ព័ត៌មានជាតិ
ភ្នំពេញថ្ងៃនេះ មានអ្នកឆ្លងត្រឹម ១៩ ករណី ជាអត្រាទាបបំផុតមួយធៀបម្សិលមិញ
ក្រសួងសុខាភិបាលរាយការណ៍នៅរាជធានីភ្នំពេញ គិតត្រឹមម៉ោង ០៧ ០០ ព្រឹកថ្ងៃ ២៦ មីនា ២០២១ មានការរកឃើញករណីអ្នកឆ្លងកូវីដថ្មីត្រឹម ១៩ នាក់ប៉ុណ្ណោះ ធៀបម្សិលមិញដែលមានអ្នកឆ្លងរហូតដល់ ៥០ នាក់ ជាតួលេខខ្ពស់បំផុតដ៏គួរឲ្យបារម្ភ។
ជាតំបន់ផ្ទុះព្រឹត្តិការណ៍ ២០ កុម្ភៈ ដែលមានការឆ្លងចូលសហគមន៍ទាំង ១៣ ខណ្ឌក្នុងរាជធានិីភ្នំពេញ ការថមថយនេះក៏មិនទាន់បញ្ជាក់ពីការគ្រប់គ្រងការរាលដាលទាំងស្រុងដែរ ពេលដែលវិបត្តិជំងឺនេះនៅតែបន្តអូសបន្លាយរយៈពេលជាងមួយខែមកនេះ។
រដ្ឋាភិបាលបានរឹតបន្តឹង ដើម្បីកាត់ផ្តាច់ប្រភពរាលដាលក្នុងសហគមន៍ ដោយបានដាក់ភូមិសាស្រ្តទីក្រុងភ្នំពេញ ត្រូវជាប់កាតព្វកិច្ចតម្រូវឲ្យពលរដ្ឋពាក់ម៉ាស់ និងរក្សាគំលាតសុវត្ថភាព។ ការមិនអនុវត្តកាតព្វកិច្ចពាក់ម៉ាស និងរក្សាគម្លាតសុវត្ថិភាព អាចនឹងទទួលរងការពិន័យយ៉ាងធ្ងន់ធ្ងរ។
ស្ថានភាពភ្នំពេញថមថយ តែខេត្តកណ្តាលបែរជាផ្ទុះអ្នកឆ្លងថ្មីក្នុងស្ថានភាពដ៏គួរឲ្យបារម្ភ។ ឃុំសំពៅពូនក្នុងស្រុកកោះធំខេត្តកណ្តាលដែលជាសំបុកកាស៊ីណូដ៏ធំកៀកព្រំដែនវៀតណាម បានរកឃើញអ្នកឆ្លងថ្មីចំនួន ៦៧ នាក់ ជាអត្រាមួយខ្ពស់បំផុត ខណៈត្រឹម ២៤ ម៉ោងខេត្តមានមូលដ្ឋានជាប់ទីក្រុងភ្នំពេញនេះសរុបមានអ្នកឆ្លងថ្មី ៧៣ នាក់។
ការរកឃើញអត្រាអ្នកឆ្លងក្នុងទ្រង់ទ្រាយធំនេះ ពាក់ព័ន្ធភាគច្រើនជាជនជាតិចិន និងខ្មែរដែលបម្រើការងារតាមកាស៊ីណូទាំង ៧ នៅទីនោះ។
អាជ្ញាធរក៏បានចុះបិទភូមិដែលពាក់ព័ន្ធ និងរិតបន្តឹងការចេញចូលតំបន់នោះ និងបង្កើតកន្លែងសម្រាកព្យាបាលនៅក្នុងតំបន់នោះតែម្តង៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ២៣ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៧ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត