នយោបាយ
លោក សុខ ឥសាន្ត ៖ ការផ្អាកប្រារព្ធទិវាជ័យជម្នះថ្ងៃ៧មករា គឺដោយសារកូវីដ មិនមែនបែកបាក់សាមគ្គីកម្ពុជា-វៀតណាមទេ
ដូចកាលពីឆ្នាំ២០២១ដែរ គឺនៅឆ្នាំនេះ គណបក្សប្រជាជនកម្ពុជា នឹងមិនមានរៀបចំពិធីអបអរសាទររំលឹកខួបជ័យជម្នះ ៧ មករា ជាលក្ខណៈទ្រង់ទ្រាយធំនោះឡើយ។ អ្នកនាំពាក្យគណបក្សប្រជាជនកម្ពុជា លោក សុខ ឥសាន្ត បានអះអាងថា ការមិនធ្វើពិធីធំដុំនេះ គឺដោយសារបញ្ហាជំងឺកូវីដ១៩ មិនមែនដោយសារតែកម្ពុជា និងវៀតណាមបែកបាក់សាមគ្គីនោះទេ។
ការអះអាងរបស់លោក សុខ ឥសាន្ត នាពេលនេះ គឺជាការឆ្លើយតបទៅនឹងសារព័ត៌មាន The Cambodia Daily Khmer ដែលបានធ្វើបទវិភាគអំពីការមិនប្រារព្ធរំលឹកខួប៧ មករា ធំដុំនៅក្នុងឆ្នាំ២០២២នេះ។ កាលពីសប្តាហ៍មុន សារព័ត៌មានមួយនេះ បានសរសេរបែបវិភាគថា តើការប្រកាសផ្អាកប្រារព្ធទិវាជ័យជម្នះ ថ្ងៃ៧មករា របស់មេដឹកនាំខ្មែរ គឺជាចំណុចចាប់ផ្តើមនៃការធ្វើសង្គ្រាមនយោបាយការទូតជាមួយប្រទេសវៀតណាម ឬយ៉ាងណា ខណៈកម្ពុជា នៅពេលនេះ មានមហាយក្សចិន ជាខ្នងបង្អែករបស់ខ្លួនទៅហើយនោះ?
ចំពោះការវិភាគនេះ លោកសុខ ឥសាន្ត បានគូសបញ្ជាក់បែបនេះថា៖ «ការមិនប្រារព្វធ្វើពិធីធំដុំនៅថ្ងៃ៧មករា គឺគ្មានអ្វីក្រៅពីទប់ស្កាត់ការរីករាលដាលនៃកូវីដ១៩ទេ។ ការនិយាយថា មូលហេតុមកពីមានការបែកបាក់សាមគ្គីកម្ពុជា-វៀតណាម គឺជាការនិយាយបំផ្លើសផ្ទុយពីការពិតរបស់ក្រុមប្រឆាំងប៉ុណ្ណោះ»។
តាមពិតទៅ ការសម្រេចផ្អាកការប្រារព្ធទិវាជ័យជម្នះ ថ្ងៃ៧ មករា ជាលក្ខណៈទ្រង់ទ្រាយធំនេះ ត្រូវបានគណបក្សប្រជាជនកម្ពុជា បានប្រកាសឲ្យដឹងតាំងពីអំឡុងខែវិច្ឆិកា ឆ្នាំ២០២១មកម្លេះ។ កាលណោះ គឺសម្តេចវិបុលសេនាភក្តី សាយ ឈុំ អនុប្រធានគណបក្ស និងជាប្រធានគណៈប្រចាំការគណបក្សប្រជាជនកម្ពុជាតែម្តង ជាអ្នកចេញលិខិតបញ្ជាក់ពីការមិនប្រារព្ធពិធីធំដុំនៅថ្ងៃទី០៧ ខែមករា ឆ្នាំ២០២២នេះ។
ក្នុងលិខិតនោះ បានសរសេរថា ៖ «សម្រាប់ការប្រារព្ធខួបលើកទី៤៣ នៃទិវាជ័យជម្នះ ៧មករា នៅថ្ងៃទី៧ ខែមករា ឆ្នាំ២០២២ ខាងមុខនេះ យើងត្រូវរៀបចំធ្វើក្នុងកម្រិតដូចថ្ងៃ៧មករា ឆ្នាំ២០២១កន្លងមក គឺគ្រប់ថ្នាក់ពុំមានការរៀបចំជួបជុំធ្វើមីទ្វីងទេ ប៉ុន្តែត្រូវរៀបចំផ្សព្វផ្សាយ Logo បដា ពាក្យស្លោក ។ល។ នៅតាមទីកន្លែងជាក់ស្ដែង និងតាមការអនុញ្ញាត នៃច្បាប់ ហើយគណៈកម្មាធិការគណបក្សដែលពាក់ព័ន្ធ ក៏ត្រូវត្រៀមរៀបចំ និងផ្សព្វផ្សាយឲ្យបានទូលំទូលាយ នូវរាល់ខ្លឹមសារដែលទាក់ទងដល់ជោគជ័យ និងសមិទ្ធផលរបស់គណបក្សឲ្យបានអធិកអធម»៕
អត្ថបទ ៖ វណ្ណ សុគន្ធា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore