ព័ត៌មានជាតិ
អាជ្ញាធរខេត្តស្វាយរៀងសម្រេចផ្អាកទីតាំងអាជីវកម្មនិងផ្ទះពលរដ្ឋជាច្រើនកន្លែងដែលពាក់ព័ន្ធអ្នកឆ្លងកូវីដ១៩
អាជ្ញាធរខេត្តស្វាយរៀងបានសម្រេចផ្អាកទីតាំងមួយចំនួនដូចជាវត្តអារាម ការដ្ឋានសំណង់អាហារដ្ឋានចំនួន៧ទីតាំងនិងផ្ទះប្រជាពលរដ្ឋចំនួន១២ខ្នងដែលមានការជាប់ពាក់ព័ន្ធនឹងអ្នកឆ្លងជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈ។
លោកវេជ្ជបណ្ឌិត កែរ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅព្រឹកថ្ងៃទី២៩ ខែមីនានេះថា ទីតាំងដែលផ្អាកនោះរួមមាន នៅឃុំកំពង់ត្រាចស្រុករមាសហែកបានបិទវត្តចំនួន២គឺ
វត្តត្រពាំងគ្រួស និងវត្តអណ្តូងពោធិ៍ បានព័ទ្ធខ្សែសុវត្ថិភាពការពារ និងជ្រើសរើសយកសាលាឆាន់វត្តត្រពាំងគ្រួស និងព្រះវិហារវត្តអណ្តូងពោធិ៍ ដើម្បីដាក់ជាមណ្ឌលចត្តាឡីស័កដោយមានអ្នកប៉ះពាល់ផ្ទាល់មានចំនួន០៥អង្គ នាក់ក្នុងនោះព្រះសង្ឃ ៣អង្គ និងលោកអាចារ្យ២នាក់ និង១២ខ្នងផ្ទះសរុបចំនួន៥១នាក់។
លោកបានបន្តទៀតថា នៅក្រុងបាវិតបានបិទចំនួន៣ទីតាំងក្នុងនោះរួមមាន មន្ទីរពហុព្យាបាលមិត្ដភាពកម្ពុជា_ចិនក្រុងបាវិតហាងកាត់សក់ 79នៅក្រុងបាវិតដោយសារជាប់ពាក់ព័ន្ធនឹងជនជាតិចិនមានវិជ្ជមានកូវីដ១៩បានចូលទៅកន្លែងទាំងពីរនោះ និងកន្លែងបាំងថុងកម្សាន្តអន្តរជាតិដែលមានជនជាតិវៀតណាម១នាក់ឆ្លងកូវីដ១៩ចូលទៅទីនោះ។
លោកបានបន្ថែមទៀតថា ចំណែកនៅក្រុងស្វាយរៀងមានចំនួន២ទីតាំងរួមមានការដ្ឋានសាងសង់រោងចក្រ ខាត ថាយ អែកនិងអាហារដ្ឋាន អេស ធី ដោយសារមានអ្នកជំងឺកូវីដ១៩បានចូលទៅកន្លែងទាំងនោះ។
លោកបានបញ្ជាក់ថា គិតត្រឹមថ្ងៃរសៀលទី២៨ ខែមីនា ឆ្នាំ២០២១ខេត្តស្វាយរៀងមានអ្នកឆ្លងកូវីដ១៩សរុបចំនួន៧នាក់ក្នុងនោះមានអ្នកជាស្បើយចំនួន២នាក់និងនៅសល់៥នាក់កំពុងសម្រាកព្យាបាលនៅមន្ទីរពេទ្យ៕
អត្ថបទ ៖ សំអឿន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore