ការបញ្ចប់សមាជិកភាពមន្ត្រីជាន់ខ្ពស់ ៣រូបពីបក្សហ្វ៊ុនស៊ិនប៉ិច ដោយសារបង្ខំរួបរួម ជាមួយបក្សខ្មែររួបរួមជាតិ
Connect with us
Helistar Cambodia - Helicopter Charter Services

នយោបាយ

ការបញ្ចប់សមាជិកភាពមន្ត្រីជាន់ខ្ពស់ ៣រូបពីបក្សហ្វ៊ុនស៊ិនប៉ិច ដោយសារបង្ខំរួបរួម ជាមួយបក្សខ្មែររួបរួមជាតិ

បានផុស

នៅ

គណបក្សហ្វ៊ុនស៊ិនប៉ិច បានបញ្ជាក់ថា ការបញ្ចប់សមាជិកភាពមន្ត្រីជាន់ខ្ពស់ ៣រូប ពីគណបក្សហ្វ៊ុនស៊ិនប៉ិចនោះ ក៏ព្រោះតែពួកគេរឹងរូស បង្ខំរួបរួមជាមួយគណបក្សខ្មែររួបរួមជាតិ និងមិនគោរពលក្ខន្តិកៈគណបក្ស ហើយបង្កឲ្យ​មាន​​​ការបែកបាក់ផ្ទៃក្នុងគណបក្ស។ នេះបើយោងតាម សេចក្ដីប្រកាសព័ត៌មាន របស់គណបក្សហ្វ៊ុនស៊ិនប៉ិច ស្ដីពី លទ្ធផលនៃកិច្ចប្រជុំពិសេស ថ្នាក់ដឹកនាំគណបក្សហ្វ៊ុនស៊ិនប៉ិច ក្រោមព្រះអធិបតីភាព សម្ដេចក្រុមព្រះ នរោត្តម ​រណឬទ្ធិ តាមប្រព័ន្ធវីដេអូ កាលពីថ្ងៃទី២៤ ខែកញ្ញា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាសព័ត៌មាន ដែលទើបផ្សព្វផ្សាយនៅថ្ងៃទី២៧ ខែកញ្ញានេះ បានឲ្យដឹងថា បដិសេធទាំងស្រុង និងធ្វើ​ការ​ថ្កោលទោស ចំពោះអ្វីដែលអះអាងថា ជាកិច្ចប្រជុំវិសាមញ្ញ គណៈកម្មាធិការនាយក នៅថ្ងៃទី១៧ ខែកញ្ញា ឆ្នាំ​២០២១ ព្រមទាំងការសម្រេចផ្សេងៗ ដែលរៀបចំធ្វើឡើងដោយសហជីវិន ចាប ញ៉ាលីវុធ សហជីវិន ហេង ចាន់ថា សហជីវិន សាយ ហាក់ គឺជាការរំលោភលើលក្ខន្តិកៈគណបក្ស ដែលបានតម្កល់នៅក្រសួងមហាផ្ទៃ បទបញ្ជាផ្ទៃក្នុង និងរំលោភលើបុព្វសិទ្ធិ សម្ដេចក្រុមព្រះ ព្រះប្រធានគណបក្សទាំងស្រុង ដែលព្រះអង្គកំពុងគង់នៅជាធរមាន ហើយ​បាននិងកំពុងទ្រង់ការជារៀងរាល់ថ្ងៃ ជាមួយអគ្គលេខាធិការដ្ឋាន ដែលជាសេនាធិការផ្ទាល់ របស់ព្រះអង្គ។

សេចក្ដីប្រកាសព័ត៌មាន របស់គណបក្សហ្វ៊ុនស៊ិនប៉ិច ក៏បានសម្រេចបញ្ចប់សមាជិកភាព ពីគណបក្សហ្វ៊ុនស៊ិនប៉ិច សហជីវិន ហេង ចាន់ថា សហជីវិន សាយ ហាក់ សហជីវិន ផាន់ សិទ្ធី ដែលរឹងរូសអត្តនោម័ត បង្ខំរួបរួមជាមួយ និង​គណ បក្សរួបរួមជាតិ ដោយមិនរង់ចាំតាមព្រះតម្រិះ សម្ដេចក្រុមព្រះ ព្រះប្រធានគណបក្ស និងមិនគោរពតា​មលក្ខន្តិ​កៈ​គណ បក្ស ដោយបានធ្វើសកម្មភាពទុច្ចរិត បង្កឲ្យមានការបែកបាក់សាមគ្គីផ្ទៃក្នុង គណបក្សហ្វ៊ុនស៊ិនប៉ិច បង្កាច់​បង្ខូចព្រះកិត្តិ នាម ព្រះកិត្តិយស សម្ដេចក្រុមព្រះ ព្រះប្រធានគណបក្ស និងក្រុមគ្រួសារព្រះអង្គ ដើម្បីផល​ប្រយោ​ជ​ន៍ផ្ទាល់ខ្លួន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

រដ្ឋបាល​រាជធានី​ភ្នំពេញ មាន​ការ​ធ្វើ​ចរាចរណ៍​ចំពោះ​ឡាន​ធំ ដឹកទំនិញ​ឆ្លងកាត់​ផ្លូវ​លេខ​២០​អា ខណៈ​មានទឹក​ហូរ​កាត់​នៅ​យប់​នេះ

ព័ត៌មានជាតិ២ ម៉ោង មុន

សម្តេច​តេ​ជោ ហ៊ុន សែន ​៖ ​តួនាទី​សំខាន់​៣​របស់​វិស័យ​ឯកជន​រួមចំណែក​សម្រេច​នូវ​ការងារ​អាទិភាព​និង​ផែនការ​ការងារ​អាស៊ាន​ក្នុង​ឆ្នាំ​២០២២

ព័ត៌មានជាតិ២ ម៉ោង មុន

ការស្ថាបនា​ផ្លូវ ៣៨​ខ្សែ ក្រុង​សៀមរាប សម្រេច​បាន ៨៣,៨៧% ក្នុង រយៈពេល​១១ ខែ (​គិត​ត្រឹម​ថ្ងៃ ១៥ តុលា ២០២១) គ្រោង​បញ្ចប់​ការស្ថាបនា ក្នុង​ចុងខែ​ធ្នូ ឆ្នាំ​២០២១

ព័ត៌មានជាតិ២ ម៉ោង មុន

អាវុធហត្ថ​ត្រៀម​កម្លាំង មធ្យោបាយ សម្ភារៈ​រួចជាស្រេច​ដើម្បី​សង្គ្រោះ​ប្រជាពលរដ្ឋ​ដែល​រងគ្រោះ​ដោយ​ទឹកជំនន់

ព័ត៌មានជាតិ៣ ម៉ោង មុន

ក្រុម​ហ៊ុន HEINEKEN Cambodia ឈ្នះ​ពានរង្វាន់​ធនធានមនុស្ស​ផ្នែក​អភិវឌ្ឍន៍​អាជីព​ល្អ​បំផុត​ប្រចាំ​តំបន់​អាស៊ី​ប៉ាស៊ីហ្វិក​

Sokha Hotels

ព័ត៌មានពេញនិយម

Helistar Cambodia - Helicopter Charter Services