ព័ត៌មានជាតិ
សាខាកាកបាទក្រហម ខេត្តព្រះសីហនុ នាំយកអំណោយចែកជូនពលរដ្ឋ២០៦គ្រួសារកំពុងធ្វើចត្តាឡីស័កតាមលំនៅដ្ឋាន
ប្រជាពលរដ្ឋចំនួន២០៦គ្រួសាររស់នៅភូមិ៣(ទំនប់រលក)សង្កាត់លេខ១ ក្រុងព្រះសីហនុខេត្ត ដែលកំពុងធ្វើចត្តាឡីស័ក ពាក់ព័ន្ធព្រឹត្តិការណ៍២០កុម្ភៈ បានទទួលអំណោយពីសាខាកាកបាទក្រហមកម្ពុជា ខេត្តព្រះសីហនុ ដើម្បីជួយសម្រួលដល់ជីវភាពប្រចាំថ្ងៃ ដោយក្រុមការងារកាកបាទក្រហមបានចុះធ្វើកិច្ចការនេះរយៈពេលពីរថ្ងៃជាប់ៗគ្នា គឺចាប់ពីថ្ងៃទី៣១ ខែមិនា ដល់ ថ្ងៃទី០១ ខែមេសា ឆ្នាំ ២០២១។
អំណោយដែលនាំយកមកចែកជូនបងប្អូនប្រជាពលរដ្ឋក្នុងមួយគ្រួសារទទួលបាន អង្ករ៣០គីឡូ ក្រាម, មី១កេស ត្រីខ១០កំប៉ុង, ទឹកស៊ីអ៊ីវ១យួរ , ប្រេងឆា១ដប,នំប៉័ងផ្អែម៥ដុំ ម៉ាស១កញ្ចប់ និងថវិកា ១០ម៉ឺនរៀលផងដែរ។
ក្នុងឱកាសនោះលោក គាំ សុខុម នាយកសាខាបានមានប្រសាសន៍ថា ជានិច្ចជាកាលលោក គួច ចំរើន ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ ជាពិសេសសម្ដេចកិតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្ដេចតែងតែយកចិត្តទុកដាក់ចំពោះបងប្អូនប្រជាពលរដ្ឋដែលងាយរងគ្រោះ និងជួបការលំបាក ដោយហេតុឃើញថា បងប្អូនប្រជាពលរដ្ឋមានការខ្វះខាត ពីព្រោះបងប្អូនប្រជាពលរដ្ឋមិនបានចេញទៅប្រកបមុខរបររកទទួលទាននោះទេ។
ជាមួយគ្នានេះ លោកក៏បានពាំនាំនូវប្រសាសន៍ផ្ដាំផ្ញើ និងសួរសុខទុក្ខ ព្រមទាំងក្ដីនឹករលឹកអាណិតអាសូរក្រៃលែង ពីសំណាក់សម្ដេច កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្ដេចតែងតែគិតគូរសុខទុក្ខប្រជាពលរដ្ឋក្រីក្រមានទុក្ខលំបាក ជនរងគ្រោះ ជនងាយរងគ្រោះ ដោយយកចិត្តទុកដាក់ខ្ពស់ និងមិនមានការរើសអើង វណ្ណៈ ជាតិសាសន៍ ពណ៌សម្បុរ ឬនិន្នា ការ នយោបាយអ្វីឡើយ។
តែទោះជាយ៉ាងណាក៏ដោយ លោក គាំ សុខុម នាយកសាខាកាកបាទខេត្តព្រះសីហនុ ក៏បានធ្វើការអំពាវនាវដល់ប្រជាពលរដ្ឋទាំងអស់ រូមគ្នាចូលរួមពីវិធីកាត់បន្ថយហានិភ័យពីការឆ្លងជំងឺកូវីដ-១៩ ដើម្បីពង្រឹងការទប់ស្កាត់ការចម្លងក្នុងសហគមន៍ លើកកម្ពស់ការផ្លាស់ប្តូរទម្លាប់អនាម័យពីអវិជ្ជមាន ទៅវិជ្ជមាន ត្រូវបន្តជានិច្ច និងយកចិត្តទុកដាក់ខ្ពស់ត្រូវមានអនាម័យជាប្រចាំ ដោយលាងសំអាតដៃឲ្យបានញឹកញាប់ជាមួយសាប៊ូ ឬអាកុល ជែល ហើយត្រូវពាក់ម៉ាស់ឬក្រមាឲ្យបានជាប់ជានិច្ច និងត្រូវអនុវត្តតាមការណែនាំរបស់ក្រសួង សុខាភិបាលព្រមទាំងធ្វើតាមការណែនាំអំពីរបៀបរស់នៅធម្មតា តាមបែបគន្លងថ្មី និងវិធានការការពារការឆ្លងជំងឺកូវីដ-១៩ មាន៖ (៣ កុំ)(៣ការពារ)១.ត្រូវពាក់ម៉ាស់ការពារជាប្រចាំពេលធ្វើដំណើរ .២.លាងសម្អាតដៃជាមួយ សាប៊ូ ទឹកអាល់កុល ឬជែល ឲ្យបានញឹកញប់ ៣.អនុវត្តរក្សាគម្លាតសុវត្ថិភាពយ៉ាងតិច១,៥០ម៉ែត្រ ពីអ្នកដទៃ ចំណែក(៣ កុំ)មាន ៖១.កុំចូលទៅកន្លែងបិទជិត មិនមានខ្យល់ចេញចូលគ្រប់គ្រាន់ .២.កុំទៅកន្លែងមានមនុស្ស អ៊ូអរ មានមនុស្សនៅជិតៗគ្នាច្រើន .៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នាកុំឱបគ្នាជាដើម៕
អត្ថបទ ៖ កោះពស់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង