ព័ត៌មានជាតិ
សមត្ថកិច្ចចម្រុះចាប់ផ្តើមដាក់គោលដៅត្រួតពិនិត្យនៅចំណុចព្រំប្រទល់រវាងខេត្តជាប់គ្នា
ចាប់ពីវេលាម៉ោងសូន្យរំលងអធ្រាតឈានចូលថ្ងៃទី០៧ ខែមេសា ឆ្នាំ២០២១ សមត្ថកិច្ចចម្រុះចាប់ផ្តើមដាក់ប៉ុស្តិ៍ត្រួតពិនិត្យត្រង់ចំណុចព្រំប្រទល់នៃខេត្តជាប់គ្នា ដូចជាព្រំប្រទល់ខេត្តកំពត-តាកែវ ,ព្រះសីហនុ ,កំពង់ស្ពឺ និងខេត្តកែប។
ចំពោះការដាក់គោលដៅនៅព្រឹកនេះ សមត្ថកិច្ចបានដាក់រនាំងបិទផ្លូវ ដើម្បីត្រួតពិនិត្យអ្នកធ្វើដំណើរចេញ ចូល ត្រង់ចំណុចព្រំប្រទល់ខេត្តជាប់គ្នារួមមាន៖ ព្រំប្រទល់ខេត្តកំពត-ខេត្តព្រះសីហនុ, ព្រំប្រទល់ខេត្តកំពត-ខេត្តតាកែវ,ព្រំប្រទល់ខេត្តកំពត-ខេត្តកំពង់ស្ពឺ, និងព្រំប្រទល់ខេត្តកំពត-ខេត្តកែប។
សូមបញ្ជាក់ថា ការដាក់ប៉ុស្តិ៍បិទផ្លូវត្រួតពិនិត្យនេះ បានអនុវត្តឡើងបន្ទាប់ពីមានសេចក្តីសម្រេចរបស់រាជរដ្ឋាភិបាល កាលពីថ្ងៃទី០៦ ខែមេសា ឆ្នាំ២០២១ ដោយបានសម្រេចឲ្យបិទផ្លូវចេញ ចូល ពីខេត្តមួយទៅខេត្តមួយ ជាបណ្តោះអាសន្ន រយៈពេល១៤ថ្ងៃ ចាប់ពីម៉ោងសូន្យនៃថ្ងៃទី០៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១។ចំពោះការបិទនេះ ក្នុងគោលបំណងប្រយុទ្ធ និងទប់ស្កាត់ការឆ្លងរាលដាលជំងឺកូវីដ-១៩ ពីខេត្តមួយទៅខេត្តមួយ។
ដោយឡែក សម្រាប់រាជធានីភ្នំពេញ និងខេត្តកណ្តាល ត្រូវបានចាត់ទុកជាតំបន់មួយ មិនស្ថិតក្រោមវិសាលភាព នៃការហាមឃាត់ការធ្វើដំណើរឆ្លងកាត់ ចេញ-ចូល ទៅវិញទៅមកនោះទេ។ ប៉ុន្តែសេក្តីសម្រេចក៏បានលើកលែង រាល់ការចរាចរ ដឹកទំនិញផ្សេងៗ តាមផ្លូវគោក ផ្លូវទឹក ផ្លូវដែក ,លើកលែងការធ្វើដំណើររបស់មន្ត្រីរាជការសាធារណៈ ទាំងថ្នាក់ជាតិ និងថ្នាក់ក្រោមជាតិ ក្នុងគោលដៅបំពេញការងារប្រចាំថ្ងៃ, លើកលែងការធ្វើដំណើររបស់កងកម្លាំងប្រដាប់អាវុធគ្រប់ប្រភេទ ក្នុងគោលដៅបំពេញភារកិច្ចរបស់ខ្លួន ,រថយន្តសង្គ្រោះបន្ទាន់ របស់មន្ទីរពេទ្យរដ្ឋ និងឯកជន,រថយន្តពន្លត់អគ្គិភ័យ,រថយន្តដឹកកម្មករ ទៅកាន់រោងចក្រ សហគ្រាស,រថយន្តដឹកសំរាម,ការធ្វើដំណើររបស់ប្រជាពលរដ្ឋទៅកាន់មន្ទីរពេទ្យ និងការធ្វើដំណើរដោយមូលហេតុចាំបាច់ផ្សេងៗ ដោយមានការអនុញ្ញាតពីអជ្ញាធរមានសមត្ថកិច្ច ក៏ត្រូវបានលើកលែង៕
អត្ថបទ ៖ សេង ណារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ