មុនបន្តសវនាការឡើងវិញ លោក កឹម សុខា បានជួបជាមួយទូតបរទេសសំខាន់ៗយ៉ាងតិច ៦ រូប
Connect with us
Helistar Cambodia - Helicopter Charter Services

នយោបាយ

មុនបន្តសវនាការឡើងវិញ លោក កឹម សុខា បានជួបជាមួយទូតបរទេសសំខាន់ៗយ៉ាងតិច ៦ រូប

បានផុស

នៅ

សាលាដំបូងរាជធានីភ្នំពេញ នឹង​បើកបន្តសវនាការលោក កឹម សុខា ឡើងវិញនៅថ្ងៃទី១៩ ខែមករា ឆ្នាំ២០២២ខាងមុខនេះក្នុងសំណុំរឿង សន្ទិដ្ឋិភាពជាមួយបរទេស។ ប៉ុន្តែ មុនសវនាការមកដល់ លោក កឹម សុខា បានជួបជាមួយទូតសំខាន់ៗដល់ទៅ៦រូប មានទូតជប៉ុន ទូតបារាំង អាល្លឺម៉ង ឆេក  គណៈប្រតិភូសហភាពអឺរ៉ុបប្រចាំក្រកម្ពុជា និងរដ្ឋមន្រ្តីនៃចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយទូតបារាំងប្រចាំនៅកម្ពុជា លោក កឹម សុខា បានជួបសន្ទនាអាហារថ្ងៃត្រង់នៅក្នុងស្ថានទូតបារាំង រាជធានីភ្នំពេញ តាមការអញ្ជើញរបស់លោក Jacques PELLET ឯកអគ្គរដ្ឋទូតថ្មីបារាំង ប្រចាំនៅកម្ពុជា កាលពីថ្ងៃទី១២ ខែមករា ឆ្នាំ២០២២។ ជំនួបនោះ មានការចូលរួមពីសំណាក់ឯកអគ្គរដ្ឋទូតសំខាន់ៗ នៃរដ្ឋសមាជិកសហភាពអឺរ៉ុប ដូចជា ឯកអគ្គរដ្ឋទូតបារាំង ឯកអគ្គរដ្ឋទូតឆេក ឯកអគ្គរដ្ឋទូតអាល្លឺម៉ង់ និងឯកអគ្គរដ្ឋទូតស្តីទី នៃគណៈប្រតិភូសហភាពអឺរ៉ុបប្រចាំក្រកម្ពុជា។

នៅក្នុងជំនួបជាមួយបណ្តាទូតសំខាន់ៗនេះ ពួកគេបានពិភាក្សាគ្នាពីបញ្ហាតំណាងផ្លូវការនៃប្រទេសដែលប្រកាន់យកប្រជាធិបតេយ្យ សិទ្ធិមនុស្ស និងសេរីភាព ជាគុណតម្លៃស្នូលរបស់គេ។ លោកកឹម សុខាថា បណ្តាប្រទេសទាំងនោះ ធ្លាប់បានជួយខ្មែរ ហើយគេនៅតែចង់ជួយខ្មែរបន្តទៀត ស្របតាមគុណតម្លៃស្នូលរបស់គេ ហើយប្រទេសទាំងនោះ ចង់ឃើញខ្មែរមានដំណោះស្រាយនយោបាយ ដោយអហិង្សា ការបង្រួបបង្រួមជាតិ និងការផ្សះផ្សាជាតិ ដើម្បីពង្រឹងសាមគ្គីភាព ឯកភាព អធិបតេយ្យភាព ឯករាជ្យ សន្តិភាព ស្ថិរភាព វិបុលភាព ប្រជាធិតេយ្យ ការគោរពសិទ្ធិមនុស្ស និងសេរីភាពជាមូលដ្ឋានស្របតាមរដ្ឋធម្មនុញ្ញនៃព្រះរាជាណាចក្រកម្ពុជា។

ចំណែក ជាមួយរដ្ឋមន្ត្រីអង់គ្លេសវិញ! លោក កឹម សុខា កាលពីថ្ងៃទី១១ ខែមករា ឆ្នាំ២០២២ បានជួបជជែកគ្នាជាមួយ លោកស្រី Amanda Milling រដ្ឋមន្ត្រី ទទួលបន្ទុកកិច្ចការអន្តរជាតិ ខូមិនវែល និងអភិវឌ្ឍន៍(Minister of State for Foreign, Commonwealth and Development Affairs)នៃចក្រភពអង់គ្លេស ដែលអញ្ជើញមកបំពេញទស្សនៈកិច្ចផ្លូវការនៅកម្ពុជា។ ជំនួបនោះ រៀបចំឡើងដោយស្ថានទូតចក្រភពអង់គ្លេសប្រចាំកម្ពុជាដោយពួកគេពិភាក្សាគ្នាអំពីបញ្ហាលទ្ធិប្រជាធិបតេយ្យ សិទ្ធិមនុស្ស និងសេរីភាព។ បើតាមលោក កឹម សុខា លោកស្រីរដ្ឋមន្រ្តីអង់គ្លេស បានបញ្ជាក់ថា ចក្រភពអង់គ្លេស នឹងបន្តតាមដានដោយយកចិត្តទុកដាក់អំពីដំណើរការ និងលទ្ធផលនៃសវនាការនាពេលខាងមុខ ដែលពាក់ពន្ធ័នឹងសេរីភាពរបស់លោក ក្នុងការចូលរួមដំណើរការប្រជាធិបតេយ្យនៅកម្ពុជានាពេលខាងមុខ។

មិនខុសគ្នាដែរ នៅក្នុងជំនួបជាមួយលោក Masahiro Mikami ឯកអគ្គរាជទូតនៃប្រទេសជប៉ុនប្រចាំកម្ពុជា នៅក្នុងស្ថានទូតជប៉ុន រាជធានីភ្នំពេញ កាលពីថ្ងៃទី៥ ខែមករា ឆ្នាំ២០២២ លោក កឹម សុខា និងលោកទូតជប៉ុន ក៏បានជជែកគ្នាអំពីសវនាការនាពេលខាងមុខនេះផងដែរ។ ក្រៅពីនេះ ពួកគេ ក៏បានស្វែងយល់ពីគ្នាទៅវិញទៅមកជុំវិញស្ថានភាពនានានៅប្រទេសកម្ពុជា ក៏ដូចជាប្រទេសជប៉ុន៕

អត្ថបទ ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម២ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ២ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍២ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍២ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services