ព័ត៌មានជាតិ

ផ្អើលអ្នកជួលផ្ទះនៅភូមិមានជ័យ ខណៈរថយន្តពេទ្យទៅយកស្ដ្រីម្នាក់ផ្ទុកជំងឺកូវីដ

បានផុស

៣ years មុន

នៅ

ថ្ងៃពុធ ៣១ មីនា ២០២១

ដោយ

កាលពីយប់មិញនេះ នៅក្នុងសង្កាត់ស្ទឹងមានជ័យទី១ មានរថយន្តក្រុមគ្រូពេទ្យ បានទៅយកស្ដ្រីម្នាក់ទៅព្យាបាល ក្រោយធ្វើតេស្ដវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នករស់នៅក្បែរបន្ទប់ជួលមួយស្ថិតក្នុងក្រុម៣ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ មានការភ្ញាក់ផ្អើល ដោយសារតែឃើញរថយន្តពេទ្យបង្អែកខណ្ឌច្បារអំពៅ ចុះទៅដឹកស្ត្រីម្នាក់ដែលកំពុងមានជីវិតកូវីដ១៩ នៅក្បែរផ្ទះរបស់ពួកគេ។

តាមរបាយការណ៍របស់សាលាខណ្ឌមានជ័យ ស្ត្រីដែលមានវិជ្ជមានកូវីដ១៩ រស់នៅម្នាក់ឯងក្នុងបន្ទប់ជួល ក្នុងភូមិមានជ័យ មានឈ្មោះ រិន សារុំ អាយុ៤៣ឆ្នាំ។ ក្នុងនោះអាជ្ញាធរក៏ដូចជាគ្រូពេទ្យសូមប្រកាសរកអ្នកពាក់ព័ន្ធឲ្យទៅពិនិត្យសំណាកនៅមន្ទីរពេទ្យបង្អែកចាក់អង្រែក្រោមឲ្យទាន់ពេលវេលាកុំឲ្យជំងឺដ៏សាហាវនេះរាលដាលពេញក្នុងខ្លួនពិបាកនិងព្យាបាល។ របាយការណ៍បញ្ជាក់ថា បន្ទាប់ពីគ្រូពេទ្យដឹកយកស្ត្រី រិន សារុំ នេះទៅព្យាបាលនៅមន្ទីរពេទ្យ ហ្លួងម៉ែ បន្ទប់ជួលដែលស្ត្រីនេះរស់នៅត្រូវបានចាក់សោ៕

អត្ថបទ៖ នរា

សូមចុចអាន៖ រកឃើញឆ្លងថ្មីចំនួន ៦៣ និងជាសះស្បើយ១៥ នាក់