នយោបាយ
តុលាការ នឹងចុះអនុវត្តដីកាសម្រេចឲ្យស្រាវជ្រាវអចលនវត្ថុ ជាកម្មសិទ្ធិរបស់ សម រង្ស៊ី និងភរិយា នៅសប្តាហ៍ក្រោយ
ចៅក្រមអនុវត្ត នៃសាលាដំបូងរាជធានីភ្នំពេញ នឹងចុះអនុវត្តដីកាសម្រេចឲ្យស្រាវជ្រាវស្ថានភាពបច្ចុប្បន្ន នៃអចលនវត្ថុ ជាកម្មសិទ្ធិរបស់លោក សម រង្ស៊ី និងភរិយា (លោកស្រី ជូឡុង ស៊ូមូរ៉ា ) នៅថ្ងៃទី២០ ខែធ្នូ ឆ្នាំ២០២១ ដើមសប្តាហ៍ក្រោយ ហើយលិខិតជូនដំណឹងត្រូវបានតុលាការយកទៅបិទនៅអតីតទីស្នាក់ការអតីតគណបក្សសង្គ្រោះជាតិ ដែលស្ថិតនៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ នៅថ្ងៃទី១៣ ខែធ្នូ ឆ្នាំ២០២១នេះ។
បើតាមលិខិតជូនដំណឹង ការចុះអនុវត្តដីកាសម្រេចឲ្យស្រាវជ្រាវស្ថានភាពបច្ចុប្បន្ន នៃអចលនវត្ថុ ជាកម្មសិទ្ធិរបស់លោក សម រង្ស៊ី និងភរិយានេះ នឹងធ្វើឡើងនៅអតីតទីស្នាក់ការអតីតគណបក្សសង្គ្រោះជាតិ ដែលស្ថិតនៅផ្ទះលេខ៥៧៦ ក្រុមទី០១ ភូមិព្រែកតាគង់២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ វេលាម៉ោង៨ និង៣០នាទីព្រឹក ថ្ងៃទី២០ ខែធ្នូ ឆ្នាំ២០២១។
ចៅក្រមអនុវត្តសាលាដំបូងរាជធានីភ្នំពេញ កាលពីថ្ងៃទី០៤ ខែវិច្ឆិកា ឆ្នាំ២០២១ បានសម្រេចដាក់លក់ដោយបង្ខំផ្ទះរបស់លោក សម រង្ស៊ី ដែលជាអតីតទីស្នាក់ការ នៃអតីតគណបក្សសង្គ្រោះជាតិ ហើយការសម្រេចដាក់លក់ផ្ទះលោក សម រង្ស៊ី នៅសង្កាត់ចាក់អង្រែលើ ខណ្ឌមានជ័យនេះ បានធ្វើឡើងបន្ទាប់ពីមានសំណើសុំឲ្យអនុវត្តវិធានការបង្ខំ របស់ដើមបណ្ដឹងរដ្ឋប្បវេណីចំនួន៤ បណ្ដឹង ដែលភាគីអ្នកចាញ់ក្តីលោក សម រង្ស៊ី មិនបានអនុវត្ត។
ដើមបណ្ដឹងរដ្ឋប្បវេណីរួមមាន គឺទី១, សម្តេចតេជោ ហ៊ុន សែន ជាម្ចាស់បំណុល (ចំនួន១លានដុល្លារ) ទី២, សម្តេចអគ្គមហាពញាចក្រី ហេង សំរិន ជាម្ចាស់បំណុល (ប្រមាណ៥សែនដុល្លារ) ទី៣, សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាម្ចាស់បំណុល (២ពាន់លានរៀល) និងទី៤, រដ្ឋាភិបាលកម្ពុជា ជាម្ចាស់បំណុល (១ពាន់៨រយលានរៀល)។
សូមបញ្ជាក់ថា លោក សម រង្ស៊ី ដែលត្រូវបានចាត់ទុកជាមេឧទ្ទាមក្រៅច្បាប់ ត្រូវបានរងប្តឹងពីបទចោទផ្សេងៗគ្នា និងទាមទារសំណងជំងឺចិត្តផ្សេងៗគ្នា ប៉ុន្តែលោក សម រង្ស៊ី និងភរិយា ដែលកំពុងនីរទេសខ្លួននៅក្រៅប្រទេសនោះ ពុំបានបង់ប្រាក់សំណងនេះទេ ទើបតុលាការសម្រេចដាក់លក់ ដើម្បីយកលុយសងទៅដើមបណ្តឹង។
ដោយឡែកលោក គី តិច មេធាវីរាជរដ្ឋាភិបាលបានអះអាងថា ការរឹបអូសទ្រព្យសម្បត្តិរបស់ពិរុទ្ធជន យកទៅលក់ឡៃឡុង ដើម្បីយកប្រាក់មកសង សំណងទៅតាមការកំណត់នៃសាលក្រម ឬសាលដីកា ដែលបានចូលជាស្ថាពរ ជាការប្រតិបត្តិតាមនីតិវិធីច្បាប់។
បើតាមលោកមេធាវី នៅពេលដែលបុគ្គលណាម្នាក់ ប្រព្រឹត្តអំពើដែលជាបទល្មើសព្រហ្មទណ្ឌ ច្បាប់ព្រហ្មទណ្ឌកម្ពុជាកំណត់ចែង នូវទោសដាក់ពន្ធនាគារ និងទោស ពិន័យជាប្រាក់ ជាអាទិ៍ ដែលជាលទ្ធផលនៃបណ្ដឹងអាជ្ញា និងទណ្ឌកម្មសំណងផ្នែក រដ្ឋប្បវេណី ដែលជាលទ្ធផល នៃបណ្តឹងរដ្ឋប្បវេណី ដើម្បីជួសជុលការខូចខាតរបស់ជនរងគ្រោះ ដែលបណ្តាលមកពី អំពើល្មើសនោះ។
ប្រសិនបើពិរុទ្ធជន មិនអនុវត្តសងសំណងជួសជុលការខូចខាតដល់ដើមបណ្តឹងដោយស្ម័គ្រចិត្តទេ ដើមបណ្តឹងមានសិទ្ធិសុំឱ្យតុលាការ រឹបអូសទ្រព្យសម្បត្តិរបស់ពិរុទ្ធជន យកទៅលក់ឡៃឡុង ដើម្បីយកប្រាក់មកសង សំណងទៅតាមការកំណត់នៃសាលក្រម ឬសាលដីកា ដែលបានចូលជាស្ថាពរ ឬដែលមានអានុភាពអនុវត្តដោយបង្ខំ បើទោះបីជាពិរុទ្ធជនបានគេចខ្លួន មិនទាន់អាចឱ្យអាជ្ញាធរមានសមត្ថកិច្ច អនុវត្តទោសព្រហ្មទណ្ឌលើបុគ្គលនោះក្ដី។
លោក គី តិច អះអាងថា បុគ្គលឈ្មោះ សម-រង្ស៊ី និង ជូឡុង-សូមួរ៉ា បានប្រព្រឹត្តអំពើដែលច្បាប់ព្រហ្មទណ្ឌកម្ពុជាបញ្ញត្តិថាជាបទល្មើស។ នីតិវិធីរបស់តុលាការ បានប្រព្រឹត្តទៅតាម លំដាប់លំដោយ រហូតចប់សព្វគ្រប់តាមច្បាប់ជាធរមាន ហើយបុគ្គលនេះ ត្រូវបានតុលាការរកឃើញមានពិរុទ្ធភាពចំពោះការប្រព្រឹត្តអំពើល្មើសនឹងច្បាប់ព្រហ្មទណ្ឌ តាមរយៈសេចក្ដីសម្រេច របស់តុលាការ ដែលបានក្លាយជាស្ថាពរ បិទផ្លូវតវ៉ា និងមានអានុភាពអនុវត្ត ដែលជាលទ្ធផលបានកំណត់ផ្តន្ទាទោស ជនល្មើសនេះ ពីបទព្រហ្មទណ្ឌ និងកំណត់ផ្ដល់សំណងរដ្ឋប្បវេណី ជូនដើមបណ្តឹងជាជនរងគ្រោះ។
លោកមេធាវីបញ្ជាក់ថា បច្ចុប្បន្នបុគ្គលបំពានច្បាប់ឈ្នោះ សម-រង្ស៊ី និង ជូឡុង-សូមួរ៉ា ត្រូវប្រឈមនឹងអំណាចសាលក្រម សាលដីកា ដែលចូលជាស្ថាពរជាបន្តបន្ទាប់ទៀត ព្រមទាំងបង្ខាំងសុំអនុវត្តដោយបង្ខំជាបន្តបន្ទាប់ទៀតផងដែរ។ លោកថា នីតិវិធីអនុវត្តតាមរយៈការចេញដីកាសម្រេចចាប់ផ្តើមការលក់ដោយបង្ខំ នូវអចលនវត្ថុដែលជាកម្មសិទ្ធិរបស់ ពិរុទ្ធជនឈ្មោះ សម-រង្ស៊ី និង ជូឡុង-សូមួរ៉ា ដែលជាទ្រព្យឯកជនរបស់ពិរុទ្ធជននេះ ជាការ ប្រតិបត្តិនូវច្បាប់ និងនីតិវិធី ជាធរមាន ទាំងស្រុង។
ថ្វីត្បិតតែអចលនវត្ថុនេះ ធ្លាប់ត្រូវបានប្រើប្រាស់ជាទីស្នាក់ការនៃអតីតគណបក្សនយោបាយ ប៉ុន្តែទ្រព្យនេះជាកម្មសិទ្ធិរបស់រូបវ័ន្តបុគ្គលឈ្មោះ សម-រង្ស៊ី និង ជូឡុង-សូមូរ៉ា ដែលមានកាតព្វកិច្ចត្រូវសងសំណងរដ្ឋប្បវេណី តាមអំណាចនៃសេចក្តីសម្រេចស្ថាពររបស់តុលាការ ហើយមិនបានសងសំណងនោះដោយស្ម័គ្រចិត្ត៕
ដោយ ៖ កោះកែវ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល