ព័ត៌មានជាតិ
អ្នកនាំពាក្យអំពាវនាវដល់ព្រះសង្ឃ កុំនិមន្តគោចរបិណ្ឌបាត នៅតំបន់មានហានិភ័យខ្ពស់នៃការឆ្លងជំងឺកូវីដ១៩
លោក សេង សុមុនី រដ្ឋលេខាធិការនិងជាអ្នកនាំពាក្យក្រសួងធម្មការនិងសាសនា បានធ្វើការអំពាវនាវដល់ព្រះសង្ឃនៅទូទាំងប្រទេស កុំនិមន្តគោចរបិណ្ឌបាត នៅតំបន់ណាដែលមានហានិភ័យខ្ពស់នៃការឆ្លងជំងឺកូវីដ១៩។
លោកបានមានប្រសាសន៍ថា បើទោះបីជាមានការរាតត្បាតជំងឺកូវីដ១៩ក៏ដោយ ក៏នៅមានព្រះសង្ឃភាគច្រើន នៅតែបន្តនិមន្តគោចរបិណ្ឌបាត នៅតាមមូលដ្ឋាននានាពិសេស នៅភូមិសាស្ត្ររាជធានីភ្នំពេញ ដែលកំពុងមានការផ្ទុះជំងឺកូវីដ១៩ នៅក្នុងសហគមន៍។ លោក បានបន្តថា ក្រសួងបានចេញសេចក្តីណែនាំឲ្យផ្អាកការប្រារព្ធពិធីជួបជុំតាមបែបសាសនានានារួចហើយ ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ១៩នេះ និងបានណែនាំដល់ព្រះសង្ឃ ត្រូវអនុវត្តឲ្យបានខ្ជាប់ខ្ជួននូវវិធានការ៣ការពារ និង៣កុំរបស់ក្រសួងសុខាភិបាលពេលនិមន្តទៅគោចរបិណ្ឌបាតរ។
លោកបានបន្តទៀតថា«បើព្រះសង្ឃគ្រប់អង្គអនុវត្តវិធានការ៣ការពារនិង៣កុំដូចជា រក្សាគម្លាត១ម៉ែត្រកន្លះឡើងទៅនិងសំអាតអនាម័យដៃលាងដៃ និងសាប៊ូនិងជែលឬអាល់កុលនោះ ខ្ញុំគិតថានឹងអាចចៀសផុតពីការចម្លងមេរោគដ៏កាចសាហានេះ បានព្រោះរហូតមកដល់ពេលនេះនៅមិនទាន់មានព្រះសង្ឃអង្គណាមួយ មានឆ្លងជំងឺនេះនៅឡើយទេ»។ រដ្ឋលេខាធិការនិងជាអ្នកនាំពាក្យក្រសួងធម្មការនិងសាសនា បានបន្ថែមទៀតថា ក្រសួងមិនមានគោលការណ៍មិនឲ្យព្រះសង្ឃផ្អាកនិមន្តគោចរបិណ្ឌបាតនោះទេ គឺអាស្រ័យទៅលើមន្ត្រីសង្ឃនៅតាមរាជធានីខេត្តនិងអាជ្ញាធរមូលដ្ឋានជាអ្នកសម្រេចថា តើនៅតំបន់ណាខ្លះដែលគួរផ្អាកនិងតំបន់ណាខ្លះដែលគួរអនុញ្ញាតនោះ។
ពាក់ព័ន្ធបញ្ហានេះដែរថ្មីៗនេះ មានវត្តចំនួន៤រួមមានវត្តព្រែកអំបិល វត្តខ្ពប វត្តកោះខែល និងវត្តទឹកវិល ហៅវត្តចុងកោះនៅក្នុងស្រុកស្អាងខេត្តកណ្តាល បានសម្រេចផ្អាកនិមន្តគោចរបិណ្ឌបាត តាមក្រុមវេនបណ្តោះអាសន្ន ដើម្បីចូលរួមទប់ស្កាត់ជំងឺកូវីដ១៩ក្នុងព្រឹត្តិការណ៍សហគមន៍២០កុម្ភៈដោយសារខេត្តកណ្តាលមានករណីឆ្លងកូវីដ១៩ជាបន្តបន្ទាប់។ ចំពោះចង្ហាន់ ដែលពុទ្ធបរិស័ទអញ្ជើញយកមកប្រគេននៅវត្ត ព្រះសង្ឃនៅតែទទួល ប៉ុន្តែត្រូវធ្វើការការពារ តាមការណែនាំរបស់ក្រសួងសុខាភិបាល ដោយរក្សាគម្លាត១.៥ ម៉ែត្រពីគ្នា វាស់កម្តៅ ពាក់ម៉ាស់ និងលាងដៃជាមួយសាប៊ូ អាល់កុល ឬជែល ឲ្យបានត្រឹមត្រូវតាមសេចក្តីណែនាំរបស់ក្រសួងសុខាភិបាល៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត