សម្តេច ស ខេង ចេញមកប្រកាសគាំទ្ររាល់ការសម្រេចរបស់បក្សប្រជាជនកម្ពុជាចំពោះអនាគតនាយករដ្ឋមន្រ្តី
Connect with us
Helistar Cambodia - Helicopter Charter Services

នយោបាយ

សម្តេច ស ខេង ចេញមកប្រកាសគាំទ្ររាល់ការសម្រេចរបស់បក្សប្រជាជនកម្ពុជាចំពោះអនាគតនាយករដ្ឋមន្រ្តី

បានផុស

នៅ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃកម្ពុជា នៅយប់នេះបានចេញមកប្រកាសគាំទ្ររាល់ការសម្រេចរបស់គណបក្សប្រជាជនកម្ពុជាក្នុងជ្រើសតាំងសម្តេចតេជោ ហ៊ុន សែន ជានាយករដ្ឋមន្រ្តី និងការជ្រើសរើសបេក្ខភាពនាយករដ្ឋមន្រ្តីនាពេលអនាគត។ នេះបើតាមសារជូនជនរួមជាតិរ​បស់សម្តេចក្រឡាហោម ស ខេង ដែលបានបង្ហោះនៅលើទំព័រហ្វេសប៊ុករបស់សម្តេច។

សម្តេចក្រឡាហោម ស ខេង បានប្រកាសយ៉ាងដូច្នេះថា៖«១- ខ្ញុំតែងតែគោរព និងគាំទ្រសេចក្តីសម្រេចរបស់មហាសន្និបាត និង សន្និបាតរបស់គណបក្សប្រជាជនកម្ពុជា ក្នុងការជ្រើសតាំង សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ជានាយករដ្ឋមន្ត្រី សម្រាប់អាណត្តិនេះ និងអាណត្តិបន្តបន្ទាប់ទៀត ។ ២- ចំពោះការជ្រើសរើសបេក្ខភាពនាយករដ្ឋមន្ត្រី នាពេលអនាគត ខ្ញុំក៏នឹងគោរពតាមការសម្រេចរបស់ គណបក្សប្រជាជនកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រធាន»។

ការចេញមកប្រកាសរបស់សម្តេចក្រឡាហោម ស ខេង នាពេលនេះ ធ្វើឡើងបន្ទាប់ពីក្រុមអតីតបក្សប្រឆាំងមួយចំនួនបានទាញសម្តេចទៅភ្ជាប់ទៅនឹងរឿងសម្តេចតេជោ ហ៊ុន សែន ប្រកាសគាំទ្រលោកហ៊ុន ម៉ាណែត ធ្វើជានាយករដ្ឋមន្រ្តីកម្ពុជានាពេលអនាគត។ ពួកគេបានលើកឡើងថា ដំណែងជានាយករដ្ឋមន្រ្តីកម្ពុជានេះ គឺសម្តេចក្រឡាហោម ស ខេង ស័ក្តិសមនឹងកាន់៕

អត្ថបទ៖ វណ្ណ​ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services