ព័ត៌មានជាតិ
មនុស្សជាង៣០០នាក់ ត្រូវបានយកសំណាកទៅធ្វើតេស្តលើកទី៤ ក្រោយរកឃើញបុរសចុងភៅម្នាក់ឆ្លងកូវីដ
មនុស្សជាង៣០០នាក់ ដែលជាប់ពាក់ព័ន្ធនិងពិធីរៀបមង្គលការមួយកន្លែងនៅក្នុងភូមិក្រាំងលាវ ឃុំរវៀង ស្រុកសំរោងកាលពីថ្ងៃទី១២ ខែមីនា កន្លងទៅនេះ ត្រូវបានមន្ត្រីសុខាភិបាលបានចុះទៅយកសំណាក់ ដើម្បីធ្វើតេស្តរកជំងឺកូវីដ១៩ ជាលើកទី៤ នៅព្រឹកថ្ងៃទី៣០ ខែមីនា ឆ្នាំ២០២១នេះ។
ការចុះយកសំណាកអ្នកពាក់ព័ន្ធជាច្រើនរយនាក់យកទៅធ្វើតេស្តលើកទី៤នេះ គឺបន្ទាប់ពីបុរសម្នាក់ ដែលជាចុងភៅនៅក្នុងពិធីមង្គលការនោះ ត្រូវបានរកឃើញជំងឺកូវីដ១៩ ក្នុងការធ្វើតេស្តលើកទី៣កាលពីប៉ុន្មានថ្ងៃមុននេះ។
លោក នុត ស៊ីណាត ប្រធានមន្ទីរសុខាភិបាលខេត្តតាកែវបានឲ្យដឹងថា អ្នកដែលពាក់ព័ន្ធពិធីមង្គលការខាងលើ ដែលមានទីលំនៅក្នុងស្រុកសំរោង ស្រុកបាទី ស្រុកត្រាំកក់ និងក្រុងដូនកែវ ត្រូវបានមន្ត្រីសុខាភិបាលចុះទៅយកសំណាកតាំងពីថ្ងៃទី២៩ ខែមីនាម្សិលមិញ រហូតមកដល់ថ្ងៃនេះ បានចំនួនជាង៣រយនាក់ហើយ ដើម្បីយកទៅធ្វើតេស្តរកជំងឺកូវីដ១៩ លើកទី៤។ ចំណែកលោក កេត ម៉ៅ អភិបាលស្រុកសំរោង បានថ្លែងឲ្យដឹងថា សម្រាប់ស្រុកសំរោងមានមនុស្សដែលពាក់ព័ន្ធពិធីមង្គលការនៅភូមិក្រាំងលាវចំនួនជិត ២០០នាក់ ត្រូវបានមន្ត្រីសុខាភិបាលចុះមកយកសំណាកលើកទី៤ ដោយឡែកភូមិចំនួន២ ដែលត្រូវអាជ្ញាធរប្រកាសបិទ ត្រូវបានបើកឡើងវិញហើយក៏ប៉ុន្តែអាជ្ញាធរ បានធ្វើការណែនាំឲ្យបងប្អូន ដែលប៉ះពាល់ផ្ទាល់ និងប្រយោលត្រូវបន្តធ្វើចត្តាឡីស័កបន្តទៅទៀតផងដែរ។
អភិបាលស្រុកបាទី លោក ភួន ឈីម បានឲ្យដឹងផងដែរថា នៅក្នុងស្រុកបាទីមនុស្សចំនួន៣៦នាក់ ដែលពាក់ព័ន្ធនៅក្នុងពិធីមង្គលការក្នុងស្រុកសំរោង ត្រូវបានយកសំណាកទៅធ្វើតេស្តរកជំងឺកូវីដលើកទី៤។ គួរបញ្ជាក់ថា ការចុះយកសំណាកលើកទី៤ ចំពោះអ្នកពាក់ព័ន្ធនិងពិធីរៀបមង្គលការនៅក្នុងស្រុកសំរោង គឺបន្ទាប់ពីបុរសជាចុងភៅម្នាក់ នៅក្នុងពិធីមង្គលការខាងលើដែលរស់នៅក្រុងដូនកែវតេស្តរកឃើញវិជ្ជមានកូវីដ១៩ កាលពីថ្ងៃអាទិត្យកន្លងទៅ៕
អត្ថបទ៖ វីរៈ
សូមចុចអាន៖ បុគ្គលិកផ្នែកអនាម័យ ធនាគារ SacomBank ឆ្លងកូវីដ បុគ្គលិកប៉ះពាល់ ប្រញាប់ទៅធ្វើតេស្ត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត