ព័ត៌មានជាតិ
លោកស្រី ឱ វណ្ណឌីន «យើងមិនអាចធ្វើតេស្តសំណាកមនុស្សរាប់លាននាក់នៅភ្នំពេញនោះទេ នៅប្រទេសគេ ក៏មិនដែលធ្វើដូច្នេះដែរ»
លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងពីការព្រួយបារម្ភជាថ្មីជុំវិញការចម្លងមេរោគកូវីដ១៩ចូលក្នុងសហគមន៍កាន់តែច្រើននាថ្ងៃចូលឆ្នាំថ្មីប្រពៃណីជាតិខាងមុខនេះ និងបានលើកឡើងថា យើងមិនអាចយកសំណាកមនុស្សដែលនៅរាជធានីភ្នំពេញរាប់លាននាក់យកទៅធ្វើតេស្តនោះទេ នៅប្រទេសគេក៏គេមិនដែលធ្វើដូច្នេះដែរ អ្វីដែលសំខាន់គឺកន្លែងណា ដែលមានការចម្លង គឺត្រូវយកសំណាកទីនោះ ជាពិសេសអ្នកដែលប៉ះពាល់តែម្តង។
ថ្លែងតាមរយៈសារអេឡិចត្រូនិកតេលេក្រាម លោកស្រី ឱ វណ្ណឌីនបានឲ្យដឹងទៀតថា នៅពេលណាដែលការឆ្លងវាទូលំទូលាយខ្លាំងមែនទែន គេត្រូវតែមាននិតិវិធីនៅក្នុងការ ដាក់ក្រុមនុស្សនៅឲ្យដាច់ដោយឡែក។
លោកស្រី ឱ វណ្ណឌីន បានថ្លែងអំពាវនាវជាថ្មីសូមឲ្យប្រជាពលរដ្ឋខ្មែរទាំងអស់ អត់ទ្រាំការលំបាកនៅក្នុងរយៈពេលខ្លី ជាជាងការលំបាកនៅក្នុងរយៈពេលវែង ខណៈបច្ចុប្បន្នមានបងប្អូនមួយចំនួន អនុវត្តនូវវិធានការបានល្អត្រឹមត្រូវ ប៉ុន្តែមួយចំនួនទៀតហាក់ដូចជាមិនទាន់អនុវត្តបានត្រឹមត្រូវនោះទេ ជាពិសេសការជួបជុំគ្នាផឹកស៊ីនៅតែមាន។
លោក ស្រី ឱ វណ្ណឌីនស្នើឲ្យបងប្អូនប្រជាពលរដ្ឋទាំងអស់ត្រូវគិតថា ការដែលយើងអាចទប់ទល់ គ្រប់គ្រងស្ថានការណ៍នេះបានឬមិនបានគឺអាស្រ័យទៅលើការអនុវត្តរបស់បងប្អូនប្រជាពលរដ្ឋយើងទាំងអស់ហើយត្រូវយល់នៅក្នុងពេលនេះការចម្លងបន្តគ្នាលឿនណាស់ លឿនមែនទែន ដូច្នេះហើយបានជាយើងទាំងអស់គ្នា ត្រូវតែមានការប្រុងប្រយ័ត្នខ្ពស់ណាស់។
លោកស្រីបន្តថា “ប្រសិនបើយើងគិតថា ការនៅផ្ទះលំបាកណាស់ ពាក់ម៉ាស់លំបាកណាស់ ឥឡូវខ្ញុំសួរថា ការទ្រាំលំបាកនៃការពាក់ម៉ាស តើវាលំបាកជាងនៅពេលដែលយើងឈឺដង្ហក់ក្នុងការដកដង្ហើមនៅពេលយើងឆ្លងកូវីដ តើមួយណាយើងគួរយក?”
ប្រសិនបើយើងអាចធ្វើបាននៅក្នុងរយៈពេលខ្លី អញ្ចឹងយើងឆាប់បានវិលត្រឡប់ទៅរកការរស់នៅធម្មតាតាមបែបគន្លងថ្មីរបស់យើងវិញបាន ចុះបើយើងមិនព្រមស៊ូទ្រាំលំបាកនៅក្នុងរយៈពេលខ្លី ហើយធ្វើឲ្យមានការរាត្បាតដ៍ធំធេង នៃវីរុសកូវីដ១៩ សួរថាការលំបាករបស់យើងវានឹងអូសបន្លាយពេលប៉ុន្មាន?
លោកស្រីថ្លែង “ឥឡូវយើងសុខចិត្តលំបាក២ សប្តាហ៍ ៣ សប្តាហ៍ ឬយ៉ាងយូរមួយខែ តើយើងសុខចិត្តលំបាកក្នុងរយៈពេល ១ ខែ ឬយើងសុខចិត្តឲ្យមានការលំបាកក្នុងរយៈពេល១ ឆ្នាំ?”៕
ស្តាប់ប្រសាសន៍លោកស្រី ៖
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ