នយោបាយ
នាយករដ្ឋមន្រ្តីនាពេលអនាគត អមដំណើរនាយករដ្ឋមន្រ្តីបច្ចុប្បន្ន ទៅដោះស្រាយបញ្ហាមីយ៉ាន់ម៉ា
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញទៅដល់ប្រទេសមីយ៉ាន់ម៉ាហើយនៅព្រឹកថ្ងៃសុក្រ ទី០៧ ខែមករា ឆ្នាំ២០២២នេះ។ នៅក្នុងដំណើរបំពេញទស្សនកិច្ចនៅមីយ៉ាន់ម៉ានេះ សម្តេចតេជោ ហ៊ុន សែន ក៏បាននាំលោក ហ៊ុន ម៉ាណែត ដែលជាកូនប្រុស និងជាបេក្ខភាពនាយករដ្ឋមន្រ្តីកម្ពុជានាពេលអនាគតរបស់គណបក្សប្រជាជនកម្ពុជាទៅជាមួយផងដែរ។
លោក ហ៊ុន ម៉ាណែត គឺជាឥស្សរជនជាន់ខ្ពស់កម្ពុជាទី៣ហើយ បន្ទាប់ពីលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងលោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដែលបានអមដំណើរសម្តេចតេជោ ហ៊ុន សែន ទៅកាន់ប្រទេសមីយ៉ាន់ម៉ានេះ។ នៅក្នុងដំណើរទស្សនកិច្ចនេះ សម្តេចតេជោ អាចនឹងណែនាំលោក ហ៊ុន ម៉ាណែត ឲ្យមេដឹកនាំប្រទេសមីយ៉ាន់ម៉ាបានស្គាល់ ហើយក្នុងឱកាសនេះ លោក ហ៊ុន ម៉ាណែត ក៏អាចនឹងចូលរួមជួយស្វែងរកដំណោះស្រាយជូនប្រជាជាតិមីយ៉ាន់ម៉ា ក៏ដូចជា សម្រាប់អាស៊ានផងដែរ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងបំពេញទស្សនកិច្ចនៅប្រទេសមីយ៉ាន់ម៉ារយៈពេល ២ថ្ងៃ ចាប់ពីថ្ងៃទី ៧ ខែមករានេះ ដល់ថ្ងៃទី ៨ ខែមករា ឆ្នាំ ២០២២នេះ។ នៅទីនោះ ប្រមុខរាជរដ្ឋាភិបាលកម្ពុជា នឹងមានជំនួបទ្វេភាគីជាមួយ នាយឧត្តមសេនីយ៍ជាន់ខ្ពស់ មីន អោង ឡាំង ដើម្បីពិភាក្សា និងផ្លាស់ប្តូរទស្សនៈអំពីកិច្ចសហប្រតិបត្តិការទ្វេភាគី និងពហុភាគី និងការវិវត្តថ្មីៗ នៅក្នុងអាស៊ាន។
នៅក្នុងដំណើរទស្សនកិច្ចនេះដែរ សម្តេចតេជោនាយករដ្ឋមន្ត្រីកម្ពុជា ក៏បាននាំទៅជាមួយនូវជំនួយជាម៉ាស់ជាង ៣លាន និងគ្រឿងបរិក្ខារពេទ្យជាច្រើនទៀត ដើម្បីចូលរួមប្រយុទ្ធប្រឆាំងការរាតត្បាតជំងឺកូវីដ-១៩ នៅក្នុងប្រទេសមីយ៉ាន់ម៉ា៕
អត្ថបទ ៖ វណ្ណ សុគន្ធា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង