ព័ត៌មានជាតិ

ស្នងការខេត្តឧត្តរមានជ័យ ចុះសំណេះសំណាល សួរសុខទុក្ខមន្ត្រីដែលកំពុងមានជំងឺ

បានផុស

៣ years មុន

នៅ

ថ្ងៃអង្គារ ៦ មេសា ២០២១

ដោយ

នារសៀលថ្ងៃទី០៥ ខែមេសា ឆ្នាំ២០២១ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យ បានដឹកនាំលោកស្នងការរង លោកនាយការិយាល័យ មួយចំនួន អញ្ជើញចុះសំណេះសំណាល សួរសុខទុក្ខ លោកវរសេនីយ៍ទោ ជា វាសនា នាយការិយាល័យគ្រប់គ្រងការស្នាក់នៅ ដែលកើតមានជំងឺ ក្រពះ ពោះវៀន និងកំពុងសម្រាកព្យាបាលនៅផ្ទះ ស្ថិតក្នុងភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះផងដែរ លោកស្នងការ ក៏មានមតិផ្ដាំផ្ញើសួរសុខទុក្ខ ព្រមទាំងបានផ្ដល់ជូននូវគ្រឿងឧបភោគបរិភោគ រួមទាំងថវិកាមួយចំនួនរបស់លោកផ្ទាល់ផងដែរ ដើម្បីជួយសម្រួលបន្ទុកគ្រួសារក្នុងការព្យាបាលជំងឺ និងបានផ្ដាំផ្ញើព្យាយាមខិតខំស្ដាប់ការណែនាំ និងហូបថ្នាំតាមវេជ្ជបញ្ជា យកចិត្តទុកដាក់ថែសុខភាព។

លោកវរសេនីយ៍ទោ ជា វាសនា និងក្រុមគ្រួសារក៏បានថ្លែងអំណរគុណចំពោះថ្នាក់ដឹកនាំទាំងអស់ដែលតែងតែយកចិត្តទុកដាក់ និងគិតគូរអំពីសុខទុក្ខមន្ត្រីក្រោមឱវាទ រាល់ពេលដែលមានទុក្ខលំបាកកើតឡើង ជាក់ស្តែងដូចជារូបលោកផ្ទាល់នៅពេលនេះ។ ហើយលោក និងក្រុមគ្រួសារ សូមជូនពរដល់ថ្នាក់ដឹកនាំគ្រប់លំដាប់ថ្នាក់ ព្រមទាំងសហការីទាំងអស់ សូមមានសុខភាពល្អ ជួបប្រសព្វនូវ ពុទ្ធពរ៤ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

អត្ថបទ ៖ ចាន់ ធី