នយោបាយជាតិតែមួយ ដែលមានសម្តេច ហ៊ុន សែន ជាប្រមុខ បង្ហាញ​ចេញច្បាស់លាស់ក្នុងគ្រាមាន​វិបត្តិ
Connect with us
Helistar Cambodia - Helicopter Charter Services

នយោបាយ

នយោបាយជាតិតែមួយ ដែលមានសម្តេច ហ៊ុន សែន ជាប្រមុខ បង្ហាញ​ចេញច្បាស់លាស់ក្នុងគ្រាមាន​វិបត្តិ

បានផុស

នៅ

ថវិកាសប្បុរសជនជាតិដែលស្ម័គ្រចូលរួមជាមួយរាជរដ្ឋាភិបាលកម្ពុជា ប្រមាណជាង៣០លានដុល្លារត្រឹមរយៈពេលជាង៣០ម៉ោងក្រោយការអំពាវនាវ បាន​បង្ហាញ​ចេញ​ប្រត្យក្សនូវស្មារតីជាតិខ្មែរតែមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការអំពាវនាវដែល​រដ្ឋាភិបាល​គ្រោង​ថា នឹង​ទិញវ៉ាក់សាំងប្រឆាំងកូវីដ១៩ចាក់ជូនប្រជាជនឱ្យបាន១០លាននាក់បាន​ធ្វើឱ្យ​រំភើប​ដល់គ្រប់មជ្ឈដ្ឋាន ព្រមទាំងបាននឹងកំពុង​ជំរុញ​ការ​ចូលរួមជាបន្ត​បន្ទាប់ទៀត​ដោយសុទ្ធចិត្តក្នុងចំណោម​ធុរកិច្ចជន អ្នកមាន​ប្រាក់កាសល្បីៗ​នៅ​កម្ពុជា មន្ត្រីរាជការ និស្សិត សិល្បករ កម្មករ ព្រមទាំង​ព្រះសង្ឃ ផង បាន​​និងបង្ហាញច្បាស់លាស់អំពីជោគជ័យ​មហិមា​នៃ​ចលនា​គាំទ្រ​ជាតិខ្មែរតែមួយក្នុងទម្រង់សាមគ្គីភាពយ៉ាង​ធំធេង​មិនធ្លាប់មាន​នៅក្រោយ​សង្គ្រាម​ស៊ីវិល​រាប់ទសវត្សមកនេះ។

ទំនុកចិត្ត​មកលើប្រមុខរដ្ឋាភិបាលកាន់តែមាន​សន្ទុះកើនឡើងយ៉ាងដូចទឹកបាក់ទំនប់ក្នុងស្ថានការណ៍វិបត្តិធំៗ

ពាក្យចាស់លោកពោលថា គ្រាអាសន្ន វាស់ស្ទង់ចិត្តមនុស្ស​។ សន្តានចិត្ត​ទូលំទូលាយ និងស្មារតីម៉ឺងម៉ាត់ រឹងមាំ មុះមុត បើកទូលាយ រួបរួម ជាចំណុចខ្លាំង ជាគុណតម្លៃ ជា​លក្ខណៈពិសេស​ គ្មា​នគូប្រៀប​នៃប្រមុខរាជ​រដ្ឋាភិបាលកម្ពុជា និងក៏​ជាឧទាហរណ៍ជាក់ស្តែង​បង្ហាញ​ថា ជាតិខ្មែរ កំពុងមាន​មេដឹកនាំដែលទទួលបាននូវ​ជំនឿទុកចិត្តខ្ពស់ មិនថា ក្នុងវិបត្តិរោគឆ្លង មហន្តរាយទឹកជំនន់ និងការគម្រាមកំហែង​ដោយ​សង្គ្រាម​លោក មាន ​សម្តេច ហ៊ុន សែន គឺមាន​ការធានា​។

ខ្ញុំុសូមលើកឧទាហរណ៍ជាក់ស្តែង ដូចជា ករណីនៅអាមេរិក។ មិនថាអាមេរិក​ជាប្រទេសមហាអំណាច មានប្រាក់មាន​មធ្យោបាយច្រើន​បំ​ផុតសម្រាប់​ដោះចោលបាន​នូវ​បញ្ហាជា​បន្ទាន់នានា ប៉ុន្តែ​នៅពេលដែលមេដឹកនាំនយោបាយមានបញ្ហា គឺការ​ដោះស្រាយជំងឺរាតត្បាតបង្កជាបញ្ហា​ធំ ។ នៅពេលដែល លោក ចូ ប៊ីដិន ចូលកាន់តំណែងនៅថ្ងៃទី ២០ ខែមករាខាងមុខ​ យើងដឹងថា ករណីជម្ងឺកូវីដ១៩ ជាអទិភាព​បន្ទាន់ដែលលោក​ត្រូវលាត់ដៃអាវដោះស្រាយ។ ការបាក់ចូលមន្ទីរពេទ្យនិងការស្លាប់រណូកដែលឈានដល់កម្រិតវិលមុខនៅប្រទេសបិតាប្រជាធិបតេយ្យ ឬសូម្បីការស្លាប់ឯកោតាមផ្ទះ តាមភូមិត្រូវបានគេប៉ាន់ស្មានថាបាន​កើនឡើង ៥០ ភាគរយពេលបោះឆ្នោតនិងអន្តរកាលប្រធានាធិបតីនេះ ទាំងដែល​សហរដ្ឋអាមេរិកមានធនធានសព្វបែបយ៉ាង នេះហើយបញ្ជាក់ថា នយោបាយ នាំមុខសិន ទើបនិតិប្រតិបត្តិដំណើរការបានតាមក្រោយ​។

ខណៈពលរដ្ឋចូលដំណេក​ក្នុងពេលស្រុកទេសមានវិបត្តិ​ យើងដឹងថាសម្តេច​លោកមិនបានធ្មេចស្រួលបួលនោះទេ

សកម្មភាពការងារ​ត្របាញ់និង ឆ្លៀវឆ្លាត រហ័សរហួននៃសម្តេចតេជោទាំង​យប់ថ្ងៃ ជាបុគ្គលិក​កិរិយាគម្រូ​ដល់មន្ត្រី​សាធារណៈគ្រប់ជាន់ថ្នាក់ មិនអាច​ជិះសេះលែងដៃ មិនអាច​ហៃអើ រឹតតែមិនអាចព្រងើយកន្តើយ​ចំពោះ​តួនាទី​ជាអ្នកដោះស្រាយ​ជូនសង្គមជាតិ ។ មិនតែប៉ុណ្ណោះ បានធ្វើឱ្យ​សម្តី​ក្រុមឆ្វេងនិយម​​ដែលរកតែវិធី​ស្មោគគ្រោក​មក​បង្អាប់បង្អោនផ្ទៃក្នុងជាតិឯង ក្លាយជាមុសាឥតន័យ។ តើអ្នកណាទៅជឿក្រុមមួយ ដែលកេងចំណេញលើទឹកភ្នែក​រាស្ត្រ​ ជាន់បំផ្លាញកិត្តិយសជាតិម្តងជាពីរដង ខណៈដែល​មនុស្ស​ជាច្រើន​កំពុងមាន​នយោបាយជាតិតែមួយ​ដ៏​ច្បាស់លាស់ភ្លឺស្វាងសម្រាប់ដើរតាមទៅហើយ? តើគេរើសយកវិធី​រាទឹក ឬចូកចែវ? ហើយបើនៅក្បាលទូក​តើគេជ្រើសយក អ្នកស្គាល់គោលដៅច្បាស់​ ឬពួកហៃអើ?

ដំណោះស្រាយទិញវ៉ាក់សាំងជូនជាតិ

រាជរដ្ឋាភិបាល​កម្ពុជា បាន​ត្រៀម​ទិញ​វ៉ាក់សាំងការពារ​មេរោគ​កូវីដ១​លាន​ដូ​ស ដើម្បី​ចាក់​ជូន​មនុស្ស​៥០​ម៉ឺន​នាក់​ក្នុងដំណាក់កាល​ដំបូងចំពោះ​អ្នក​ដែល​ប្រឈមហានិភ័យ​ខ្ពស់ក្នុងការងារ រួមមាន​គ្រូពេទ្យ គ្រូបង្រៀន កម្លាំងប្រដាប់អាវុធគ្រប់ប្រភេទ នគរបាលយុត្តិធម៍ រហូតដល់កម្មករបោសសំរាម ដែល​សំអាតទីក្រុង ទីប្រជុំជន។ល។ ពួកគេ​​ត្រូវ​ការចាក់​វ៉ាក់សាំងនេះ ២​ដង​។ ប្រទេសកម្ពុជា បាននិងកំពុងប្រឹងប្រែងហែលកាត់ស្ថានការណ៍ឆ្លងក្នុងសហគមន៍ដ៏គ្រោះថ្នាក់ នៃ​ចង្កោម​មនុស្ស​ដែលបាន​ចេញចូលហាងលក់កាបូប សម្លៀកបំពាក់ ផ្សារទំនើប ដែលកំពុងគម្រាម​ព្រះរាជាណាចក្រទាំងមូលនេះនៅឡើយ។

ទោះយ៉ាងណា ត្រូវពិនិត្យលើស្ថានការណ៍ទូទៅ! យើងមិនមែនឯកោទេ។ ចំនួនករណីឆ្លងកូវីដ១៩ បានកើនឡើងនៅតាមតំបន់ជាច្រើនទូទាំងពិភពលោក នេះ​ហើយ​ មួយភាគបីនៃករណីទាំងអស់ទើប​នឹងកើតឡើងកាលពីខែមុន(វិច្ឆិកា​២០២០)នៅពេលចុះត្រជាក់។ នៅអឺរ៉ុបវិញ បន្ទុះដ៏ភ្ញាក់ផ្អើលមួយ​គឺ​ ៤០ ភាគរយនៃការឆ្លងរោគថ្មី បានកើតឡើងក្នុងខែវិច្ឆិកាប៉ុណ្ណោះ។ ចំនួនអ្នកស្លាប់ដោយ​កូវីដ ១៩ នៅអឺរ៉ុបនិង ២០ ភាគរយទៀតនៅទូទាំងពិភពលោកក៏បានកើតឡើងនៅខែដដែល​នេះ បានន័យថា​មេរោគឆ្លង​កំពុង​ឈានដល់តំណាក់កាលទុំជោរ។

ប្រឆាំងនឹងរូបភាពដ៏សែនក្រៀមក្រំនេះ ពិភពលោកមានដំណឹងល្អរឿងខាងវ៉ាក់សាំង។ ការសាកល្បងបានបង្ហាញពីប្រសិទ្ធភាពនៃវ៉ាក់សាំងផលិតដោយ Pfizer និង Moderna ក្នុងកម្រិត​ប្រសិទ្ធភាព ៩៥ ភាគរយ។ របកគុំហើញនេះ បានធ្វើឱ្យ ពួកនិយតករនៅសហរដ្ឋអាមេរិកនិងបណ្តាប្រទេសដទៃទៀត ប្រឹងប្រែងបង្កើនកិច្ច​អនុម័តចែកចាយប្រើប្រាស់ហើយនៅគ្រប់ទិសទីបានកំណត់យកចុងឆ្នាំនេះ(ខែធ្នូ) ដែល​បុគ្គលប្រឈម​ហានិភ័យខ្ពស់នឹងទទួលបានការចាក់វ៉ាក់សាំងឱ្យ។

ប្រទេសកម្ពុ​ជា​មាន​ប្រជាជន​ជាង ១៦ លាន​នាក់ដែលយ៉ាងហោចណាស់​មនុស្ស​ប្រមាណ​១០​លាន​នាក់​ត្រូវ​ការចាក់​វ៉ាក់សាំង​នេះ ហើយរហូត​មកដល់ពេលនេះ​ រាជរដ្ឋាភិបាលប្រមូលបាន​ការចូលរួម​ថវិកា​ប្រមាណជាង៣០លាន​ដុល្លារអាមេរិកហើយ។

វង្ស បុត្រា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

ក្រុមហ៊ុន Yamato Green ចង់ឱ្យកម្ពុជាដាំដុះរុក្ខជាតិកញ្ឆាដើម្បីនាំចេញទៅជប៉ុន និងអាមេរិក

កូវីដ-១៩១៨ នាទី មុន

ខេត្តកំពង់ស្ពឺ​បន្ត​អនុវត្ត​វិធានការ​រដ្ឋបាល​មួយ​សប្តាហ៍​ទៀត​ ទប់ស្កាត់​ការឆ្លង​រាលដាល​កូ​វីដ​-១៩

ព័ត៌មានខ្លីៗ២០ នាទី មុន

មកស្គាល់ជលផលខ្មែរ ៤ប្រភេទ ទើបបានភ្លើងខៀវនាំចេញទៅកាន់ទីផ្សារប្រទេសចិន

ព័ត៌មានអន្ដរជាតិ៣៣ នាទី មុន

មេដឹកនាំ អង់គ្លេស និងបារាំង​ ថា កូវីដមិនមែនចេញពីមន្ទីរពិសោធន៍ទេ ហើយចាត់ទុកវីរុសនេះជាសត្រូវរួមរបស់មនុស្សជាតិ

ព័ត៌មានជាតិ៣៣ នាទី មុន

ខេត្តបន្ទាយមានជ័យ រកឃើញអ្នកវិជ្ជមានកូវីដថ្មីចំនួន៤៤នាក់បន្ថែម និងជាសះស្បើយ១៣៨នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services