ភ្លៀងលាយឡំខ្យល់កន្ត្រាក់បោកបក់ផ្ទះ​ពលរដ្ឋ៦​ខ្នងរងការខូចខាត​

ផ្ទះ​ប្រជាពលរដ្ឋ៦​ខ្នង ​រងគ្រោះដោយសារខ្យល់​កន្ត្រាក់ ​ភ្លៀង​កក់ខែ​មួយមេធំ នៅក្នុង២ស្រុក កាលពីល្ងាច​ថ្ងៃទី​៩ ខែមេសា ឆ្នាំ២០២១ ក្នុងស្រុកមង្គលបូរី និងស្រុកម៉ាឡៃ។

មន្ត្រី​សមត្ថកិច្ច​នគរ​បាលស្រុក​ម៉ាឡៃ​បានឲ្យដឹង​ថា នៅល្ងាច​ថ្ងៃទី​៩​ ខែមេសា ឆ្នាំ២០២១នេះថា មានខ្យល់​កន្ត្រាក់​មួយបានបោកបក់មកចំលើផ្ទះប្រជាពករដ្ឋ បណ្ដាលឲ្យខូចខាតចំនួន​ផ្ទះ២​ខ្នង និង​តូប​លក់​ឥ​វ៉ាន់​១​ខ្នង នៅ​ឃុំ​អូរ​សំព័រ ​ស្រុក​ម៉ាឡៃ ខេត្តបន្ទាយមានជ័យ។​

ចំណែក​លោក​ រ័ត្ន ដា​ស៊ី​ណង់ អភិបាលស្រុក​មង្គល​បូរី បានប្រាប់ឲ្យដឹងថា នៅល្ងាច​ថ្ងៃទី​៩​ ខែមេសានេះ មានខ្យល់​កន្ត្រាក់​មួយបានវាយបោកបក់មកចំលើផ្ទះប្រជាពករដ្ឋ បណ្ដាលឲ្យខូចខាតផ្ទះប្រជាពលរដ្ឋរបើក​ដំបូង៣​ខ្នង​ផ្ទះ នៅ​ឃុំ​តា​ឡំ និង​ឃុំ​ចំណោម ៣​ខ្នង​នៅ​ក្នុងស្រុក​មង្គល​បូរី​។

ក្រោយពីកើតហេតុ លោកអភិបាលស្រុកមង្គលបូរី លោក រ័ត្ន ដាសុីណង់ និងក្រុមការងារចុះទៅដល់ផ្ទះប្រជាពករដ្ឋដែលរងគ្រោះដោយខ្យល់កន្ត្រាក់ ពិនិត្យមើលដើម្បីត្រៀមជួសជុលឡើងនៅពេលខាងមុខនេះ៕

អត្ថបទ ៖ វ៉ាន់ ណាង