដើម្បីសម្រេចផែនការនេះ កម្ពុជាបានដាក់ចេញផែនការ និងកំពុងស្វះស្វែងរកវ៉ាក់សាំងជាបន្តបន្ទាប់ទៀតតាមរយៈប្រទេសជាមិត្ត និងតាមរយៈយន្តការខូវ៉ាក់៕
អត្ថបទ៖ ច័ន្ទវីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ