ព័ត៌មានជាតិ
លោកឃួន ស្រេង ចុះមកពិនិត្យវិទ្យាល័យសាមគ្គីម្តងទៀត ត្រៀមបញ្ជូនអ្នកឆ្លងកូវីដមកយប់នេះ
អភិបាលនៃគណៈអភិបាលរាជធានីភ្នំពេញ លោកឃួង ស្រេង កំពុងដឹកនាំអាជ្ញាធរនិងមន្ទីរសុខាភិបាល ចុះពិនិត្យទីតាំងវិទ្យាល័យជាស៊ីមសាមគ្គីជាថ្មី ដើម្បីអោយក្រុមការងារទាំងអស់អនុវត្តការងារអោយបានលឿននិងរួចរាល់ នៅមុននៃការបញ្ជូនអ្នកជម្ងឺកូវីដ-១៩ មកសំរាកព្យាបាលនៅយប់ថ្ងៃទី០៩ មេសានេះ ខណៈដែលអ្នកជម្ងឺកូវីដ-១៩ រាប់រយនាក់ មិនទាន់មានកន្លែងសម្រាប់សំរាកព្យាបាលនៅឡើយ។
វិទ្យាល័យជាស៊ីមសាមគ្គី ស្ថិតនៅតាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោកនៅព្រឹកថ្ងៃទី០៩ ខែមេសានេះ ត្រូវបានលោកឃួង ស្រេងអភិបាលនៃគណៈអភិបាលរាជធានីភ្នំពេញ សម្រេចយកជាកន្លែងសម្រាប់ព្យាបាលអ្នកជំងឺ-១៩ ដោយរៀបចំអោយមានភាពសមរម្យ ហើយមួយផ្នែកខ្វះអគារនៃទ្យាល័យនេះ ក៏ត្រូវរៀបចំជាកន្លែងសម្រាប់ធ្វើចត្តាឡីស័កផងដែរ ។ ទីតាំងខាងលើនេះ ត្រូវរៀបចំគ្រែចំនួន២០០ គ្រែ សម្រាប់អ្នកជម្ងឺ និង១០គ្រែទៀតសំរាប់ក្រុមគ្រូពេទ្យដែលត្រូវព្យាបាលអ្នកជំងឺកូវីដ-១៩ ។
គួរបញ្ជាក់ថា កាលពីវេលាថ្ងៃត្រង់ថ្ងៃទី០៩ មេសានេះ វិទ្យាល័យជាស៊ីម សាមគ្គី ក្រោមការបញ្ជាផ្ទាល់ពីលោកឃួង ស្រេង ក្រុមការងារជម្រុះ ដែលមានទាំងអាជ្ញាធរខណ្ឌទួលគោក ប៉ូលីសមូលដ្ឋាន មន្ត្រីអគ្គីសនី មន្ទីរសុខាភិបាលបានដុតដៃ ដុតជើងយ៉ាងខ្លាំងក្នុងការរៀបចំទៅតាមតួនាទីរបស់ខ្លួន ដើម្បីធ្វើយ៉ាងណាអោយទីតាំងមួយនេះក្លាយជាកន្លែងដែលមានភាពសមរម្យនិងមានមនាម័យ បរិស្ថានល្អប្រសើរ ក្នុងការព្យាបាលអ្នកជម្ងឺកូវិដ-១៩ ហើយបើគិតមកដល់ម៉ោងនេះ មានអគារមួយចំនួនបានរៀបចំលាងទឹកសំអាត ដាក់គ្រែពូក បំពាក់ កង្ហាររួចរាល់ដើម្បីត្រៀមទទួលអ្នកជំងឺនៅយប់នេះ។ ទន្ទឹមនោះអគារមួយចំនួនទៀត ក៏នៅសេសល់ មិនទាន់រៀបចំរួច ទើបលោកឃួង ស្រេង ចុះបញ្ជាផ្ទាល់ទាំងយប់ ដើម្បីធ្វើយ៉ាងណាគ្រប់អគារយកទទួលយកអ្នកជម្ងឺកូវីដ -១៩បាននៅយប់នេះ។
នៅក្នុងរាត្រីដដែរនេះ លោកឃួង ស្រេង បានបន្តចុះមកវិទ្យាល័យជម្ពូវ័នបន្តទៀត ដើម្បីជម្រុញការងារនៃការរៀបចំវិទ្យាល័យជម្ពូវ័ននេះទៅជាកន្លែងសម្រាប់សំរាកព្យាបាលជម្ងឺកូវីដ-១៩ ដូចនៅវិទ្យាល័យជាស៊ីម សាមគ្គីដែរ ដោយ
វិទ្យាល័យជម្ពូវ័ននេះមានចំនួន១៨០ក្រែ៕
អត្ថបទ៖ ស្រីរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ