ព័ត៌មានជាតិ

ភ្លៀងកក់ខែ១មេ បានបំផ្លាញផ្សារធំមួយ នៅក្រុងប៉ោយប៉ែត និងរងរបួសមនុស្ស៥នាក់

បានផុស

៣ years មុន

នៅ

ថ្ងៃចន្ទ ៥ មេសា ២០២១

ដោយ

ភ្លៀងកក់ខែ១មួយមេ ដ៏ធំអមដោយខ្យល់កន្ត្រាក់ បានបំផ្លាញផ្សារធំមួយកន្លែងជាប់អគារកាស៊ីណូប៉ារ៉ាមែកទល់មុខផ្សាររាត្រីបាញ់ទឹក និងផ្សារដើមស្រល់នៅភូមិក្បាលស្ពាន ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ចំថ្ងៃសែនឆេងម៉េង ក្នុងនោះមានមនុស្ស របួសមនុស្ស៥ កាលពីម៉ោង៤ដល់ជាង៥ល្ងាច ថ្ងៃទី៤ ខែមេសា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលរដ្ឋនិងសមត្ថកិច្ចបានប្រាប់ឲ្យដឹងថា ខ្យល់កន្ត្រាក់ដ៏ខ្លាំងហើយបុកបក់បំប៉ើងកញ្ឆក់កញ្ឆែង ដែលជ្រៀតចូលមកជាមួយភ្លៀងកក់ខែស៊ីពេលជាង១ម៉ោងនោះ បានបំផ្លាញរោងដែលរឹងមាំនៃផ្សារខាងលើ ដែលមានតម្លៃខូចខាតយ៉ាងច្រើន។ កន្លែងទំនិញលក់ដូរ ក៏របើក ខូចខាតយ៉ាងដំណំដែរ។ ក្នុងនោះក៏បង្កឲ្យមានមនុស្ស៥នាក់រងរបួសផងដែរ ហើយក្រុមគ្រួសារនិងគ្រូពេទ្យបាននិងកំពុងសង្គ្រោះព្យាបាលភ្លាមៗ។ ក្រោយគ្រោះធម្មជាតិខ្យល់កន្ត្រាក់ចប់ហើយ លោម ង៉ោ ម៉េងជ្រួន អភិបាលរងខេត្តបន្ទាយមានជ័យ លោក គាត ហ៊ុល អភិបាលក្រុងប៉ោយប៉ែត លោកភោគ លន ចៅសង្កាត់ប៉ោយប៉ែតនិងមន្ត្រីអាជ្ញាធរមានសមត្ថកិច្ច កងកម្លាំងបានចុះពិនិត្យជាមួយម្ចាស់ផ្ទះនិងអាជីវករ ដើម្បីប៉ាន់ប្រមាណតម្លៃខូចខាតនិងរកវិធីជួសជុលឡើងវិញ។

សូមរំលឹកថា នេះជាគ្រោះថ្នាក់ធម្មជាតិខ្យល់កន្ត្រាក់លើកទី២ ហើយ។ លើកមុនបាន កើតឡើងកាលពីខែកុម្ភៈឆ្នាំ២០២១ ដែលបង្កខូចខាត អគារ រោង និងលំនៅឋានពលរដ្ឋ មួយចំនួនផងដែរ ៕