លោក ជិន ម៉ាលីន៖ បញ្ហាសិទ្ធិមនុស្ស និងលទ្ធិប្រជាធិបតេយ្យនៅកម្ពុជា គឺគ្មានអ្វីត្រូវស្តារឡើងវិញនោះទេ
Connect with us
Helistar Cambodia - Helicopter Charter Services

នយោបាយ

លោក ជិន ម៉ាលីន៖ បញ្ហាសិទ្ធិមនុស្ស និងលទ្ធិប្រជាធិបតេយ្យនៅកម្ពុជា គឺគ្មានអ្វីត្រូវស្តារឡើងវិញនោះទេ

បានផុស

នៅ

ក្រុមអង្គការសង្គមស៊ីវិលចំនួន៦៦ស្ថាប័ន នៅថ្ងៃទី២៤ ខែវិច្ឆិកា ឆ្នាំ២០២១ បានរួមគ្នាស្នើឱ្យមានការកែទម្រង់ជាប្រព័ន្ធ លើសពីការដោះលែងសកម្មជនការពារសិទ្ធិមនុស្សដោយមានលក្ខខណ្ឌ។ ពួកគេក៏បានស្នើដល់អាជ្ញាធរកម្ពុជាចាត់វិធានការជាប្រព័ន្ធ ដើម្បីស្តារលទ្ធិប្រជាធិបតេយ្យ និងលំហរសេរីភាពរបស់ពលរដ្ឋក្នុងប្រទេសឡើងវិញ ព្រមទាំងស្តារសិទ្ធិមនុស្សជាមូលដ្ឋានឡើងវិញផងដែរ។ ប៉ុន្តែ លោកជិន ម៉ាលីន បានឆ្លើយតបថា បញ្ហាទាំងអស់នេះ គ្មានអ្វីត្រូវស្តារឡើងវិញនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាប់កម្ពុជាថ្មីនៅរសៀលថ្ងៃពុធនេះ អ្នកនាំពាក្យក្រសួងយុត្តិធម៌ និងជាអនុប្រធានគណៈកម្មាធិការសិទ្ធិមនុស្សកម្ពុជា លោកជិន ម៉ាលីន បានអះអាងថា ការស្នើទាំងនេះ គឺគ្រាន់តែជាការលើកឡើងក្នុងចេតនានយោ​បាយតែប៉ុណ្ណោះ។ លោកបានគូសបញ្ជាក់ទៀតថា ស្ថានភាពសិទ្ធិមនុស្ស និងលទ្ធិប្រជាធិបតេយ្យនៅក្នុងប្រទេសកម្ពុជា គឺមិនមានអ្វីត្រូវស្តារឡើងវិញនោះទេ។ និយាយជារួម គឺគ្រាន់តែធ្វើឱ្យប្រសើរឡើងថែមទៀត។លោកជិន ម៉ាលីន បានអះអាងបែបនេះថា៖«អានេះ គឺជារបាយការណ៍ដដែលៗ ក្នុងចេតនានយោបាយដែលពួកគាត់តែងតែធ្វើឡើងនាពេលកន្លងមក ផ្អែកតាមរបៀបវារៈនយោបាយរបស់ម្ចាស់ជំនួយរបស់ពួកគាត់»។

យ៉ាងណាក៏ដោយ ក្រុមអង្គការសង្គមស៊ីវិលទាំង៦៦ បានលើកឡើងថា ស្ថានភាពសិទ្ធិមនុស្សនៅតែស្ថិតក្រោមការគំរាមកំហែង ហើយសកម្មជននយោបាយ និងសិទ្ធិមនុស្សខ្លះត្រូវបានដោះលែង តែខ្លះទៀតកំពុងជាប់ឃុំនៅឡើយ។ ដូច្នេះហើយ ពួកគេបានស្នើដល់អាជ្ញាធរកម្ពុជាដោះលែងអ្នកទោសនយោបាយ និងសកម្មជនទាំងអស់ដែលត្រូវបានចោទប្រកាន់ ដោយសារតែការអនុវត្តសិទ្ធិមូលដ្ឋានរបស់ពួកគេ និងទម្លាក់ចោលការចោទប្រកាន់ទាំងអស់ពីពួកគេផងដែរ។

ប៉ុន្តែ លោកជិន ម៉ាលីន បានអះអាងថា នៅកម្ពុជា គ្មានទេអ្នកទោសនយោបាយនោះ គឺមានអ្នកនយោបាយ ឬសកម្មជននយោបាយដែលបានប្រព្រឹត្តបទល្មើស។ បើតាមអ្នកនាំពាក្យរូបនេះ គឺថា ការដោះលែង ការសម្រាលទោស ឬដាក់ទោសទណ្ឌយ៉ាងណានោះ អាស្រ័យតាមនីតិវិធីរបស់តុលាការ ដោយគ្មាននរណាម្នាក់ទៅបង្ខិតបង្ខំតុលាការបានឡើយ៕

អត្ថបទ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៤ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៤ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៤ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៤ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services