សេដ្ឋកិច្ច

តួកគីសង្ឃឹមថានឹងសម្រេចទំហំពាណិជ្ជកម្មជាមួយកម្ពុជាដល់១ពាន់លានដុល្លារ

បានផុស

៥ ម៉ោង មុន

នៅ

ថ្ងៃព្រហស្បតិ៍ ១៧ កក្កដា ២០២៥

ដោយ

សមាជិកសភាតួកគី និងជាតំណាងប្រតិភូសភាតួកគីលោក អូស្មាន់ សាហ្លាម (Osman Saglam) បានបង្ហាញនូវក្ដីសង្ឃឹមពីការសម្រេចទំហំពាណិជ្ជកម្មជាមួយកម្ពុជាដល់១ពាន់លានដុល្លានាពេលឆាប់ៗខាងមុខ។ ការលើកឡើងនេះក្នុងពេលដែលលោកជួបពិភាក្សាការងារជាមួយអនុប្រធានទី២រដ្ឋសភាកាលពីថ្ងៃទី១៦ ខែកក្កដា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អូស្មាន សាហ្លាម បានលើកឡើងថា ទំនាក់ទំនងកម្ពុជានិងតួកគីកាន់តែមានទំនាក់ទំនង និងកិច្ចសហប្រតិបត្តិការល្អរវាងប្រទេសទាំងពី ដែលឆ្លុះបញ្ចាំងតាមរយៈការផ្លាស់ប្តូរដំណើរទស្សនកិច្ចថ្នាក់ដឹកនាំគ្រប់ជាន់ថ្នាក់ និងការប្តេជ្ញាចិត្តបង្កើនកិច្ចសហប្រតិបត្តិការសេដ្ឋកិច្ច និងពាណិជ្ជកម្ម នៃប្រទេសទាំងពីរ ដោយលោកសង្ឃឹមថា ទំហំពាណិជ្ជកម្មទ្វេភាគីរវាងប្រទេសទាំងពីរ នឹងឈានដល់ ១ពាន់លានដុល្លា នាពេលខាងមុខឆាប់ៗនេះ។

អនុប្រធានទី២កម្ពុជាលោក វង សូត មានប្រសាសន៍ដោយបានសង្កេតពីការរីកចម្រើនជាបន្តបន្ទាប់នូវទំនាក់ទំនងរវាងកម្ពុជា និងតួកគី ដោយមានការចុះកិច្ចព្រមព្រៀង និងអនុស្សរណៈនៃការយោគយល់គ្នា នៅលើវិស័យជាច្រើន ព្រមទាំងមានការគាំទ្រគ្នាទៅវិញទៅមកលើវេទិកាអន្តរជាតិជាច្រើន ទាំងក្នុងក្របខណ្ឌនីតិប្បញ្ញត្តិ និងនីតិប្រតិបត្តិ។

លោកបន្ថែមដោយបានអរគុណចំពោះរដ្ឋាភិបាលនៃសាធាររដ្ឋតួកគី ដែលតែងតែគាំទ្រ និងផ្តល់ជំនួយអភិវឌ្ឍន៍ដល់កម្ពុជា លើវិស័យជាច្រើន ដូចជា៖ វិស័យអប់រំ ការថែទាំសុខភាព ជំនួយសង្គ្រោះទឹកជំនន់ ជំនួយដោះមីន ការកសាងលំនៅដ្ឋានជូនប្រជាជនក្រីក្រ និងជំនួយជាច្រើនទៀត តាមរយៈទីភ្នាក់ងារសម្របសម្រួល-ទីកា (TIKA) ចាប់តាំងពី ឆ្នាំ២០០៩ រហូតដល់បច្ចុប្បន្ន។

កម្ពុជានិងតួកគីមានគោលដៅសម្រេចឱ្យបានទំហំពាណិជ្ជកម្មឱ្យបាន១ពាន់លានដុល្លារក្នុងឆ្នាំ២០២៤កន្លងទៅ ខណៈក្នុងឆ្នាំ២០២៣ទំហំពាណិជ្ជកម្មប្រទេសទាំងពីរសម្រេចបាន ២៣៤លានដុល្លារ៕

អត្ថបទដោយ ហ៊ុន សិរីវឌ្ឍន៍

Related Topics:កម្ពុជា-តួកគី