ព័ត៌មានជាតិ

ស្រី អ៊ិត ជាសះស្បើយពីជំងឺកូវីដ-១៩ តែបន្តធ្វើចត្តាឡីស័ក១៤ថ្ងៃនៅផ្ទះ

បានផុស

៣ years មុន

នៅ

ថ្ងៃសៅរ៍ ៣ មេសា ២០២១

ដោយ

តារាកំប្លែងអ្នកនាង សេន ចិន្ដា ហៅ ស្រី អ៊ិត បានជាសះស្បើយពីជំងឺកូវីដ-១៩ហើយ បន្ទាប់ពីសម្រាកព្យាបាលជាង២០ថ្ងៃ។ ប៉ុន្តែត្រូវបន្តមកធ្វើចត្តាឡីស័ក១៤ថ្ងៃទៀត នៅផ្ទះដើម្បីតាមដានសុខ ភាព។

អ្នកនាង ស្រី អ៊ិត បានបញ្ជាក់ថា ពេលនេះនាងបានជាសះស្បើយហើយ ឥឡូវនាងបានមកដល់ផ្ទះវិញហើយ ក្រោយពីសម្រាកព្យាបាលអស់រយៈពេល២២ថ្ងៃ នៅអ៊ីនធើខន់ចាស់ជិតផ្សារដើមគ ហើយនាងនឹងបន្ដការតាមដានសុខភាពខ្លួនឯងនៅ ក្នុងរយៈពេល១៤ថ្ងៃទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្រី អ៊ិត ក៏សូមថ្លែងអំណរគុណចំពោះសម្ដេចអគ្គមហាសេនាបតីតេជោ និងសម្ដេចកិត្តិព្រឹទ្ធបណ្ឌិត ព្រមទាំងឯកឧត្តម ហ៊ុន ម៉ាណែត និងលោកជំទាវ ដែលលោកតែងតែខិតខំប្រឹងប្រែងគ្រប់បែបយ៉ាងចំពោះអ្នកទាំងគ្នា។ ហើយនាងក៏សូមអរគុណដល់លោកគ្រូពេទ្យ អ្នកគ្រូពេទ្យ ទាំងអស់ដែលគាត់តែងតែខំប្រឹងប្រែងគ្រប់បែបយ៉ាង មិនថាយប់ឬក៏ថ្ងៃ ដើម្បីឲ្យអ្នកជំងឺទាំងអស់ឆាប់បានជាសះស្បើយពីជំងឺ ។

តារាកំប្លែង ស្រី អ៊ិត បានផ្ដាំផ្ញើបងប្អូនទាំងអស់គ្នា ឲ្យមានការប្រុងប្រយ័ត្នឲ្យបានខ្ពស់ និងអនុវត្តវិធានការ ៣កុំ ៣ការពារ បើគ្មានការចាំបាច់កុំចេញក្រៅ៕

អត្ថបទ ៖ ចាន់រ៉ា