ព័ត៌មានជាតិ
ចូលចាប់ត្រីក្រោមគុម្ពឫស្សីមាត់អូ បាក់ដីសង្កត់ស្លាប់
ជារឿងនឹកស្មានមិនដល់ ដែលបុរសអ្នកបង់សំណាញ់ម្នាក់ចូលទៅរាវរកត្រីក្រោមគុម្ពឬស្សីនៅជាប់មាត់ច្រាំង តែជាអកុសល់ត្រូវដីបាក់សង្កត់ក្នុងទឹកអូររហូតដល់ស្លាប់។
ហេតុការណ៍នេះកើតឡើងកាលពីវេលាម៉ោង១៧និង៣០នាទី ថ្ងៃទី០៤ ខែមេសា ឆ្នាំ២០២១ ស្ថិតក្នុងភូមិរហាល ឃុំតាសៀម ស្រុកស្វាយលើ ខេត្តសៀមរាប។
សមត្ថកិច្ចបានឲ្យដឹងថា សពជនរងគ្រោះមានឈ្មោះ ចក់ ចែម ភេទប្រុស អាយុ២១ឆ្នាំ នៅភូមិ ឃុំកើតហេតុ។
យោងតាមការបំភ្លឺរបស់ឈ្មោះ ហ៊ុន ចក់ ភេទប្រុស អាយុ៥៩ឆ្នាំ ត្រូវជាឪពុកបង្កើតរបស់ជនរងគ្រោះនិងឈ្មោះ ឌឿន ដា ភេទប្រុស អាយុ៣៧ឆ្នាំ ត្រូវជាបងប្អូនជីដូនជាមួយជនរងគ្រោះ ដែលនៅកន្លែងកើតហេតុនោះបានឲ្យដឹងថា ពួកគាត់ទាំង៣នាក់បាននាំគ្នាទៅបង់សំណាញ់នៅកន្លែងកើតហេតុរហូតដល់ម៉ោង៥និង៣០នាទីល្ងាច ជនរងគ្រោះបានយកសំណាញ់ទៅគ្របនៅនឹងច្រាំងក្រោមគុម្ពឬស្សី ដើម្បីចូលចាប់ត្រី ចំណែកពួកគាត់ក៏នៅក្បែរនោះដែរ។ ពេលជនរងគ្រោះកំពុងមុជទឹករាវចាប់ត្រីស្រាប់តែបាក់ដីមាត់ច្រាំងសង្កត់លើជនរងគ្រោះ។
ក្រោយពីដឹងថាកូនត្រូវដីច្រាំងបាក់សង្កត់នៅក្នុងទឹកហើយ ខ្លួនជាឱពុកក៏បានរាយការណ៍ជូនសមត្ថកិច្ចនិងបានហៅអាអ៊ិច(អេស្កាវទ័រ)មកកាយយកកូនរបស់ខ្លួនចេញពីក្នុងទឹកតែបានស្លាប់បាត់ទៅហើយ។
ក្រោយការពិនិត្យរបស់កម្លាំងជំនាញបច្ចេកទេសឃើញថា សពមានស្លាកស្នាមដាច់រលាត់នៅលើភ្នែក និង ខ្ទង់ច្រមុះដែលបណ្ដាលមកពីការបាក់សង្កត់នៃច្រាំងអូរ។ សមត្ថកិច្ចបានបញ្ជាក់ថាករណីនេះមិនជាប់ពាក់ព័ន្ធនឹងករណីបទល្មើសនោះឡើយ៕
អត្ថបទ ៖ កុសល
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)