ព័ត៌មានជាតិ
គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចំនួន៤០នាក់ កំពុងបំពេញបេសកកម្មចាក់វ៉ាក់សាំងបង្ការជំងឺកូវីឌ១៩ នៅខេត្តកោះកុង
អំឡុងពេលរីករាលដាលជំងឺកូវីឌ១៩ក្នុងសហគមន៍ ក្រុមគ្រូពេទ្យស្ម័គ្រចិត្ត របស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជាចំនួន៤០នាក់ កំពុងបំពេញបេសកម្មមនុស្សធម៌ លើដំណើរការចាក់វ៉ាក់សាំងជូនមន្រ្តីរាជការ កងកម្លាំងប្រដាប់អាវុធ ពលរដ្ឋ ព្រមទាំងបុគ្គលិកវិស័យឯកជននៅខេត្តកោះកុង។
ប្រតិបត្តិការមនុស្សធម៌ចាក់វ៉ាក់សាំងនៅខេត្តកោះកុង គឺធ្វើឡើងក្រោមការដឹកនាំផ្ទាល់ពីឯកឧត្តម លេង ផាលី រដ្ឋលេខាធិការក្រសួងផែនការ និងជាប្រធានប្រតិបត្តិក្រុមការងារគ្រូពេទ្យស្ម័គ្រចិត្តរបស់ឯឧ ហ៊ុន ម៉ានី។
ឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្តរបស់ឯឧ ហ៊ុន ម៉ានី ថ្លែងនៅថ្ងៃទី៧ ខែមេសា ឆ្នាំ២០២១ថា សកម្មភាពចាក់វ៉ាក់សាំងបង្ការជំងឺកូវីដនៅខេត្តកោះកុង មានគ្រូពេទ្យស្រីប្រុសចំនួន៤០នាក់ ហើយត្រូវបែងចែកក្រុមគ្រូពេទ្យជា៤ក្រុម ក្នុងបរិវេណសាខាកាកក្រហមកម្ពុជាខេត្ត ដោយឈរលើគោលជំហរស្ម័គ្រចិត្ត ក្រោមការដឹកនាំរបស់ឯកឧត្តម ហ៊ុន ម៉ានី។
ឯកឧត្ដមប្រធានប្រតិបត្តិ ក្រុមការងារគ្រូពេទ្យស្ម័គ្រចិត្ត បន្ថែមទៀតថា គិតមកដល់ថ្ងៃនេះ រយៈពេល៣ថ្ងៃហើយ ក្រុមគ្រូពេទ្យស្ម័គ្រចិត្តបាននឹងកំពុងបំពេញការងារយុទ្ធនាការចាក់វ៉ាក់សាំងជូនមន្រ្តីរាជការ កងកម្លាំងសមត្ថកិច្ច ប្រជាពលរដ្ឋ និងបុគ្គលិកវិស័យឯកជនទូទាំងខេត្តកោះកុង។
ឯកឧត្តម លេង ផាលី សង្កាត់ធ្ងន់ដែរថា សកម្មភាពមនុស្សធម៌របស់ក្រុមគ្រូពេទ្យស្ម័គ្រចិត្ត ដើម្បីចូលរួមចំណែកជាមួយនឹងរាជរដ្ឋាភិបាលកម្ពុជាក្នុងក្របខ័ណ្ឌចាក់វ៉ាក់សាំងបង្ការជំងឺកូវីដ១៩ទូទាំងប្រទេសជាមោទនភាព និងជាឱកាសដល់គ្រូពេទ្យបានជួយដល់សេដ្ឋកិច្ចសង្គមជាតិ ជៀសវាងពីការឆ្លងរីករាលដាលជំងឺកូវីឌនេះទៅអនាគត។
ដូច្នេះឯកឧត្តម រំពឹងជឿកជាក់ថា កាងារសប្បុរសធម៌ក្នុងយុទ្ធនាការចាក់វ៉ាក់សាំងបង្ការជំងឺកូវីឌ១៩ឱ្យបានជោគជ័យនៅក្នុងខេតកោះកុង ដ៏ដូចជាក្របខណ្ឌទូទាំងប្រទេស។ ២ថ្ងៃចាប់ពីថ្ងៃទី៥ ខែមេសា ដល់ថ្ងៃទី៦ ខែមេសា ក្រុមគ្រូពេទ្យស្ម័គ្រចិត្តរបស់ឯឧ ហ៊ុន ម៉ានី បានចាក់វ៉ាក់សាំងជូនមន្រ្តីរាជការ កងកម្លាំងសមត្ថកិច្ច និងប្រជាពលរដ្ឋបានប្រមាណ៣២១នាក់/ស្រី៧២ និងមិនអាចចាក់វ៉ាកសាំងបានព្រោះបញ្ហាសុខភាពមានចំនួន២៥នាក់។
ដោយឡែកអាជីវករ យុវជនក្លឹបបាល់ទាត់ និងតំណាងក្រុមហ៊ុនវិស័យឯកជននៅខេត្តកោះកុង ដែលមកទទួលវ៉ាក់សាំងបង្ការជំងឺកូវីឌនៅពេលនេះ សុទ្ធតែបង្ហាញក្តីរីករាយពេលបានចាក់វ៉ាក់សាំងរួច។ ពួកគាត់ អះអាងថា ការមកទទួលវ៉ាក់សាំងបង្ការជំងឺកូវីឌដោយឥតគិតថ្លៃនេះ គឺពួកគាត់ស្ម័គ្រចិត្តគ្មានការបង្ខិបង្ខំពីណាម្នាក់ទេ ពីព្រោះយល់ថាវ៉ាក់សាំងជាឱសថទិព្វធ្វើឱ្យរូបរាងកាយរួចផុតពីជំងឺកូវីឌ ខណៈបារម្ភពីការឆ្លងរីករាលដាលសព្វថ្ងៃ។
តំណាងពលរដ្ឋ យុវជន និងវិស័យឯកជននៅកោះកុង លើកឡើងថា ពួកគេងាយប្រឈមនឹងការឆ្លងជំងឺកូវីដណាស់ គ្រាបំពេញការងាររកស៊ីទទួលទានប្រចាំថ្ងៃ ពេលបានវ៉ាក់សាំងហើយពួកគាត់នឹងអាចរួចផុតពីការឆ្លងបានមួយកម្រិតធំ៕
អត្ថបទ ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ