Visa សហការ​ជាមួយ The Pizza Company ដើម្បី​ជំរុញ​ការទូទាត់​តាមរយៈ​បច្ចេកវិទ្យា Contactless
Connect with us
Helistar Cambodia - Helicopter Charter Services

ព័ត៌មានជាតិ

Visa សហការ​ជាមួយ The Pizza Company ដើម្បី​ជំរុញ​ការទូទាត់​តាមរយៈ​បច្ចេកវិទ្យា Contactless

បានផុស

នៅ

​ក្រុមហ៊ុន Visa ដែលជា​ក្រុមហ៊ុន​បច្ចេកវិទ្យា​ទូទាត់​សាច់ប្រាក់​តាម​ប្រព័ន្ធ​ឌី​ជី​ផល​ដែល​ឈានមុខ​គេ​នៅក្នុង​ពិភពលោក បាន​សហការ​ជាមួយ​ក្រុមហ៊ុន The Pizza Company ដើម្បី​ដាក់​ឲ្យ​មានការ​ទូទាត់​តាមរយៈ​បច្ចេកវិទ្យា Contactless សម្រាប់​អតិថិជន នៅតាម​បណ្តា​សាខា​ចំនួន ៣៥ ទីតាំង របស់ The Pizza Company នៅ​ទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥឡូវនេះ​អតិថិជន អាច​ទូទាត់​ប្រាក់ សម្រាប់​កា​រ​កុម្ម៉ង់​វេច​ខ្ចប់​យកទៅ​ផ្ទះ ឬ​ការ​ពិសា​នៅក្នុង​ហាង​ផ្ទាល់ ដោយ​គ្រាន់តែ​យក​កា​តទៅ​ប៉ះ​ជាមួយ​ម៉ាស៊ីន​ឆូត​កាត​រួចជាស្រេច ដោយ​មិនចាំបាច់​ប្រើ​វិធី​ឆូត ឬ ស៊ក ដូច​មុន​នោះ​ឡើយ​។

​ដើម្បី​បង្ការ​នឹង​ការ​រី​ល​រាលដាល​នៃ​ជំងឺ Covid-19 អតិថិជន​ភាគច្រើន​នៅ​ទូទាំង​ពិភពលោក​មាន​ទំនោរ​ងាក​ទៅរក​បច្ចេកវិទ្យា​ថ្មី​សម្រាប់​ការទូទាត់ ជាក់​ស្តែង​នៅ​ក្នុង​វិស័យ​ភោជនីយដ្ឋាន​ផ្តល់​សេវាកម្ម​វេច​ខ្ចប់​តែម្តង ដែល​ការទូទាត់​ប្រាក់​សម្រាប់​សេវាកម្ម​ប្រភេទ​នេះ​មានការ​កើនឡើង ២៨ ភាគរយ នេះ​បើ​យោង​តាម​ការសិក្សា​ស្ទង់​មតិ​លើ​ប្រធានបទ ការបោះ​ជំហាន​ទៅរក​អាជីវកម្ម របស់​ក្រុមហ៊ុន Visa ។ ការទូទាត់​ដោយ​ប្រើ​បច្ចេកវិទ្យា Contactless មិន​ត្រឹម​តែមាន​ភាពងាយស្រួល និង​ឆាប់រហ័ស​ប៉ុណ្ណោះ​ទេ វា​ថែមទាំង​មាន​អត្ថប្រយោជន៍​ក្នុងការ​ធានាបាន​នូវ​សុវត្ថិភាព​សម្រាប់​បុគ្គលិក និង​អតិថិជន​ក្នុងអំឡុងពេល​ប្រតិបត្តិការ​ផងដែរ​។​

​អ្នកស្រី ជុំ ម៉ូ​នី​កា នាយិកា​គ្រប់គ្រង​ក្រុមហ៊ុន Visa ប្រចាំ​ប្រទេស​កម្ពុជា បាន​មានប្រសាសន៍ថា​៖ “​តាមរយៈ​របាយការណ៍​នៅ​ខែមករា ឆ្នាំ​២០២១ បានបង្ហាញ​ពី​កំណើន​នៃ​តម្រូវការ​របស់​អតិថិជន​នៅ​កម្ពុជា​ទៅលើ​ការប្រើប្រាស់​ការទូទាត់​តាមរយៈ​បច្ចេកវិទ្យា contactless រហូតដល់ ៦០ ភាគរយ​”​។ អ្នកស្រី​បន្តទៀតថា​៖ “​ការសង្កេត​ឃើញ​នេះ គឺ​ស្របពេល​ជាមួយនឹង​ការកើនឡើង​នៃ​ការយល់ដឹង​ពី​សារៈសំខាន់​នៃ​ការអនុវត្តន៍​អនាម័យ តាមរយៈ​ការកាត់បន្ថយ​ការប្រាស្រ័យ​ទាក់ទង​ដោយផ្ទាល់​ជាមួយ​បុគ្គល ក្នុង​យុគសម័យ​នៃ​ការអនុវត្ត​នូវ​គម្លាត​សង្គម​”​។​

​ផ្អែកលើ​ការសិក្សា​ចុងក្រោយ​របស់ Visa អំពី​ឥរិយាបថ​ក្នុងការ​ទូទាត់​ប្រាក់​របស់​អតិថិជន​ឆ្នាំ ២០២០ បាន​បង្ហាញថា ការទូទាត់​ដោយ​ប្រើ​សាច់​ប្រាក់សុទ្ធ​មាន​ចំណែក​ប្រមាណ ៩០ ភាគរយ នៃ​ការទូទាត់​ទាំងអស់​នៅក្នុង​ប្រទេស​កម្ពុជា ប៉ុន្តែ​អតិថិជន​កម្ពុជា​ចំនួន ៥៤ ភាគរយ បាន​កាត់បន្ថយ​ការប្រើប្រាស់​សាច់ប្រាក់​សុទ្ធ នៅក្នុង​វិស័យ​ការដឹកជញ្ជូន​ម្ហូបអាហារ និង​ការ​ទទួលទាន​នៅតាម​ភោជនីយដ្ឋាន​។ បើ​គិត​ជារួម ការទូទាត់​ដោយ​ប្រើ​កាត​ដែលមាន​បច្ចេកវិទ្យា contactless មានការ​កើនឡើង ៣១ ភាគរយ ហើយ​អ្នក​ចាប់អារម្មណ៍​ក្នុងការ​ទទួលយក​វិធីសាស្ត្រ​ទូទាត់​ថ្មី​នេះ​មាន​ចំនួន ៤៥ ភាគរយ ក្នុងចំណោម​ក្រុម​ដែល​មិនទាន់​ក្លាយជា​អ្នកប្រើប្រាស់​ការទូទាត់​បែបនេះ​នៅឡើយ​។​

​កញ្ញា ប៉ែន រតនា ប្រធាន​គ្រប់គ្រង​ផ្នែក​ទីផ្សារ តំណាងឲ្យ​ក្រុមហ៊ុន The Pizza Company បាន​មានប្រសាសន៍ថា​៖ “​ដើម្បី​បំពេញ​នូវ​តម្រូវការ​របស់​អតិថិជន យើង​បាន​ដាក់ចេញ​នូវ​សេវា​ទូទាត់​ប្រាក់​តាមរយៈ​បច្ចេកវិទ្យា contactless នៅតាម​ហាង​របស់​យើង ដែល​ធ្វើឲ្យ​ប្រតិបត្តិ​ការទូទាត់​ប្រាក់​របស់​យើង​ប្រើ​ពេល​តែ​ប៉ុន្មាន​វិនាទី​ប៉ុណ្ណោះ ដោយ​គ្រាន់តែ​ម្ចាស់ Visa កាត ដែល​មាន​ភ្ជាប់​មកជា​មួយ​បច្ចេកវិទ្យា contactless យក​កា​តទៅ​ប៉ះ​នឹង​ម៉ាស៊ីន​គិត​ប្រាក់​រួចជាស្រេច​។ ប្រជាជន​កាន់តែច្រើន​កំពុង​ស្វែងរក​មធ្យោបាយ​បង់ប្រាក់​លឿន និង​មាន​ប្រសិទ្ធភាព​ជាង​មុន ហើយ​តា​រម​យៈ​ការដាក់ឲ្យ​មានការ​ទូទាត់​ប្រាក់​តាមរយៈ​បច្ចេកវិទ្យា contactless នឹង​ផ្តល់ជូន​អតិថិជន​របស់​យើង​នូវ​បទពិសោធន៍ និង​សុវត្ថិភាព កាន់តែ​ប្រសើរ​ជាង​មុន​” ។​

​ចាប់ពី​ថ្ងៃនេះ​តទៅ ម្ចាស់ Visa កាត ដែល​ធ្វើការ​ទូទាត់​ប្រាក់​តាមរយៈ​បច្ចេកវិទ្យា Contactless នៅ The Pizza Company សម្រាប់​ការចំណាយ​ចាប់ពី ២០​ដុល្លារ​ឡើងទៅ នឹង​ទទួលបាន​ប័ណ្ណ​សាច់ប្រាក់​៣​ដុល្លារ សម្រាប់​ការទិញ​លើក​ក្រោយ​។ ការផ្តល់ជូន​នេះ​មាន​រយៈពេល​កំណត់ ហើយ​លក្ខខណ្ឌ​ផ្សេងៗ​ត្រូវបាន​អនុវត្ត​។ សូម​សាកសួរ​ព័ត៌មាន លម្អិត​នៅតាម​ទីតាំង​នីមួយៗ​របស់ The Pizza Company ដែលមាន​ការផ្សព្វផ្សាយ​ពី​កម្មវិធី​ពិសេស​នេះ​។​

​ការទូទាត់​តាម​ទូរសព្ទ ឬ​ការ​ប៉ះ​កាត​ជាមួយ​ម៉ាស៊ីន​ទូទាត់ ឬ ដែល​ហៅថា​ការទូទាត់​ដោយ​ប្រើ​បច្ចេកវិទ្យា Contactless កំពុងមាន​ការកើនឡើង​យ៉ាង​ឆាប់រហ័ស​នៅក្នុងរ​បទ​នៃ​ជំងឺ COVID-19 ។ ទាំងនេះ រាប់បញ្ចូល​ទាំង​វិធីសាស្ត្រ​ទូទាត់​បែប​បច្ចេកវិទ្យា contactless តាម​វិធី​មុន នៅ​កន្លែង​បង់ប្រាក់ និង បច្ចេកវិទ្យា​ប៉ះ​ដើម្បី​បង់ប្រាក់​តាមរយៈ​ទូរស័ព្ទដៃ Tap to Phone នឹង​អនុញ្ញាត​ឲ្យ​ម្ចាស់​អាជីវកម្ម​អាច​ប្រើប្រាស់​ទូ​សព្ទ​ដៃ និង tablets របស់ខ្លួន​ដើម្បី​កែប្រែ​ទៅជា​កន្លែង​ទូទាត់​ប្រាក់​បាន​យ៉ាង​ងាយស្រួល​តាមរយៈ​ការប្រើប្រាស់​កម្មវិធី mobile app​។ បើ​យោងតាម​ការសិក្សា​របស់ Visa បង្ហាញ​ពី​ឱកាស​នៃ​ការទូទាត់​ប្រាក់​តាមរយៈ​ទូរស័ព្ទ ដៃ​នៅ​តំបន់​អាស៊ី​ប៉ាស៊ីហ្វិក បង្ហាញថា​អតិថិជន​ជាង​ពាក់កណ្តាល ដែល​ស្មើនឹង ៥៦​ភាគរយ បាន​និយាយថា ពួកគេ​ចង់ឱ្យ​មានការ​ទូទាត់​បែបនេះ​នៅតាម​បណ្តា​ភោជនីយដ្ឋាន ការធ្វើ​បែបនេះ​ពួកគាត់​នឹងមិន​ចាំបាច់​ដើរចេញ​ពី​តុ អាហារ​នោះទេ​។ ការអនុម័ត​ដាក់​ឲ្យ​មានការ​ទូទាត់​ប្រាក់​តាមរយៈ​បច្ចេកវិទ្យា contactless ប្រភេទ​ចុងក្រោយ​នេះ​អាច​បើកឱកាស​នូវ​កំណើន​ថ្មី​សម្រាប់​បច្ចេកវិទ្យា Tap to Phone ដែល​អនុញ្ញាតឱ្យ​និ​យោ​ជិ​ក​ទូទាត់​ប្រាក់​ពី​អតិថិជន​ភ្លាមៗ​នៅ​គ្រប់​ទីកន្លែង​ក្នុង​ហាង​របស់ខ្លួន​៕

​អំពី​ក្រុមហ៊ុន Visa

Visa Inc. (NYSE: V) គឺជា​ក្រុមហ៊ុន​នាំមុខគេ​ក្នុង​បច្ចេកវិទ្យា​ទូទាត់​សាច់ប្រាក់​តាមរយៈ​ឌីជីថល​។ បេសកកម្ម​របស់​យើង​គឺ​ផ្សារភ្ជាប់​ពិភពលោក​ទាំងមូល​តាម​រយៈ​ការតភ្ជាប់​បណ្តាញ​ទូទាត់​ប្រាក់​ប្រកបដោយ​ភាព​ច្នៃប្រឌិត​ថ្មី អាច​ទុកចិត្តបាន និង​មាន​សុវត្ថិភាព​បំផុត ជាមួយ​អ្នកប្រើប្រាស់ អាជីវករ និង​ជួយ​ឲ្យ​សេដ្ឋកិច្ច​មានការ​រីកចម្រើន​។ បណ្តាញ​ទំនើប​ឈានមុខ​គេ​បំផុត​មួយ​របស់​ពិភពលោក​គឺ VisaNet របស់​យើង ផ្តល់​ការទូទាត់​ដែល​អាច​ទុកចិត្តបាន​និង​មាន​សុវត្ថិភាព​នៅ​ទូទាំង​ពិភពលោក នឹងមាន​លទ្ធភាព​គ្រប់គ្រង​ប្រតិបត្តិការ​ជាង ៦៥,០០០​ប្រតិបត្តិការ​ក្នុង​មួយ​វិនាទី​។ ក្រុមហ៊ុន​ផ្តោត​ការយកចិត្តទុកដាក់​ឥត​ឈប់​ឈរលើ​ការច្នៃប្រឌិត ដែល​នេះ​ជា​កត្តា​ជំរុញ​ដល់​ភាព​រីកចម្រើន​យ៉ាង​ឆាប់រហ័ស​នៃ​ការធ្វើ​ពាណិជ្ជកម្ម​បែប​ឌីជីថល​ដែល​បាន​ផ្សារភ្ជាប់​ទៅនឹង​ឧបករណ៍​អេ​ទ្បិ​ច​ត្រូ​និក​ណា​ក៏បាន សម្រាប់​មនុស្ស​គ្រប់គ្នា​នៅ​គ្រប់​ទីកន្លែង​។ នៅពេលដែល​ពិភពលោក​ផ្លាស់ប្តូរ​ពី analog ទៅ​ឌីជីថល​ក្រុមហ៊ុន Visa ក៏​កំពុងតែ​ពង្រឹង​លើ​ស្លាក​សញ្ញា ផលិតផល បុគ្គលិក និង បណ្តាញ​របស់ខ្លួន​រួចជាស្រេច​ដើម្បី​ចូលរួម​ជាមួយនឹង​ការផ្លាស់ប្តូរ​ពាណិជ្ជកម្ម​នា​ថ្ងៃ​អនាគត​។ ព័ត៌មាន​បន្ថែម​សូម​ចូលទៅ​កាន់​គេហទំព័រ visa.com/blog និង @VisaNews.

​ព័ត៌មាន​បន្ថែម សូម​ទំនាក់ទំនង​មកកាន់​៖

​កញ្ញា ត្រាង ង្វៀន (Trang Nguyen)​ ​

​ក្រុមហ៊ុន Visa Worldwide Pte. Limited​ ​

​ទូរស័ព្ទ ៖ (84) 28 3520 7439

​អ៊ី​ម៉ែ​ល ៖ [email protected]​ ​

​កញ្ញា គ្រី សុ​វណ្ណា​រី​

​ក្រុមហ៊ុន Red Dot (Cambodia) Co., Ltd តំណាង​ក្រុមហ៊ុន Visa Inc.

​ទូរស័ព្ទ ៖ (855) 11 733 368

​អ៊ី​ម៉ែ​ល ៖ [email protected]

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

Royal du Cambodge ៖ សូមថ្វាយមហាព្រះរាជកុសល ថ្វាយព្រះវិញ្ញាណក្ខន្ធ សម្តេចក្រុមព្រះ នរោត្តម រណឫទ្ធិ

ព័ត៌មានជាតិ៤ ម៉ោង មុន

គណបក្សហ្វ៊ុនស៊ិនប៉ិច ៖ ព្រះសព សម្ដេចក្រុមព្រះ នឹងត្រូវយាងដង្ហែមកកាន់កម្ពុជា ក្នុងពេលដ៏ខ្លីខាងមុខនេះ

ព័ត៌មានជាតិ៥ ម៉ោង មុន

សម្ដេចតេជោ ហ៊ុន សែន ថ្វាយសាររំលែកព្រះមរណទុក្ខ ជូនព្រះអង្គម្ចាស់ក្សត្រី នរោត្តម ម៉ារី រណឫទ្ធិ ចំពោះការយាងចូលទិវង្គត របស់សម្តេចក្រុមព្រះ

ព័ត៌មានជាតិ៦ ម៉ោង មុន

សម្តេចក្រុមព្រះ យាងចូលទិវង្គត ក្នុងព្រះជន្ម ៧៧ព្រះវស្សា នៅប្រទេសបារាំង

នយោបាយ៧ ម៉ោង មុន

សម្តេចតេជោ ហ៊ុន សែន បញ្ជាឲ្យចាប់ខ្លួន និងរឹបអូសទ្រព្យសម្បត្តិអ្នករំលោភដីបឹងទន្លេសាប

Sokha Hotels

ព័ត៌មានពេញនិយម

Helistar Cambodia - Helicopter Charter Services