ព័ត៌មានជាតិ
យកសត្វជ្រូកជាង១០០ក្បាល ដែលបង្ក្រាបបាននៅខេត្តស្ទឹងត្រែង មកកម្ទេចចោលនៅស្រុកបាទី
តាកែវ ៖ នៅព្រឹកថ្ងៃទី០១ ខែមេសា ឆ្នាំ ២០២១នេះ សត្វជ្រូកជាង១០០ក្បាល ដែលមានជំងឺប៉េស្តជ្រូកអាហ្វ្រិក ត្រូវបានយកមកដុតកម្ទេចចោលនៅឃុំកណ្តឹង ស្រុកបាទី ខេត្តតាកែវ បន្ទាប់ពីមន្ត្រីជំនាញនៃអគ្គនាយកដ្ឋានសុខភាពសត្វ និងផលិតកម្មសត្វ នៃក្រសួងកសិកម្ម រុក្ខាប្រមាញ់ និងនេសាទ សហការនិងកម្លាំងសមត្ថកិច្ចពាក់ព័ន្ធបង្ក្រាបបានកាលពីពេលថ្មីៗកន្លងទៅនៅខេត្តស្ទឹងត្រែង ជាប់ព្រំដែនកម្ពុជា-ឡាវ។
លោក តាន់ ផាន់ណារ៉ា អគ្គនាយកអគ្គនាយកដ្ឋានសុខភាពសត្វ និងផលិតកម្មសត្វនៃក្រសួងកសិកម្ម បានបញ្ជាក់ថា ការដុតកម្ទេចចោលសត្វជ្រូកជាង១០០ក្បាលនេះ ធ្វើឡើងក្រោយពីមន្ត្រីជំនាញរបស់លោកបានចុះបង្ក្រាបបានរថយន្តដឹកជ្រូកមួយគ្រឿង ក្នុងចំណោមរថយន្តដឹកជ្រូក៣គ្រឿង នៅក្នុងក្រុងស្ទឹងត្រែង ខេត្តស្ទឹងត្រែង កាលពីវេលាយប់ថ្ងៃទី២៣មីនា កន្លងទៅ ហើយរកឃើញមានវត្តមានមេរោគប៉េស្តជ្រូកអាហ្វ្រិក។
លោក តាន់ ផាន់ណារ៉ា បន្ថែមទៀតថា ជ្រូកទាំងនេះ ដឹកចេញដោយក្រុមឈ្មួញលួចនាំជ្រូកគ្មានច្បាប់អនុញ្ញាត និងមិនបានគោរពទៅតាមវិធានការរបស់ពេទ្យសត្វ ខណៈដែលជ្រូកនៅប្រទេសជិតខាង កំពុងកើត ជំងឺប៉េស្តអាហ្វ្រិកនេះ ទើបកម្លាំងរបស់លោកចុះបង្ក្រាបនិងយកមកដុតកម្ទេចចោលតែម្តង។
លោកថា ក្រុមឈ្មួញទាំងនោះ បានលួចនាំជ្រូកចូលទៅប្រទេសឡាវរួចដឹកបន្តចូលមកចែកចាយក្នុងប្រទេសកម្ពុជា តាមច្រកព្រំដែនខេត្តស្ទឹងត្រែង និងប្រទេសឡាវវិញ បន្ទាប់ពីយើងបានរឹតបន្តឹងការនាំចូលសត្វជ្រូកនេះ ហើយក្រុមឈ្មួញទាំងនោះនិងត្រូវចាត់វិធានការណ៍តាមផ្លូវច្បាប់ជាធរមាន។
លោក តាន់ ផាន់ណារ៉ា បញ្ជាក់ថា ក្រសួងកសិកម្ម នៅក្នុងរយៈពេល៣ខែ ដើមឆ្នាំ២០២១នេះ បានបង្ក្រាបសត្វជ្រូកដែលមានជំងឺប៉េស្តជ្រូកអាហ្វ្រកនេះបាន៣ករណី ក្នុងចំណោមករណីទាំង១៦ករណី ហើយត្រូវបានមន្ត្រីជំនាញធ្វើការកម្ទេចចោលជាបន្តបន្ទាប់ជាច្រើនករណីដូចករណីពេលនេះដែរ៕
ដោយ ៖ វីរៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៥ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ