ព័ត៌មានជាតិ
កម្លាំងចម្រុះខណ្ឌច្បារអំពៅ ចុះហាមឃាត់ការធ្វើដំណើរចេញ-ចូលឆ្លងខេត្ត
កម្លាំងចម្រុះខណ្ឌច្បារអំពៅ រួមមាននគរបាល កងរាជអាវុធហត្ថ និងប្រជាការពារជាច្រើននាក់ នៅវេលាម៉ោង ១២ រំលងអធ្រាត្រឈានចូលថ្ងៃទី ៧ ខែមេសានេះ ឆ្នាំ២០២១ បានចុះអនុវត្តសេចក្តីសម្រេចជុំវិញការហាមឃាត់ការធ្វើដំណើរឆ្លងកាត់ចេញ-ចូលពីខេត្តមួយទៅខេត្តមួយ។
រាជរដ្ឋាភិបាលបានសម្រេចហាមឃាត់ការធ្វើដំណើរ ចេញ-ចូល ពីខេត្តមួយទៅខេត្តមួយជាបណ្តោះអាសន្នរយៈពេល១៤ថ្ងៃ ចាប់ពីម៉ោងសូន្យថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ១៩ ពីខេត្តមួយទៅខេត្តមួយទៀត ខណៈដែលរាជធានីភ្នំពេញ និងខេត្តកណ្តាល មិនស្ថិតនៅក្រោមវិសាលភាព នៃការហាមឃាត់ការធ្វើដំណើរឆ្លងកាត់ ចេញចូល ទៅវិញទៅមកនោះទេ។
កងកម្លាំងចម្រុះដឹកនាំដោយលោក បេង ដាណារ៉ា ស្នងការរងនគរបាលរាជធានីភ្នំពេញ នៅយប់ថ្ងៃទី ៧ ខែមេសានេះ បានចុះត្រួតពិនិត្យនៅចំណុចតាមបណ្តោយផ្លូវជាតិលេខ១ ព្រំប្រទល់រវាងខណ្ឌច្បារអំពៅ នឹងខេត្តកណ្តាល។
លោកឧត្តមសេនីយ៍ទោ បេង ដាណារ៉ា បានឲ្យដឹងថា ដោយគោរពទៅតាមសេចក្តីសម្រេចថ្មីរបស់ប្រមុខរាជរដ្ឋាភិបាល បន្ថែមពីលើបម្រាមគោចររបស់រដ្ឋបាលរាជធានីភ្នំពេញ គឺតម្រូវឲ្យមានការបិទចរាចរណ៍ធ្វើដំណើរចេញចូលរាជធានីខេត្តបណ្តោះអាសន្នរយៈពេល ១៤ ថ្ងៃចាប់ពីម៉ោងសូន្យនៃថ្ងៃទី ៧ ខែមេសា រហូតដល់ថ្ងៃទី ២០ ខែមេសា ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ពីភូមិសាស្ត្រនៃខេត្តមួយ ទៅភូមិសាស្ត្រ នៃខេត្តមួយទៀត លើកលែងតែភូមិសាស្រ្តរាជធានីភ្នំពេញ និងខេត្តកណ្តាល ត្រូវបានចាត់ទុកជាតំបន់តែមួយ។
នៅក្នុងសេចក្តីសម្រេចថ្មីរបស់រាជរដ្ឋាភិបាល ក៏មានការលើកលែងក្នុងការហាមឃាត់ចរាចរណ៍ធ្វើដំណើរចេញចូលរាជធានីខេត្ត សម្រាប់ករណីចាំបាច់មួយចំនួនផងដែរដូចជាការដឹកជញ្ជូនទំនិញគ្រប់ប្រភេទ ការធ្វើដំណើររបស់មន្ត្រីរាជការសាធារណៈទាំងថ្នាក់ជាតិ និងថ្នាក់ក្រោមជាតិដើម្បីបំពេញការងារ រថយន្តសង្គ្រោះបន្ទាន់របស់មន្ទីរពេទ្យ រថយន្តពន្លត់អគ្គភ័យ និងរថយន្តដឹកកម្មករជាដើម។
ជាក់ស្តែងនៅចំណុចគោលដៅ អនុវត្តខាងលើ សមត្ថកិច្ចបានធ្វើការឃាត់គ្រប់យានយន្ត ឬយានជំនិះទាំងអស់ ដើម្បីសាកសួរនាំ លើកលែងតែរថយន្តកុងតឺន័រដឹកទំនិញធុនធំប៉ុណ្ណោះ។
ការឃាត់សួរនាំនោះ បើរកឃើញថា អ្នកដំណើរទាំងនោះ ពិតជាមានភារកិច្ច និងកាតព្វកិច្ចចាំបាច់ក្នុងការធ្វើដំណើរឆ្លងចេញចូលរាជធានីខេត្តប្រាកដមែននោះទើបអនុញ្ញាតឲ្យទៅបន្ត ប៉ុន្តែបើពិនិត្យឃើញថា មិនមានការចាំបាច់ ពិសេសពុំមានបណ្ណ ឬឯកសារគ្រប់គ្រាន់បញ្ជាក់ពីកាតព្វកិច្ចការងារនោះ បុគ្គលនោះនឹងត្រូវណែនាំឲ្យត្រឡប់ក្រោយវិញ មិនតម្រូវឲ្យចេញចូលទៅមកបាននោះឡើយ៕
អត្ថបទ៖លីហេង
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៨ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានអន្ដរជាតិ៥ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ