គិត​ត្រឹម​ថ្ងៃទី​១២ ខែមករា ក្នុងដំណាក់កាល​បិទ​ផ្សាយ​បញ្ជី​បោះឆ្នោត​ដំបូង ទទួលបាន​ពាក្យបណ្តឹង​ចំនួន​២៦​បណ្តឹង​
Connect with us
Helistar Cambodia - Helicopter Charter Services

នយោបាយ

គិត​ត្រឹម​ថ្ងៃទី​១២ ខែមករា ក្នុងដំណាក់កាល​បិទ​ផ្សាយ​បញ្ជី​បោះឆ្នោត​ដំបូង ទទួលបាន​ពាក្យបណ្តឹង​ចំនួន​២៦​បណ្តឹង​

បានផុស

នៅ

គណៈកម្មាធិការ​ជាតិ​រៀបចំ​ការបោះឆ្នោត (​គ​.​ជ​.​ប​) បាន​ឲ្យ​ដឹង​នៅ​ថ្ងៃទី​១៣ ខែមករា នេះ​ថា គិត​ត្រឹម​ថ្ងៃទី​១២ ខែមករា ឆ្នាំ​២០២២ ក្នុងដំណាក់កាល​បិទ​ផ្សាយ​បញ្ជី​បោះឆ្នោត​ដំបូង និង​បញ្ជី​ឈ្មោះ​អ្នកបោះឆ្នោត​ដែល​នឹងត្រូវ​លុប​ចេញពី​បញ្ជី​បោះឆ្នោត ឆ្នាំ​២០២១ ក្រុមប្រឹក្សាឃុំ សង្កាត់ (​កបឃ​.​ស​) ទូទាំងប្រទេស បានទទួល​ពាក្យបណ្តឹង​សរុប​ចំនួន​២៦ បណ្តឹង ដែល​សុទ្ធសឹងតែ​ជា​ពាក្យ​បណ្ដឹងតវ៉ា ដោយឡែក​នៅ​ថ្នាក់ គ​.​ជ​.​ប និង​នៅ​ថ្នាក់​ក្រុមប្រឹក្សាធម្មនុញ្ញ ពុំទាន់​ទទួលបាន​ពាក្យបណ្ដឹង​ណាមួយ​ឡើយ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្តឹង​ទាំងនោះ​រួមមាន ខេត្តកំពង់ស្ពឺ​ចំនួន​៨ បណ្តឹង (​លទ្ធផល​ដោះស្រាយ គឺ​យល់ព្រម​តាម​ពាក្យបណ្ដឹង​៦ បណ្ដឹង ដើមបណ្ដឹង​សុំ​ដក​ពាក្យបណ្ដឹង​២ បណ្ដឹង​), ខេត្តកណ្ដាល​ចំនួន​១ បណ្ដឹង (​យល់ព្រម​តាម​ពាក្យបណ្ដឹង ១ បណ្ដឹង​), ខេត្តក្រចេះ ចំនួន​៦ បណ្ដឹង (​កំពុង​ដោះស្រាយ​៥ បណ្ដឹង យល់ព្រម​តាម​ពាក្យបណ្ដឹង​១ បណ្ដឹង​), ភ្នំពេញ​ចំនួន​៨ បណ្ដឹង (​កំពុង​ដោះស្រាយ​៥ បណ្ដឹង យល់ព្រម​តាម​ពាក្យបណ្ដឹង​៣ បណ្ដឹង​), ខេត្តពោធិ៍សាត់​១ បណ្ដឹង (​យល់ព្រម​តាម​ពាក្យបណ្ដឹង ១ បណ្ដឹង​) ស្វាយរៀង​១ បណ្ដឹង (​យល់ព្រម​តាម​ពាក្យបណ្ដឹង ១ បណ្ដឹង​), ខេត្តតាកែវ​១ បណ្ដឹង (​យល់ព្រម​តាម​ពាក្យបណ្ដឹង ១ បណ្ដឹង​) សរុប​២៦ បណ្ដឹង កំពុង​ដោះស្រាយ​១០ បណ្ដឹង យល់ព្រម​តាម​ពាក្យបណ្ដឹង​១៤ បណ្ដឹង ដើមបណ្ដឹង​សុំ​ដក​ពាក្យបណ្ដឹង​២ បណ្ដឹង​។

សូមបញ្ជាក់ថា ការដាក់ ការទទួល និង​ការដោះស្រាយ​ពាក្យបណ្តឹង​ក្នុងដំណាក់កាល​នៃ​ការបិទ​ផ្សាយ​បញ្ជី​បោះឆ្នោត​ដំបូង​និង​បញ្ជី​ឈ្មោះ​អ្នកបោះឆ្នោត ដែល​នឹងត្រូវ​លុប​ចេញពី​បញ្ជី​បោះឆ្នោត​ឆ្នាំ​២០២១ មាន​៣ ដំណាក់កាល រួមមាន​៖

​ទី​១, ការដាក់ ការទទួល​ពាក្យបណ្តឹង​នៅ កបឃ​.​ស មាន​រយៈពេល ១០​ថ្ងៃ​យ៉ាងយូរ បន្ទាប់​ពីថ្ងៃ​បិទ​ផ្សាយ​បញ្ជី​បោះឆ្នោត​ដំបូង និង​ការដោះស្រាយ​ពាក្យបណ្តឹង​មាន​រយៈពេល ៣​ថ្ងៃ​យ៉ាងយូរ បន្ទាប់​ពីថ្ងៃ​បានទទួល​ពាក្យបណ្ដឹង​។​

​ទី​២, ការដាក់ ការទទួល​ពាក្យបណ្តឹង​នៅ គ​.​ជ​.​ប មាន​រយៈពេល ៥​ថ្ងៃ​យ៉ាងយូរ បន្ទាប់​ពីថ្ងៃ​បានទទួល​សម្រង់​សេចក្ដីសម្រេច (​ទ​.១២០៣) របស់ កបឃ​.​ស និង​ការដោះស្រាយ​ពាក្យបណ្តឹង​រយៈពេល ៥​ថ្ងៃ​យ៉ាងយូរ បន្ទាប់​ពីថ្ងៃ​បានទទួល​ពាក្យបណ្ដឹង​។​

​ទី​៣, ការដាក់ ការទទួល​ពាក្យបណ្តឹង​នៅ​ក្រុមប្រឹក្សាធម្មនុញ្ញ មាន​រយៈពេល​៥​ថ្ងៃ​យ៉ាងយូរ បន្ទាប់​ពីថ្ងៃ​បានទទួល​សម្រង់​សេចក្ដីសម្រេច (​ទ​.១២០៣) របស់ គ​.​ជ​.​ប និង​ការដោះស្រាយ​ពាក្យបណ្តឹង រយៈពេល ១០​ថ្ងៃ​យ៉ាងយូរ បន្ទាប់​ពីថ្ងៃ​បានទទួល​ពាក្យបណ្ដឹង​៕

ដោយ ៖ កោះ​កែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៣ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៣ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៣ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៤ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services