គ្រួសាសពប៉ូលិសចរាចរណ៍ ទទួលអំណោយពីសម្តេចតេជោ និងថ្នាក់ដឹកនាំ ១២ លានរៀល

លោក វរនសេនីយ៍ឯក សែម រតនា នាយការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី ២៦ ខែមីនានេះ បាននាំយកថវិកាឧបត្ថម្ភសរុបចំនួន ១២ លានរៀលនិងមានសម្ភារអង្ករ ទឹកសុទ្ធ ជាច្រើនទៀត ផ្តល់ជូនគ្រួសារសពលោកអនុសេនីយ៍ឯក ថន ចាន់ធឿន ជាមន្ត្រីនគរបាលចរាចរណ៍ ដែលបានស្លាប់ដោយសារជំងឺកូវីដ១៩។

ជាថវិកា និងអំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន ព្រមទាំងថ្នាក់ដឹកនាំ អគ្គស្នងការនគរបាលជាតិ។

អំណោយទាំងនោះរួមមានថវិកា ១២លានរៀល អង្ករ១៥០ គីឡូ ទឹកសុទ្ធ១០កេស ផ្តល់ជូនលោកស្រី ធឿន សុធារ័ត្នត្រូវជាកូនស្រីបង្កើតរបស់នៃសព ដែលបានទទួលមរណៈភាពដោយសារជំងឺកូវីដ១៩ នៅមន្ទីរពេទ្យុស្ស៊ី កាលពីម៉ោង ៤៖៤៥ នាទីរសៀលថ្ងៃទី ២៥ ខែមីនា។

អំណោយទាំងនេះផ្តល់ជូនតាមរយៈ លោក ពៅ វុទ្ធី មេភូមិក្តីចាស់ រួមមាន៖

១. អំណោយរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកតិ្តព្រឹទ្ធបណ្ឌិត ប៊ុន រ៉ានី ហ៊ុន សែន រួមមាន ប្រាក់ឧបត្ថម្ភ ៥ លានរៀល អង្ករ ១០០ គីឡូ និងអំណោយរបស់ឯកឧត្តម នាយឧត្តមសេនីយ៍ នេត សាវឿន អគ្គស្នងការនគរបាលជាតិ និងលោកជំទាវ ហ៊ុន គឹមឡេង ប្រាក់ឧបត្ថម្ភ ៤ លានរៀល អំណោយរបស់ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចំនួន ២ លានរៀល និងអង្ក៥០គីឡូ ទឹកសុទ្ធ ១០ កេស ព្រមទាំងអំណោយរបស់ ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចំនួន ១ លានរៀលបន្ថែមទៀត៕