អ្នកនយោបាយ២រូប សាទរក្រោយសម្ដេចតេជោ អំពាវនាវឲ្យពិចារណាបញ្ឈប់ដីកាចាប់ខ្លួនបណ្ឌិត សេង សារី
Connect with us
Helistar Cambodia - Helicopter Charter Services

នយោបាយ

អ្នកនយោបាយ២រូប សាទរក្រោយសម្ដេចតេជោ អំពាវនាវឲ្យពិចារណាបញ្ឈប់ដីកាចាប់ខ្លួនបណ្ឌិត សេង សារី

បានផុស

នៅ

លោក ថាច់ សេដ្ឋា ប្រធានសហគមន៍ខ្មែរកម្ពុជាក្រោម និងជាអតីតមន្រ្តីជាន់ខ្ពស់ នៃអតីត CNRP បានចេញមកអបអរសាទរ ចំពោះការអំពាវនាវរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ឲ្យតុលាការបញ្ឈប់ចេញដីកាចាប់ខ្លួនលោកបណ្ឌិត សេង សារី អ្នកវិភាគបញ្ហាសង្គម និងនយោបាយ។

លោក ថាច់ សេដ្ឋា ដែលទើបទទួលបាននីតិសម្បទានយោបាយ​ កាលពីពេលថ្មីៗនេះ បានលើកឡើងយ៉ាងដូច្នេះថា «ក្នុងនាមអតីតសមាជិកព្រឹទ្ធសភា និងជាអ្នកនយោបាយខ្មែរម្នាក់ ខ្ញុំសូមអប់អរសាទរចំពោះសម្តេច ហ៊ុន សែន ប្រមុខរាជរដ្ឋាភិបាល ដែលបានពិចារណាឡើងវិញ នូវការវិភាគរបស់លោកបណ្ឌិត សេង សារី និងបានអំពាវនាវឲ្យតុលាការបញ្ឈប់ចេញដីកា ចាប់ខ្លួនលោកបណ្ឌិតសេង សារី»។ លោកថា ការសម្រេចបែបនេះ សបញ្ជាក់ឲ្យឃើញថា សម្តេចមានការថ្លឹងថ្លែងច្បាស់លាស់ ទៅលើការបកស្រាយអំពីចេតនាពិត នៃការវិភាគរបស់លោកបណ្ឌិត សេង សារី។

លោកថា «ខ្ញុំសូមគាំទ្រយ៉ាងពេញហឹង ចំពោះឥរិយាបទប្រកបដោយវិចារណញ្ញាណ របស់សម្តេចបែបនេះជាបន្តទៀត ដើម្បីប្រជាជាតិខ្មែរទាំងមូលបាន រស់នៅដោយសុខដុមរមនីយកម្ម ក្រោមដំបូលសន្តិភាព ប្រកបដោយយុត្តិធម៌ សមភាពសង្គម និងសេចក្តីថ្លៃថ្នូរ រុងរឿង ថ្កើងថ្កានជាអមតៈ»។

ចំណែកមន្រ្តីជាន់ខ្ពស់ នៃគណបក្សប្រជាធិបតេយ្យមូលដ្ឋាន (គបម) លោក យ៉ង សាំងកុមារ ក៏បានគាំទ្រចំពោះអំពាវនាវរបស់សម្ដេចតេជោ ហ៊ុន សែន ខាងលើនេះដែរ។ លោកបញ្ជាក់យ៉ាងដូច្នេះថា «នេះជាលើកទី១ហើយដែលខ្ញុំ ចែករំលែកបន្តសារ នៅផេករបស់ប្រមុខរដ្ឋាភិបាលខ្មែរ។ ខ្ញុំសូមស្វាគមន៍ការផ្លាស់ប្តូរ ការសម្រេចចិត្ត ដោយឲ្យតម្លៃលើការស្តាប់ហេតុផលនានា»។

សូមបញ្ជាក់ថា នៅព្រឹកថ្ងៃទី២០ ខែកញ្ញានេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហោះសារ​នៅលើទំព័រហ្វេសប៊ុកថា «ក្រោយពីបានស្តាប់ការសម្ភាសន៍ជាមួយកាសែត The Cambodia Daily របស់លោកបណ្ឌិត សេង សារី ដែលបកស្រាយពន្យល់អំពីគោលបំណង នៃការវិភាគអំពីសេនារីយោ ៦ចំណុច កាលពីថ្ងៃទី២១ ខែកក្កដា ឆ្នាំ២០២១ បង្ហាញថា ការបកស្រាយនេះ មានលក្ខណៈសមហេតុផល និងអាចទទួលយកបាន ក្នុងនាមប្រមុខ នៃរាជរដ្ឋាភិបាលកម្ពុជា»។

សម្តេចតេជោនាយករដ្ឋមន្ត្រី បានអំពាវនាវថា «ខ្ញុំសូមអំពាវនាវអោយ ស្ថាប័នតុលាការពិនិត្យ ពិចារណាក្នុងការបញ្ឈប់ដីកាចាប់ខ្លួនលោក បណ្ឌិត សេង សារី។ ទន្ទឹមនឹងនេះ ខ្ញុំក៏សូមលើកទឹកចិត្តអោយលោក បណ្ឌិត សេង សារី បន្តកិច្ចការស្រាវជ្រាវ និងវិភាគបញ្ហាសង្គមបន្តទៀត ដើម្បីជាប្រយោជន៍ដល់ការសិក្សាស្រាវជ្រាវ ផ្នែកវិទ្យាសាស្ត្រសង្គម»៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ឯកឧត្តម​ ឌី វិជ្ជា​ អញ្ជើញ​ចូល​រួម​កម្មវិធី​ប្រកួត​ រ៉ូបូត​មនុស្សយន្ត​

ព័ត៌មានជាតិ១១ នាទី មុន

ត្រី​កា​ម៉ុង លក់​បាន​ថ្លៃ​លើ​ទីផ្សារ គ្រា​មាន​ព្យុះភ្លៀង​២​សប្តាហ៍​កន្លងទៅ

ព័ត៌មានជាតិ៣៨ នាទី មុន

ក្នុង​រយៈពេល​៥​ថ្ងៃនេះ រដ្ឋបាល​រាជធានី​ភ្នំពេញ បាន​អ៊ុត​គំនូសចរាចរ​លើ​ដងផ្លូវ​ចំនួន​៣​ខ្សែ នៅក្នុង​រាជធានី​ភ្នំពេញ

ព័ត៌មានជាតិ១ ម៉ោង មុន

គ្រឹះស្ថានសិក្សា​រដ្ឋ​កម្រិត​មធ្យម ជាង​៤០​សាលា​នៅ​ខេត្តសៀមរាប បាន​បើក​ដំណើរការ​សាកល្បង​

ព័ត៌មានជាតិ២ ម៉ោង មុន

ឯកឧត្តម​អភិបាលខេត្ត​កំពង់ឆ្នាំង ​ណែនាំ​អាជ្ញាធរ​ក្រុង​កំពង់ឆ្នាំង​ជួយ​មើល​លូ​តាម​ផ្លូវជាតិ​ដែលមាន​សំរាម​កកស្ទះ

Sokha Hotels

ព័ត៌មានពេញនិយម

Helistar Cambodia - Helicopter Charter Services