ព័ត៌មានជាតិ
ខេត្តកណ្តាលៈ ពលរដ្ឋដែលធ្វើដំណើរពីតំបន់ផ្ទុះកូវីដ១៩ តម្រូវឲ្យអនុវត្តវិធានការសុខាភិបាល
អាជ្ញាធរខេត្តកណ្តាលបានឱ្យដឹងថា ប្រជាពលរដ្ឋដែលធ្វើដំណើរមកពីតំបន់ពាក់ព័ន្ធនឹងការផ្ទុះឆ្លងរាលដាលជំងឺកូវីដ១៩ តម្រូវឱ្យអនុវត្តវិធានការសុខាភិបាលដោយត្រួតពិនិត្យសុខភាពនិងចូលរួមសហការជាមួយអាជ្ញាធរមូលដ្ឋាន ដើម្បីទប់ស្កាត់ការឆ្លងរាលដាលជំងឺកូវីដ១៩ចូលភូមិសាស្ត្រខេត្តកណ្ដាល។
លោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានមានប្រសាសន៍ថា ” នៅក្នុងឱកាសបុណ្យចូលឆ្នាំខ្មែរខាងមុខនេះសូមបងប្អូននៅជួបជុំតែក្នុងចំណោមសមាជិកដែលរស់នៅក្នុងលំនៅឋានជាមួយគ្នាចៀសវាងការធ្វើដំណើរចេញក្រៅផ្ទះដោយមិនចាំបាច់និងចៀសវាងការធ្វើដំណើរមិនចាំបាច់ឆ្លងកាត់ក្រុងស្រុកនិងហាមដាច់ខាតការប្រមូលផ្ដុំរៀបចំកម្មវិធីកម្សាន្តបែបប្រពៃណីកម្មវិធីរាំច្រៀងពិធីជប់លៀងការជួបជុំគ្រប់ប្រភេទដែលមានសភាពអ៊ូអរមានមនុស្សចូលរួមច្រើន”។
រដ្ឋបាលខេត្តក៏បានណែនាំឲ្យអាជ្ញាធរមូលដ្ឋានធ្វើការតាមដានពុទ្ធបរិស័ទសាសនិកនានាដែលចេញចូលតាមវត្តអារាម ព្រះវិហារ សាលាឆាន់ កុដិនីៗឱ្យបានម៉ត់ចត់និងខ្ជាប់ខ្ជួនដោយត្រូវពាក់ម៉ាសជាប្រចាំមុននឹងអនុញ្ញាតឱ្យចេញចូលវត្តនិងរៀបចំឱ្យមានកន្លែងលាងដៃនឹងសាប៊ូអាកុលឬជែល មានការវាស់កំដៅនិងស្កេន QR កូដទប់ស្កាត់ជំងឺកូវីដ១៩នៅខ្លោងទ្វារចូលនៅតាមទីវត្តអារាមផងដែរ។
រាជរដ្ឋាភិបាលកម្ពុជា បានបិទការធ្វើដំណើរឆ្លងកាត់ ចេញ-ចូល ពីខេត្តមួយទៅខេត្តមួយជាបណ្តោះអាសន្នរយៈពេល១៤ថ្ងៃ ចាប់ពីម៉ោងសូន្យនៃថ្ងៃទី៧ ខែមេសា ឆ្នាំ២០២១ រហូតដល់ថ្ងៃទី២០ ខែមេសា ឆ្នាំ២០២១ដើម្បីទប់ស្កាត់ការឆ្លងរាលដាលជំងឺកូវីដ១៩ ពីខេត្តមួយ ទៅខេត្តមួយទៀត។ ប៉ុន្តែសម្រាប់រាជធានីភ្នំពេញ និងខេត្តកណ្តាល ត្រូវបានចាត់ទុកជាតំបន់មួយមិនស្ថិតនៅក្រោមវិសាលភាព នៃការហាមឃាត់ការធ្វើដំណើរឆ្លងកាត់ ចេញ-ចូល ទៅវិញទៅមកនោះទេ៕
អត្ថបទ៖សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»