នយោបាយ
អ្នកវិភាគ ៖ ចាស់ទុំបក្សកាន់អំណាចកំពុងរៀបចំអ្នកបន្តវេន តែអ្នកបន្តវេនបក្សប្រឆាំងបែរព្យាយាមកៀសចាស់ទុំចេញពីបក្សទៅវិញ
លោកបណ្ឌិត សេង សារី អ្នកវិភាគបញ្ហាសង្គម និងនយោបាយនៅព្រឹថ្ងៃព្រហស្បតិ៍នេះ ទំនងជាឃ្នើសចិត្តនឹងក្រុមអតីតបក្សប្រឆាំង បានលើកឡើងពីរឿងអ្នកបន្តវេននៃគណបក្សបកាន់អំណាច និងអតីតបក្សប្រឆាំង។ លោកថា ខណៈដែលចាស់ទុំគណបក្សកាន់អំណាចកំពុងរៀបចំអ្នកបន្តវេន តែបែរជាអ្នកបន្តវេននៃអតីតបក្សប្រឆាំងកំពុងព្យាយាមកៀសចាស់ទុំចេញពីបក្សទៅវិញ។
តាមរយៈទំព័រហ្វេសប៊ុក លោកបណ្ឌិត សេង សារី បានសរសេរបែបនេះថា៖ «រឿងពិតដែលមិនគួរនិយាយ!អំឡុងពេលចាស់ទុំរបស់គណបក្សកាន់អំណាចកំពុងរៀបចំអ្នកបន្តរវេន បែរជាអ្នកបន្តរវេនរបស់គណបក្សប្រឆាំងកំពុងព្យាយាមយកជើងកៀសចាស់ទុំក្នុងបក្សចេញពីសង្វៀននយោបាយ និងព្យាយាមជាន់ក្បាលចាស់ទុំក្នុងបក្សចេញមុខទៅវិញ (?)»។
បើទោះបីមិនចុចឱ្យឈ្មោះក្តី ប៉ុន្តែនៅអមសំណេររបស់ខ្លួន លោកបណ្ឌិត សេង សារី បានបង្ហាញនូវរូបភាពលោក ហ៊ុន ម៉ាណែត ដែលជាកូនប្រុសច្បងរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងកញ្ញា កឹម មនោវិទ្យា ដែលជាកូនស្រីច្បងរបស់លោក កឹម សុខា។ កូនស្រីច្បងរបស់លោក កឹម សុខា នាពេលប៉ុន្មានថ្ងៃនេះ បានបើកវាយការប្រហារបកទៅលោក សម រង្ស៊ី និងក្រុមលោកវិញទាក់ទងទៅនឹងការបែកបាក់នៃសម្ព័ន្ធភាពរវាងលោក សម រង្ស៊ី និងលោក កឹម សុខា។ ធ្វើបែបនេះ ក៏ដើម្បីជាការការពារដល់លោក កឹម សុខា ផងដែរ។
ចំណែក លោក ហ៊ុន ម៉ាណែត វិញ នៅពេលថ្មីៗនេះ សម្តេចតេជោ ហ៊ុន សែន បានប្រកាសគាំទ្រជាបេក្ខភាពនាយករដ្ឋមន្រ្តីនៃកម្ពុជានាពេលអនាគត។ ការប្រកាសរបស់សម្តេចតេជោ គឺទទួលបានការគាំទ្រយ៉ាងភ្លូកទឹកភ្លូកដីពីសំណាក់ថ្នាក់ដឹកនាំជាន់ខ្ពស់ ក៏ដូចជា មហាជនទូទៅ។ យ៉ាងណាមិញ សម្តេចនាយករដ្ឋមន្រ្តីហ៊ុន សែន បានបញ្ជាក់ឲ្យដឹងនៅព្រឹកថ្ងៃព្រហស្បតិ៍នេះហើយថា នៅថ្ងៃទី២៤ ខែធ្នូ ឆ្នាំ២០២១ ខាងមុខនេះ គណៈកម្មាធិការកណ្តាលរបស់គណបក្សប្រជាជនកម្ពុជា នឹងរៀបចំសន្និបាតជ្រើសរើសបេក្ខភាពនាយករដ្ឋមន្រ្តីបន្តវេននាពេលអនាគត៕
អត្ថបទ៖ វណ្ណ សុគន្ធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង