ថ្ងៃ​ដំបូង មាន​គណបក្ស​តែមួយ​ប៉ុណ្ណោះ បាន​ចុះបញ្ជី ដើម្បី​ចូលរួម​បោះឆ្នោត​ជ្រើសរើស​ក្រុមប្រឹក្សា​ក្រុង​បូកគោ
Connect with us
Helistar Cambodia - Helicopter Charter Services

នយោបាយ

ថ្ងៃ​ដំបូង មាន​គណបក្ស​តែមួយ​ប៉ុណ្ណោះ បាន​ចុះបញ្ជី ដើម្បី​ចូលរួម​បោះឆ្នោត​ជ្រើសរើស​ក្រុមប្រឹក្សា​ក្រុង​បូកគោ

បានផុស

នៅ

​នៅ​ថ្ងៃទី​៦ ខែឧសភា ឆ្នាំ​២០២១ ដែលជា​ថ្ងៃ​ដំបូង​នៃ​ការចុះបញ្ជី​គណបក្សនយោបាយ និង​បញ្ជី​បេក្ខជន​ឈរឈ្មោះ​បោះឆ្នោត សម្រាប់​ការបោះឆ្នោត​លើក​ទី​១ ដើម្បី​ជ្រើសរើស​ក្រុមប្រឹក្សា​ក្រុង​បូកគោ នៃ​ខេត្តកំពត មាន​គណបក្សនយោបាយ ចំនួន​១​ប៉ុណ្ណោះ បានដាក់​ពាក្យ​ចុះបញ្ជី​គណបក្សនយោបាយ និង​បញ្ជី​បេក្ខជន​ឈរឈ្មោះ​បោះឆ្នោត នៅ​គណៈកម្មការ​រៀបចំ​ការ​បោះឆ្នោត​ខេត្តកំពត (​គ​.​ខ​.​ប​) គិត​ត្រឹម​ម៉ោង​១៧ និង​៣០ នាទី​ល្ងាច​នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក តែ ជិន​ណា​រិ​ទ្ធ ប្រធាន​គណៈ កម្ម​ការរៀបចំ​ការបោះ​ឆ្នោត​ខេត្តកំពត បាន​ឲ្យ​ដឹង​នៅថ្ងៃនេះ​ថា គណៈកម្មការ​រៀបចំ​កា​របោះ​ឆ្នោត​ខេត្តកំពត បានទទួល​ពាក្យ​ចុះបញ្ជី​គណបក្ស​នយោបាយ និង​បញ្ជី​បេក្ខជន​ឈរឈ្មោះ​បោះឆ្នោត​ពី​គណបក្ស​១ គឺ​គណបក្ស​ប្រជាជន​កម្ពុជា​។ លោក​បន្តថា សម្រាប់​ការបោះឆ្នោត​លើក​ទី​១ ដើម្បី​ជ្រើសរើស​ក្រុមប្រឹក្សា​ក្រុង​បូកគោ ការចុះបញ្ជី​គណបក្សនយោបាយ និង​បញ្ជី​បេក្ខជន​ឈរឈ្មោះ​បោះឆ្នោត មាន​រយៈពេល​៥ ថ្ងៃ ដោយ​ត្រូវ​ចាប់ផ្តើម​ពីថ្ងៃ​ទី​៦ ដល់​ថ្ងៃទី​១០ ខែឧសភា ឆ្នាំ​២០២១ នៅ​រៀងរាល់​ម៉ោង​ធ្វើការ​។

​គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បាន​បញ្ជាក់ថា ​គណបក្សនយោបាយ ដែល​បាន​ចុះបញ្ជី​ត្រឹមត្រូវ​ស្របតាម​ច្បាប់​ស្តីពី​គណបក្សនយោបាយ​នៅ​ក្រសួងមហាផ្ទៃ មាន​សិទ្ធិ​ចុះបញ្ជី​គណបក្សនយោបាយ និង​បញ្ជី​បេក្ខជន​ឈរឈ្មោះ​បោះឆ្នោត សម្រាប់​ការបោះឆ្នោត​លើក​ទី​១ ដើម្បី​ជ្រើសរើស​ក្រុមប្រឹក្សា​ក្រុង​បូកគោ នៃ​ខេត្តកំពត ឆ្នាំ​២០២១ ដែល​នឹង​ប្រព្រឹត្តទៅ​នៅ​ថ្ងៃអាទិត្យ ទី​២៥ ខែកក្កដា ឆ្នាំ​២០២១​។

បើតាម គ​.​ជ​.​ប ពាក្យសុំ​ចុះបញ្ជី​គណបក្ស​នយោបាយ និង​បញ្ជី​បេក្ខជន​ឈរឈ្មោះ​បោះឆ្នោត គណបក្សនយោបាយ​ទាំងអស់​អាច​ស្នើសុំ​នៅ គ​.​ជ​.​ប ឬ នៅ​លេខាធិការដ្ឋាន​រៀបចំ​ការបោះឆ្នោត​ខេត្តកំពត ឬ​ទាញយក​ពី​គេហទំព័រ គ​.​ជ​.​ប ហើយ​ការដាក់​ពាក្យសុំ​ចុះបញ្ជី​គណបក្សនយោបាយ និង​បញ្ជី​បេក្ខជន​ឈរឈ្មោះ​បោះឆ្នោត ត្រូវធ្វើ​នៅ គ​.​ខ​.​ប ខេត្តកំពត​។

​ពាក្យសុំ​ចុះបញ្ជី​គណបក្ស​នយោបាយ និង​បញ្ជី​បេក្ខជន​ឈរឈ្មោះ​បោះឆ្នោត ត្រូវមាន​ភ្ជាប់​មកជា​មួយ​នូវ​ឯកសារ​ពាក់ព័ន្ធ​ដូច​មានកំណត់​ក្នុង​ទម្រង់​បែបបទ​លេខ​១០០៨៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services