ព័ត៌មានជាតិ
សម្តេចណែនាំដល់មន្ទីរពិសោធន៍ត្រូវពិនិត្យសំណាកពីតំបន់មានហានិភ័យមុន
ភ្នំពេញ៖ សម្តេចនាយករដ្ឋមន្ត្រី ហ៊ុន សែន បានណែនាំដល់ក្រសួងសុខាភិបាលត្រូវណែនាំដល់មន្ទីរពិសោធន៍ទាំងអស់ត្រូវពិនិត្យមើលសំណាករកមេរោគកូវីដ-១៩ ដែលបញ្ជូនមកពីតំបន់មានហានិភ័យមុនគេ ដើម្បីងាយស្រួលគ្រប់គ្រងស្ថានការណ៍បាន ខណៈពីមុនមើលសំណាកដែលយកមកពីតំបន់មិនប្រឈមមុនតាមលំដាប់ ដោយទុកសំណាកកន្លែងប្រឈមនៅក្រោយ។
តាមរយៈសេចក្តីថ្លែងការណ៍ពិសេសនៅព្រឹកនេះ សម្តេចតេជោបានមានប្រសាសន៍ថា ការធ្វើបែបនេះនាំឱ្យយើងគ្រប់គ្រងអ្នកជំងឺមិនបានល្អ ព្រោះទម្រាំដឹងថាអ្នកជំងឺឆ្លងនោះ អ្នកជំងឺបានដើរពាសវាលពាសកាលទៅហើយ។
សម្តេចបានបន្ថែម៖ “ខ្ញុំសូមដាក់បទបញ្ជាឱ្យគ្រប់មន្ទីរពិសោធន៍ទាំងអស់ត្រូវមើលសំណាកណាដែលមកពីតំបន់ហានិភ័យមុនគេដើម្បីដឹងលទ្ធផលតេស្តងាយស្រួលឱ្យអាជ្ញាធរក៏ដូចជាក្រុមគ្រូពេទ្យចុះទៅយកអ្នកជំងឺឱ្យបានទាន់ពេលវេលា និងរហ័សគ្រប់គ្រងបានលឿន”។
គួរបញ្ជាក់ថា តាមរយៈសេចក្ដីជូនព័ត៌មានរបស់ក្រសួងសុខាភិបាលនៅថ្ងៃទី០៩ ខែមេសានេះ កម្ពុជាបានរកឃើញអ្នកជំងឺកូវីដ-១៩ សរុបជាង ៣,៦០០នាក់ ជាសះស្បើយជិត ២,០០០នាក់ និងអ្នកកំពុងសម្រាកព្យាបាលចំនួនជិត ១,៦០០នាក់។ ក្នុងនោះករណី “សហគមន៍២០កុម្ភៈ” មានចំនួនជាង ៣,១០០នាក់ ស្លាប់ចំនួន ២៤នាក់៕
អត្ថបទ៖ សំអឿន
-
ព័ត៌មានអន្ដរជាតិ១ សប្តាហ៍ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ជីវិតកម្សាន្ដ៥ ថ្ងៃ ago
កូនស្រីបង្កើត Brad Pitt បង្ហាញចេតនាប្រឆាំងកូនចិញ្ចឹម Pax Thien ចង់ឲ្យគ្រួសារជុំគ្នាវិញ
-
ព័ត៌មានអន្ដរជាតិ១ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានអន្ដរជាតិ១ សប្តាហ៍ ago
តំបន់មួយរបស់កាណាដា ប្រកាសអាសន្ន មុនបាតុភូតសូរ្យគ្រាស មហាកម្រ
-
ព័ត៌មានជាតិ៤ ថ្ងៃ ago
សម្ពាធទាបគ្របដណ្ដប់មកលើ ឈូងសមុទ្រកម្ពុជា នឹងធ្វើឱ្យមានភ្លៀងធ្លាក់ និងផ្គរ រន្ទះ
-
ជីវិតកម្សាន្ដ១ សប្តាហ៍ ago
តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី
-
ព័ត៌មានជាតិ២ ថ្ងៃ ago
អាកាសយានដ្ឋានចំនួន ០៨ ចុះបញ្ជីនៅកម្ពុជា មាន ៣ កំពុងដាក់ឲ្យដំណើការ
-
ព័ត៌មានអន្ដរជាតិ២ ថ្ងៃ ago
កូនក្រមុំ ចិន ត្រូវភ្ញៀវប្រុសៗចាប់សម្រាតសំលៀកបំពាក់ ដោយយកលេសថាជាប្រពៃណីបុរាណ